Սիլվի Լիսթհյոուգ
Սիլվի Լիսթհյոուգ (նորվ.՝ Sylvi Listhaug, դեկտեմբերի 25, 1977[4], Ørskog, Մյորե օգ Ռոմսդալ[5]), նորվեգացի քաղաքական գործիչ, 2015 թվականի դեկտեմբերից ի վեր` միգրացիայի և ինտեգրման նախարար։ 2006-2011 թվականներին եղել է Օսլոյի քաղաքային վարչության բարեկեցության և սոցիալական ծառայության լիազոր, իսկ 2013-2015 թվականներին՝ գյուղատնտեսության և սննդի նախարար։ «Առաջադիմություն» կուսակցության անդամ, 2005 թվականից կուսակցության կենտրոնական խորհուրդի անդամ է։
Սիլվի Լիսթհյոուգ Sylvi Listhaug | |
---|---|
Ծնվել է | 1977 թվական դեկտեմբերի 25 |
Ծննդավայր | Օլեսուն, Մորե օգ Ռոմսդալ, Վեսթլան, Նորվեգիա |
Քաղաքացիություն | Նորվեգիա |
Ազգություն | նորվեգացի |
Կրոն | լյութերականություն |
Կրթություն | Volda University College? (2000)[1] և Spjelkavik High School? (1996)[1] |
Մասնագիտություն | քաղաքագետ |
Ամուսին | Espen Espeset? |
Զբաղեցրած պաշտոններ | Նորվեգիայի պառլամենտի փոխանդամ, Նորվեգիայի խորհրդարանի անդամ, Minister of Justice and Public Security?, Norway's immigration and integration minister?, Նորվեգիայի գյուղատնտեսության և պարենի նախարար, Norway's Minister for Elderly and Public Health?, Նորվեգիայի պառլամենտի փոխանդամ, Նորվեգիայի պառլամենտի փոխանդամ, Նորվեգիայի նավթի և էներգետիկայի նախարար, կուսակցության առաջնորդ և Նորվեգիայի խորհրդարանի անդամ |
Կուսակցություն | Progress Party?[2] |
Անդամություն | Progress Party's Youth?[3] և JEF Norway?[3] |
Երեխաներ | 2 երեխա |
Sylvi Listhaug Վիքիպահեստում |
Ընտանիք և վաղ տարիներ խմբագրել
Սիլվի Լիսթհյոուգը ծնվել և մեծացել է Էրսկուգ համայնքի ժառանգական ֆերմայում (Մյորե օգ Ռոմսդալ ֆյուլքեն), որի վրա նրա ընտանիքը ունի ալլոդական իրավունքներ (նորվ.՝ Odelsrett)[6]: Նրա հայրը աշխատում էր տրանսպորտի վրա, իսկ մայրը զբաղվում էր ֆերմայով։ Սիլվի Լիսթհյոուգը ունի երկու զույգ եղբայր։
1995 թվականին աշխատել է տեղական ծերանոցում, 1996-2000 թվականներին ուսումնասիրել է պատմություն, սոցիոլոգիա և ստացել է հատուկ կրթություն Վոլդա համալսարանում` շարունակելով աշխատանքը ծերանոցում։ 2000 թվականին ավարտել է համալսարանը ուսուցչի որակավորմամբ, աշխատել է Շեհոլթ դպրոցում[7]։
Քաղաքական կարիերա խմբագրել
Սկզբնական փուլ խմբագրել
Սիլվի Լիսթհյոուգը քաղաքական գործունեությամբ զբաղվել է հայրենի Էրսկուգի համայնքում[8]։ Նա 1998 թվականին միացել է Առաջադիմություն կուսակցության երիտասարդական թևին, զբաղեցրել է կուսակցության մի քանի պաշտոններ, իսկ 2005 թվականից մտել է նրա կենտրոնական կոմիտե[7]։ 2001-2004 թվականներին աշխատել է Սթորթինգում՝ որպես կուսակցական ֆրակցիայի օգնական և քաղաքական խորհրդատու[9]։ 2005 թվականին աշխատել է ԱՄՆ Ներկայացուցիչների պալատում որպես պրակտիկանտ։ Արտերկրից վերադառնալուց հետո նա եղել է Մյորե օգ Ռոմսդալի պատգամավոր, իսկ ավելի ուշ` Օսլոյի։
