Սիխանյիզո Դլամինի
Սիխանյիզո Դլամինի (անգլ.՝ Sikhanyiso Dlamini; սեպտեմբերի 1, 1987, Մբաբանե, Էսվատինի), Սվազիլենդի տեղեկատվական տեխնոլոգիաների և կապի նախարարն է, թագավոր Մսվատի Երրորդի ավագ դուստրը։
Սիխանյիզո Դլամինի անգլ.՝ Sikhanyiso Dlamini | |
---|---|
Ծնվել է | սեպտեմբերի 1, 1987 (36 տարեկան) |
Ծննդավայր | Մբաբանե, Էսվատինի |
Քաղաքացիություն | Էսվատինի |
Կրթություն | Սիդնեյի համալսարան (2012) և Բիոլա համալսարան |
Մասնագիտություն | քաղաքական գործիչ և գործադիր տնօրեն |
Ծնողներ | հայր՝ Մսվատի III, մայր՝ Սիբոնելո Մնգոմետուլու |
Զբաղեցրած պաշտոններ | Minister of Information, Communications and Technology? |
Sikhanyiso Dlamini Վիքիպահեստում |
Կենսագրություն խմբագրել
Սիխանյիզո Դլամինին ծնվել է 1987 թվականի սեպտեմբերի 1-ին։ Նա Մսվատի Երրորդի 30 երեխաներից ավագն է։ Նրա մայրը՝ Ինխոսիկատի Լա Մբիկիզան է (Սիբոնելո Մնգոմետուլու)։ Արքայադուստրը ունի 200 մորաքույր-հորաքույր և քեռի-հորեղբայր՝ չհաշված նրանց ամուսիններին[1]։
Կրթությունը ստացել է Մեծ Բրիտանիայի Հարդուորդշիրի Սուրբ Էդմունդի քոլեջում։ Հետո Կալիֆորնիայի Բիոլի համալսարանում սովորել է դերասանի վարպետություն[2]։ 2012 թվականին արքայադուստր Սիխանյիզոն ավարտել է Սիդնեյի համալսարանը, և ստացել թվային հաղորդակցության մագիստրոսի աստիճան[2]։
2001 թվականին Մսվատի Երրորդը պայքար է սկսել երկրում տարածվող ՁԻԱՀի դեմ, և շրջանառության մեջ մտցրել կուսության «ումչվաշո» երդումը։ Այն պետք է տային երկրի բոլոր երեխաները։ Արքայադստերը քննադատել են, որ նա ապրել է արտասահմանում և երդումը չի կատարել[3]։ Արտասահմանում ուանելու տարիներին նա ապստամբի հեղիանակություն է վայելել և պայքարել է իր երկրի հնավանդությունների դեմ[4]։ Սիխանյիզոն նաև ջինս և մինի շրջազգեստներ է հագել, ինչը կրելը արգելված է Սվազիլենդցի կանանց[5]։
2003 թվականի դեկտեմբերի 14-ին «Թայմս օֆ Սվազիլենդ» թերթում տպագրված հոդվածը պնդել է․ թե արքայադստեր ԱՄՆ և Անգլիա ճանապարհորդությունների համար երկրի բյուջեից ծախսվել է 1 000 000 000 սվազիլենդյան լիլանգենի (մոտավորապես 100 000 ԱՄՆ դոլար)։ Հոտո Սվազիլենդի վարչապետը հերքել է այս տեղեկությունը[6]։
2005 թվականի Ումխլանգի փառատոնից առաջ արքայադուստրը երեկույթ է կազմակերպել իր մոր նստավայրում։ Երեկույթի ժամանակ աղջիկները ալկոհոլ են օգտագործել և աղմկել։ Մասնակիցների մեջ է եղել Միսս Սվազիլենդը։ Պալատի աշխատակիցների կարգի հրավիրելուց հետո աղջիկները պահանջը չեն կատարել, և նրանց փայտերով ծեծել են։ Արքայադուստրը հրապարակել է իր կապտուկներով լուսանկարը[7]։
2006 թվականին Սիխանյիզո Դլամինին հանդես է եկել Սվազիլենդում պոլիգամիայի դեմ։ «Պոլիգամիան ձեռնտու է միայն տղամարդկանց։ Մեզ համար դա իսկական չարիք է։» Այս հայտարարությունից հետո արքայադստերը երկար ժամանակով արգելել են շփվել լրագրողների հետ[8]։
2013 թվականի սեպտեմբերի վերջին արքայադուստրը Թվիթթերում երկար երկխոսություն է ունեցել Սվազիլենդում արգելված Դեմոկրատական շարժման ժողովրդական միավորման հետ[9], ինչից հետո նրա թվիթթերյան մասնակցային էջը փակվել է։
Թագավորի հովանավորությամբ՝ Սիխանյիզոն 2014 թվականի ապրիլին հիմնել է Իմբալի հիմնադրամը[10], որը զբաղվում է առողջապահությամբ և կրթությամբ։ Արքայադուստրը կազմակերպում է «Միսս Սվազիլենդի տուրիզմ» գեղեցկության մրցույթը[11]։ Սիխանյիզոյի շնորհիվ Սվազիլենդի խուլերի ընկերությունը կարողացել է ստանալ կառավարության աջակցությունը Միսս խուլ Սվազիլենդ գեղեցկության մրցույթը կազմակերպելու գործում[12]։
Արքայադուստրը աֆրիկյան MTN շարժական ցանցի օպերատորի տնօրենների խորհրդի անդամ է[13]։ 2018 թվականի նոյեմբերի 3-ից նա Սվազիլենդի տեղեկատվական տեխնոլոգիաների և կապի նախարարն է[14]։
Ստեղծագործական կյանք խմբագրել
Արքայադուստր Սիխանյիզոն իր երկրում հայտնի դերասանուհի և ռեպեր է՝ Pashu մականվամբ[15]։
2013 թվականին Մալայզիայի համալսարանում կարճատև վերապատրաստման ժամանակ նա իր հոր պատվին սինգլ է ձայնագրել «Կեցցե՛, Ձերդ Գերազանցությունը»։ Երգը առաջին անգամ կատարվել է թագավոր Մսվատի Երրորդին Լիմկոկվինգի համալսարանի պատվավոր դոկտորի աստիճան շնորհելու հանդիսավոր արարողության ժամանակ[16]։
Սկավառակագրություն խմբագրել
- «Abeze Kim» (feat M’du and Prince Lindani)
- «Hail Your Majesty»
Ծանոթագրություններ խմբագրել
- ↑ «Profile: Troubled King Mswati» (բրիտանական անգլերեն). 2001 թ․ դեկտեմբերի 4. Վերցված է 2019 թ․ մարտի 2-ին.
