Սիրան Սեզա

Սիրան Սեզա (Զարիֆյան-Քյուփելյան Սիրան Տաճատի, փետրվարի 9, 1903(1903-02-09), Կոստանդնուպոլիս, Օսմանյան կայսրություն - սեպտեմբերի 8, 1973(1973-09-08), Բեյրութ, Լիբանան), հայ արձակագիր, հրապարակախոս, խմբագիր։

Սիրան Սեզա
Ծնվել է	փետրվարի 9, 1903(1903-02-09)
Ծննդավայր	Կոստանդնուպոլիս, Օսմանյան կայսրություն
Վախճանվել է	սեպտեմբերի 8, 1973(1973-09-08) (70 տարեկան)
Վախճանի վայր	Բեյրութ, Լիբանան
Մասնագիտություն	հրապարակախոս, խմբագիր և արձակագիր
Կրթություն	Կոլումբիայի համալսարան
Աշխատավայր	Երիտասարդ հայուհի

Բանաստեղծ Մատթեոս Զարիֆյանի քույրը։

Կենսագրություն

Ավարտել է տեղի ամերիկական քոլեջը և Նյու Յորքի Կոլումբիայի համալսարանի գրականության-լրագրության ու լեզուների ֆակուլտետը։ 1932 թվականին Բեյրութում հիմնել և 15 տարի խմբագրել է «Երիտասարդ հայուհի» հանդեսը, որի էջերում անդրադարձել է հայապահպանման խնդրին, կարևորել սփյուռքահայ կնոջ դերը մանուկների հայեցի դաստիարակության գործում։ «Պատնեշը» (1959) և «Մեղավորուհին» (1960) ժողովածուներում ամփոփված պատմվածքներում Սեզան Սիրանը կերտել է հայ, ինչպես և այլազգի կանանց կերպարներ, որոնք կապիտալի աշխարհում բարոյական հենարաններ են որոնում՝ ազնվորեն ապրելու համար։ Երեխաների համար մշակել է հայկական հեքիաթների մի շարք՝ "Հեքիաթներու աշխարհեն" (1973)։ Վահե Վահյանի հետ կազմել և խմբագրել է Զարիֆյանի "Ամբողջական գործեր" (1966) ստվար հատորը։ Մշակութային և դաստիարակչական գործունեության համար լիբանանյան կառավարությունը նրան պարգևատրել է "Արժանյաց կարգ" (1967) շքանշանով։

Ծանոթագրություններ

• A History of Armenian Women's Writing, 1880-1922
• Seza (1903-1973) | Armenian Women

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։