Օսլոյի քաղաքային վարչություն խմբագրել
2006 թվականին նշանակվել է Օսլոյի քաղաքային վարչության բարեկեցության և սոցիալական ծառայության լիազոր։ Նախաձեռնել է զգալի թվով բարեփոխումներ, ներառյալ բժշկական ազատ ընտրության սահմանադրում տնային խնամքի համար (բժշկական հովանավորություն)[10]։
2009 թվականին նրա անունը կապվել է իսպանական Ալթեա մունիցիպալիտետի հիվանդանոցի կառուցման սկանդալի հետ։ Հիվանդանոցի շինարարությունը իսպանական մունիցիպալիտետում նախատեսված էր նորվեգացիների համար, Օսլոյի վարչության կողմից նախապես ֆինանսավորվել է 23,5 մլն կրոնի չափով, մինչդեռ իսպանական իշխանությունների կողմից շինարարության թույլտվություն դեռևս չի տրվել[11][12]։
Սիլվիի այլ առաջարկություններից են եղել նաև առավել խիստ անվտանգության կանոնները հոգեկան հիվանդների նկատմամբ։ Բացի այդ, առաջարկել է Օսլոյի շրջանում փակցնել տեղի մարդկանց լուսանկարները, որոնք կրում էին պատիժ սեռական բռնության համար[13][14]։ Նախքան 2009 թվականի գեյ-շքերթը, Օսլոյում հայտնել է իր մտավախությունը, որ «կիսով չափ կամ ամբողջովին մերկ մարդիկ, որոնք պարում են Օսլոյի փողոցներում, կհանգեցնի համասեռամոլության հանդուրժողականության, այսինքն, հայտարարված արդյունքների նպատակին հակառակ»։ Նա սակայն ընդգծել է, որ համասեռամոլներն իրավունք ունեն տոնելու «երբ և որտեղ նրանք ցանկանան»[15]։
Գյուղատնտեսության և սննդի նախարար խմբագրել
2013 թվականի հոկտեմբերի 16-ին նշանակվել է գյուղատնտեսության և սննդի նախարար։ Այս աշխատանքը նշանավորել է խոշոր փոփոխություններով նորվեգական գյուղատնտեսական քաղաքականության մեջ, որը թեթևացրել է ֆերմաների առք ու վաճառքը՝ խթանելով առավել քիչ քանակությամբ խոշոր ֆերմերային տնտեսություններին։
2010 թվականին Լիսթհյոուգը Նորվեգիայի գյուղատնտեսության քաղաքականությունն անվանել է «կոմունիստական համակարգ»։ Հայտարարությունը գրավել է ԶԼՄ-ների ուշադրությունը[16]։ Երբ նրան այդ մասին հարցրել են հեռուստատեսային բանավեճում, նա պարզաբանել է, որ դա իր անձնական կարծիքն է, որն ասվել է կառավարության նոր գյուղատնտեսական ծրագրի քննարկման ժամանակ[17]։ Լիսթհյոուգի խոսքը և կառավարության նոր կուրսը դարձել են ֆերմերների մի մասի բողոքների պատճառ։
2012 թվականին աշխատել է որպես ավագ խորհրդատու First House ընկերությունում։
Միգրացիայի և ինտեգրման նախարար խմբագրել
2015 թվականի դեկտեմբերի 16-ին նշանակվել է միգրացիայի և ինտեգրման նախարար։ Այս նոր կառույցը ստեղծվել է Եվրոպայի միգրացիոն ճգնաժամի թեժ պահին և բախվել է ռեկորդային թվով բողոքարարների հետ, որոնք դիմել էին Նորվեգիային քաղաքական ապաստանի համար։ Այդ իրադարձությունները հանգեցրեցին ապաստան հայցողների նկատմամբ պահանջների խստացմամբ[18][19]։ Իր նշանակումից մեկ ամիս առաջ Լիսթհյոուգը քննադատել է նախկին համակարգը՝ այն անվանելով «բարության բռնություն»։ Նրա կարծիքով, ավելի քրիստոնեաբար և խելամիտ կլիներ օգնել ավելի շատ մարդկանց արտերկրում, օգնության միջազգային կենտրոնների միջոցով, և ոչ թե քչերին և ավելի թանկ արժեցողներին Նորվեգիայում քաղաքական ապաստան տալով[19][20]։ Ավելի ուշ նա խոստովանել է, որ պետք է ապաստանի տրամադրման կանոնների փոփոխությունները պետք է վերջնական արդյունքում դառնան «ամենախիստերից մեկը Եվրոպայում»[21]։
