Սկաֆտաֆեդլ

Սկաֆտաֆեդլ
	is/Skaftafell
	Կատեգորիա ԲՊՀՄ — II (Ազգային պարկ)
Տեղագրություն	Իսլանդիա, Sveitarfélagið Hornafjörður?
Կոորդինատներ	64°00′56″ հս․. լ. 16°58′18″ ամ. ե.HGЯO
Տարածք	1700 կմ²
Հիմնադրված է	սեպտեմբերի 15, 1967
Կայք	ust.is/snaefellsjokull-national-park/
	Skaftafell National Park Վիքիպահեստում

Սկաֆտաֆեդլ(իսլ.՝ Skaftafell), ազգային պարկ Իսլանդիայի հարավում, գտնվում է Կիրկյուբաիյարկլյոիստյուր և Հյոֆն քաղաքամասերի միջև։

Ազգային պարկը ստեղծվել է 1967 թվականի սեպտեմբերի 15-ին, որից հետո նրա սահմանները երկու անգամ մեծացել են։ Այժմն նրա տարածքը կազմում է 4807 կմ², Սա Իսլադիայի մեծությամբ երկրերդ ազգային պարկն է։ Նրա տարածքում են գտնվում Մարսաուրդալյուր հովիտը, Կրիստինտարտինդար լեռը, Սկաֆտաֆեդլ սառցադաշտը (Վատնաիյոկյուդլ^[1] մեծ սառցադաշտի լեռնաճյուղավորում) և Լիկա հրաբուխը։

Լանդշաֆտը համանման է Ալպերի լանդշավտին, սակայն այն ձևավորվել է հազարամյակների ընթացքում կրակի (Էրայվաիյոկյուդլ հրաբուխի ժայթքումից) և ջրի (Սկեիյդարաուրիյոկյուդլ և Սկաֆտաֆեդլսիյոկյուդլ սառցադաշտերից և Սկեյդարաու, Մորսաու և Սկաֆտաֆեդլսաու գետերից) ազդեցությամբ։ Սառցե գլխարի տակ հրաբխային ժայթքումները առաջացրել են բազմաթիվ սառցե հոսքեր, որոնք զգալիորեն բարձրացրել են Սկեիյդարաու գետի ջրի մակարդակը։

Սկաֆտաֆեդլը իսլանդիայում հայտնի է իր լավ կլիմայով, ամռանը այստեղ հաճախ են լինում արևոտ օրեր, ինչը հատուկ չէ Իսլանդիայի հարավին։ Պարկում կա նաև կեչիների անտառ, այստեղ բնակվում են թռչունների և բևեռաղվեսների շատ տեսակներ։

Սվարտիֆոսս ջրվեժը (Սև ջրվեժ) թափվում է 12 մ բարձրությամբ սանդղավանդնից։ Այն իր անունը ստացել է ջրվեժի հետևում գտնվող սև բազալտե սյուներից։

Միջին դարերում պարկի տեղում եղել են մի քանի խոշոր գյուղատնտեսություններ, սակայն դրանք լքվել են հրաբուխների երկու խոշոր ժայթքումներից և դրանց հաջորդող սառցադաշտերի գոյացման պատճառով։ Ներկայումս պահպանված երկու ֆերմաները, իրենց հիմնական եկամուտը ստանում են զբոսաշրջությունից։ Պարկում կա տեղեկատվական կենտրոն և վրանային ճամբար։ Տեղանքը հանրաճանաչ է զբոսաշրջիկների շրջանում։

Ծանոթագրություններ խմբագրել

↑ «Vatnajokull National Park». Háskóli Íslands. hi.is. Արխիվացված է օրիգինալից 2009 թ․ ապրիլի 24-ին. Վերցված է 2010 թ․ հուլիսի 9-ին.

Արտաքին հղումներ խմբագրել

Վիքիպահեստն ունի նյութեր, որոնք վերաբերում են «Սկաֆտաֆեդլ» հոդվածին։

[1] «Vatnajokull National Park». Háskóli Íslands. hi.is. Արխիվացված է օրիգինալից 2009 թ․ ապրիլի 24-ին. Վերցված է 2010 թ․ հուլիսի 9-ին.

[1]