- ↑ 2,0 2,1 «British blue blood top 'Hottest Royal' list - CNN.com». edition.cnn.com. Վերցված է 2019 թ․ մարտի 2-ին.
- ↑ «Swazi princess dons chastity tassel» (բրիտանական անգլերեն). 2001 թ․ դեկտեմբերի 17. Վերցված է 2019 թ․ մարտի 2-ին.
- ↑ «Swazi women fear losing their trousers» (բրիտանական անգլերեն). 2002 թ․ հունիսի 24. Վերցված է 2019 թ․ մարտի 2-ին.
- ↑ Swaziland, Mbabane (2012 թ․ դեկտեմբերի 24). «Swaziland bans 'rape-provoking' miniskirts». The Age (անգլերեն). Վերցված է 2019 թ․ մարտի 2-ին.
- ↑ «The Issue of 'E1 Million Spent on Princess Sikhanyiso' and The Issue of 'Building' Royal Palaces». Swaziland Prime Minister's office. 2004 թ․ հունվարի 26. Արխիվացված է օրիգինալից 2006 թ․ հունիսի 17-ին. Վերցված է 2019 թ․ մարտի 2-ին.
- ↑ «Domestic whippings in Swaziland, Aug 2005 - CORPUN ARCHIVE szd00508». www.corpun.com. Վերցված է 2019 թ․ մարտի 2-ին.
- ↑ Sokupa, Percy Zvomuya, Vuyo. «The princess's polygamy slur». The M&G Online (անգլերեն). Վերցված է 2019 թ․ մարտի 2-ին.
{{cite web}}
: CS1 սպաս․ բազմաթիվ անուններ: authors list (link) - ↑ «Swaziland Princess tweets with terrorists». Royalty in the News. 2013 թ․ հոկտեմբերի 3. Արխիվացված է օրիգինալից 2014 թ․ հոկտեմբերի 19-ին. Վերցված է 2014 թ․ հոկտեմբերի 19-ին.
- ↑ Tshabalala, Nontobeko (2014 թ․ հունիսի 22). «King approves Imbali Foundation». Times of Swaziland. Վերցված է 2014 թ․ նոյեմբերի 19-ին.
- ↑ Manyathela, Thobeka (2014 թ․ հունիսի 22). «Imbali Foundation to Host Miss Tourism SD». Times of Swaziland. Արխիվացված է օրիգինալից 2019 թ․ մարտի 6-ին. Վերցված է 2011 թ․ նոյեմբերի 19-ին.
- ↑ Masuku, Kwazi (2014 թ․ հունիսի 30). «DPM Pledges Support for Miss Deaf Pageant». The Swazi Observer. Վերցված է 2014 թ․ նոյեմբերի 19-ին.
- ↑ Dlamini, Welcome (2012 թ․ հունիսի 4). «Sikhanyiso for MTN board». Times of Swaziland. Վերցված է 2015 թ․ նոյեմբերի 26-ին.
- ↑ «Eswatini Cabinet Minister: Princess Sikhanyiso is New ICT Minister, Themba Masuku Scoops DPM's Post». News on Africa | Eswatini Edition - Stories from Swaziland (ամերիկյան անգլերեն). 2018 թ․ նոյեմբերի 2. Արխիվացված է օրիգինալից 2019 թ․ մարտի 6-ին. Վերցված է 2019 թ․ մարտի 2-ին.
- ↑ eMinor. «Pashu | Hip Hop from Sydney, NSW, AU». ReverbNation (անգլերեն). Վերցված է 2019 թ․ մարտի 2-ին.
- ↑ Yee, Pete (2014 թ․ հուլիսի 10). «'Royal Rapper' Sikhanyiso shines». Limkokwing University. Վերցված է 2011 թ․ նոյեմբերի 19-ին.
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Սիխանյիզո Դլամինի կատեգորիայում։ |