2016 թվականի առաջին 4 ամիսների ընթացքում, քաղաքական ապաստանի դիմումների թիվը նվազել է ամենացածր մակարդակի, ամսական մինչև 250 հայտ[22]։ Հայտերի նման կրճատումը բյուջեում տնտեսել է առնվազն 800 մլն նորվեգական կրոն՝ հայտերի առաջնային և կրկնակի վերանայման դեպքում[23]։
Հասարակական կարծիքի հարցումները ցույց են տվել, որ Սիլվի Լիսթհյոուգը ունի կայուն ամենաբարձր վարկանիշը նախարարների և մի քանի այլ կուսակցությունների շրջանում[24]։ 2016 թվականի սեպտեմբերի հարցումը ցույց է տվել, որ Նորվեգիայի բնակչության 59 %-ը հավանություն է տալիս նրա գործունեությանը միգրացիայի և ինտեգրման նախարարի պաշտոնում, հարցվածների քառորդ մասը հավանություն չի տալիս[25]։
2016 թվականի հոկտեմբերին Լիսթհյոուգն ասել է.«Ես կարծում եմ, որ ովքեր տեղափոխվում են Նորվեգիա, պետք է հարմարվեն մեր հասարակությանը։ Այստեղ մենք ուտում ենք խոզի միս, խմում ալկոհոլ և չենք թաքցնում անձանց։ Վերաբնակվնելով մեզ մոտ, դուք պետք է տարանջատեք մեր արժեքները, ենթարկվեք մեր օրենքներին և կանոններին»[26]։
Քաղաքական հայացքներ խմբագրել
Հանդես է գալիս հանցագործությունների նկատմամբ «զրոյական հանդուրժողականությամբ», պահանջում հասարակական վայրերում ոստիկանության ավելի մեծ ներկայություն, Նորվեգիա տեղափոխվող անձանց ինտեգրման ավելի խիստ պահանջներ[27]։
Հանդես է գալիս եկեղեցու և պետության խիստ տարանջատման, մեջբերում է Միացյալ Նահանգների օրինակը, որտեղ այդպիսի բաժանումը «լավ է աշխատում»։ Նա կտրականապես դեմ է միասեռ ամուսնություններին և ցանկանում է վերացնել այն օրենքը, որն իրավունք է տալիս այդպիսիններին Նորվեգիայում։ Պահանջում է Նորվեգիայի դեսպանատան փոխանցումը Թել Ավիվից Երուսաղեմ։
Համաձայն ժյուրիի, Սիլվի Լիսթհյոուգը 2009 թվականին ճանաչվել է նշանակությամբ երրորդ Նորվեգիայի տաղանդավոր առաջնորդը, նրա հայացքները, Միջին Արևմուտքի հանրապետականների և 19-րդ դարի վերջի նորվեգացի քաղաքական գործիչ Սերեն Յաբեկի հայացքների խառնուրդն է։ Նա ասում է, որ ինքը սոցիալական պահպանողական ու տնտեսական լիբերալ է։
Անձնական կյանք խմբագրել
Ամուսնացած է «Առաջադիմություն» կուսակցության համախոհ Էսպեն Էսպենսետի հետ։ Ունեն երկու երեխա` աղջիկ և տղա[28][29]։
Ծանոթագրություններ խմբագրել
- ↑ 1,0 1,1 Tidligere Landbruks- og matminister Sylvi Listhaug (норв.) — 2007.
- ↑ https://www.stortinget.no/no/Representanter-og-komiteer/Representantene/Representantfordeling/Representant/?perid=SYL&tab=Biography
- ↑ 3,0 3,1 (unspecified title) — ISBN 9788248923558
- ↑ Biografi: Listhaug, Sylvi (норв.) — (untranslated).
