Սթիվեն Նայթ (1959[1][2][3], Բիրմինգհեմ, Ուորիքշիր, Անգլիա, Միացյալ Թագավորություն), անգլիացի սցենարիստ և ռեժիսոր։ Նայթը սցենարներ է գրել այնպիսի ֆիլմերի համար, ինչպիսիք են «Փակ հանգույց»-ը, «Կեղտոտ գեղեցիկ բաներ»-ը և «Արևելյան խոստումներ»-ը, իսկ «Լոք» և «Կոլիբրի» ֆիլմերում նա կատարել է ինչպես սցենարիստի, այդպես էլ ռեժիսորի աշխատանքը։

Սթիվեն Նայթ
Stephen Knight Portrait by Taylor Rooke.jpg
Ծննդյան թիվ՝1959[1][2][3]
Ծննդավայր՝Բիրմինգհեմ, Ուորիքշիր, Անգլիա, Միացյալ Թագավորություն
Քաղաքացիություն՝Flag of the United Kingdom.svg Միացյալ Թագավորություն
Մասնագիտություն՝սցենարիստ, կինոռեժիսոր և գործադիր պրոդյուսեր
Պարգևներ՝Էդգար Ալան Պոյի մրցանակ, London Film Critics' Circle?, British Independent Film Awards? և Բրիտանական կայսրության շքանշանի կոմանդոր
IMDb։ID 1140275

Նայթը նույնպես «Ո՞վ է ուզում դառնալ միլիոնատեր» շոուի երեք հեղինակներից մեկն է։ Այս շոուի ձևաչափով տարբեր խաղեր և շոուներ են ստեղծվել աշխարհի ավելի քան 160 երկրներում։ Նա նաև BBC-ի «Առևտրային ձախողում», «Դետեկտիվներ», «Սուր հովարներ» և «Տաբու» հեռուստասերիալների սցենարների հեղինակն է։

Անձնական կյանքԽմբագրել

Նայթը անգլերեն է սովորել Լոնդոնի համալսարանական քոլեջում (UCL), որտեղ նա պատվավոր անդամ է։ Երեք երեխա ունի։ Նա Բիրմինգհեմ Սիթի ֆուտբոլային ակումբի երկրպագուն է։

2020 թվականին Սթիվեն Նայթը ստացել է Բրիտանական կայսրության շքանշան դրամային, զվարճության և Բիրմինգհեմի համայնքին մատուցած ծառայությունների համար։

ՍցենարներԽմբագրել

Նայթն առավել հայտնի է, որպես «Կեղտոտ գեղեցիկ բաներ» և «Արևելյան խոստումներ» ֆիլմերի սցենարների հեղինալ։ Իր աշխատանքի համար «Կեղտոտ գեղեցիկ բաներ» ֆիլմում նա արժանացել է Էդգարի մրցանակին «Լավագույն սցենար ֆիլմի համար» անվանակարհում և Լոնդոնի ֆիլմերի քննադատների խմբակի մրցանակին՝ «Տարվա բրիտանացի սցենարիստ» անվանակարգում[4]։ Սցենարը նաև առաջադրվել է մի շարք այլ մրցանակների, ներառյալ Օսկար լավագույն օրիգինալ սցենարի համար[5] և BAFTA լավագույն բնօրինակ սցենարի համար մրցանակները[6]։

Նայթը նաև սցենար է գրել 2013 թվականին լույս տեսած «Փակ հանգույց» ֆիլմի համար, որի ռեժիսորը Ջոն Քրոուլին էր, իսկ գլխավոր դերերում՝ Էրիկ Բանան և Ռեբեկա Հոլը[7][8]։

Գործունեություն որպես ռեժիսորԽմբագրել

Բացի սցենարիստ լինելուց, Նայթն եղել է նաև «Լոք» և «Կոլիբրի» ֆիլմերի ռեժիսոր։ «Կոլիբրի» ֆիլմի գլխավոր դերում էր Ջեյսոն Սթեթհեմը, իսկ «Լոք»-ում՝ Թոմ Հարդին։ «Լոք»-ը ստացել է 2013 թվականի Բրիտանական անկախ կինոյի մրցանակը «Լավագույն սցենար» անվանակարգում։

Նայթը նաև եղել իր կողմից գրված «Դետեկտիվներ» հեռուստասերիալի մի քանի դրվագների ռեժիսորը։ Երրորդ ֆիլմն, որտեղ նա կատարել է ռեժիսորի աշխատանքը «Հանգստություն» ֆիլմն է, որի հեղինակը նույնպես նա է։ Գլխավոր դերերը կատարել են Մեթյու Մակքոնահին, Դայան Լեյնը և Էն Հեթուեյը։ Ֆիլմը լույս է տեսել 2019 թվականին։

Գործունեություն հեռուստասերիալներումԽմբագրել

Սթիվեն Նայթը նաև ստեղծել է «Ո՞վ է ուզում դառնալ միլիոնատեր» շոու-հեռուստասերիալը (Մայք Ուայթհիլի և Դևիդ Բրիգսի հետ միասին) և «Show do Milhão» ու «Ամեն ինչ իմ մասին» հեռուստասերիալները։

Նա նաև ստեղծել է «Սուր հովարներ» հեռուստասերիալը և սցենարներ գրել այնպիսի սերիալների համար, ինչպիսիք են BBC-ի «Առևտրային ձախողում» (Ջիմի Քարի հետ), «Դետեկտիվներ», «Տաբու», «Կատակերգության թատրոն» (1993 թվականի «Խուսափել» դրվագի համար), «Մորաքրոջ մեծ շարովարներ» և «Պահածոյացված գազար» հեռուստասերիալները։

ԾանոթագրություններԽմբագրել

Արտաքին հղումներԽմբագրել