- ↑ 5,0 5,1 Sylvi Listhaug(նորվ.) — 2020. — ISSN 2464-1480
- ↑ «Listhaug har overtatt Landbruksdepartementet». NRK (Norwegian). 2013 թ․ հոկտեմբերի 16.
{{cite news}}
: CS1 սպաս․ չճանաչված լեզու (link) - ↑ 7,0 7,1 Minister of Agriculture and Food Sylvi Listhaug (Progress Party), Ministry of Agriculture and Food
- ↑ Thurmann-Nielsen, Anne (2006 թ․ ապրիլի 3). «Gammelt nytt». Dagbladet.
- ↑ "Sylvi Listhaug", Store norske leksikon, 11.11.2013
- ↑ "Vil ha flere private sykehjem", Osloby
- ↑ "Her skulle det stått et sykehjem", Nettavisen, 09.09.09
- ↑ "- Trist at vi ikke har fått det til", Nettavisen, 09.09.09
- ↑ Hanssen, Sturla Smári; Letvik, Tore; Bredeveien, Jo Moen (2009 թ․ մարտի 24). «Du vet aldri når det klikker for dem». Dagsavisen.(չաշխատող հղում)
- ↑ «Vil henge opp plakater av voldtektsforbrytere». Dagbladet. 2010 թ․ փետրվարի 23.
- ↑ Kvaale, Vegard Kristiansen; Ottosen, Peder (2009 թ․ հունիսի 24). «Frp vil ikke ha halvnakne homodansere». Dagbladet.
- ↑ "I 2010 kalte hun norsk landbruk «kommunisme», nå blir hun ny landbruksminister", E24, 16.10.2013
- ↑ "Listhaug tok avstand fra uttalelser om kommunistisk landbruk", Dagbladet, 17.10.2013
- ↑ «Norway: New Ministry Is Created to Address Influx of Migrants». The New York Times. 2015 թ․ դեկտեմբերի 16.
- ↑ 19,0 19,1 Lepperød, Trond (2015 թ․ դեկտեմբերի 19). «Ser ingen motsetning mellom kristen nestekjærlighet og stramme tøyler i asylpolitikken». Nettavisen (Norwegian).
{{cite news}}
: CS1 սպաս․ չճանաչված լեզու (link) - ↑ «Norway populists win new immigration ministry». The Local. 2015 թ․ դեկտեմբերի 16.
- ↑ «– Vi kommer til å få en asylpolitikk som er blant de strengeste i Europa» (Norwegian). NRK. 2015 թ․ դեկտեմբերի 29.
{{cite news}}
: CS1 սպաս․ չճանաչված լեզու (link) - ↑ «Listhaug varsler flere og tøffere krav til flyktninger [Listhaug announces more and tougher demands on refugees]». Verdens Gang (Norwegian). 2016 թ․ մայիսի 10.
{{cite news}}
: CS1 սպաս․ չճանաչված լեզու (link) - ↑ «Kan spare store summer på at asyltallene går ned». Aftenposten (Norwegian). 2016 թ․ մայիսի 11.
{{cite news}}
: CS1 սպաս․ չճանաչված լեզու (link) - ↑ «Listhaug danker ut Jensen i måling». Abc nyheter (Norwegian). NTB. 2016 թ․ փետրվարի 24.
{{cite news}}
: CS1 սպաս․ չճանաչված լեզու (link) - ↑ «Listhaugs popularitet øker» (Norwegian). NRK. 2016 թ․ սեպտեմբերի 12.
{{cite news}}
: CS1 սպաս․ չճանաչված լեզու (link) - ↑ https://www.rt.com/news/363544-norway-immigrants-pork-listhaug/
- ↑ Jenssen, Grethe Kielland (2009 թ․ հունիսի 29). «- Tryggheten skal tilbake til Oslo». NRK.
- ↑ «HER FÅR HUN SEIERSKYSSET». Se og Hør. Վերցված է 2014 թ․ հունվարի 9-ին.
- ↑ «Kronprinsessen». Nettavisen.no. Վերցված է 2014 թ․ հունվարի 9-ին.
Վիքիպահեստն ունի նյութեր, որոնք վերաբերում են «Սիլվի Լիսթհյոուգ» հոդվածին։ |