Սերգեյ Գալստյան (երգիչ)
- Վիքիպեդիայում կան հոդվածներ Գալստյան ազգանունով այլ մարդկանց մասին։
Անվան այլ կիրառումների համար տե՛ս՝ Սերգեյ Գալստյան (այլ կիրառումներ)
Սերգեյ Արտյոմի Գալստյան (նոյեմբերի 5, 1924 - հունիսի 26, 2001), հայ օպերային երգիչ, քնարական բարիտոն։ ՀԽՍՀ ժողովրդական արտիստ (1967)։
| Սերգեյ Գալստյան | |
|---|---|
.jpg) | |
| Հիմնական տվյալներ | |
| Ծնվել է | նոյեմբերի 5, 1924 |
| Մահացել է | հունիսի 26, 2001 (76 տարեկան) |
| Մասնագիտություն | երաժիշտ |
| Աշխատավայր | Ալեքսանդր Սպենդիարյանի անվան օպերայի և բալետի ազգային ակադեմիական թատրոն և Երևանի Կոմիտասի անվան պետական կոնսերվատորիա |
| Կրթություն | Մոսկվայի կոնսերվատորիա (1949) |
| Պարգևներ |  |
Կենսագրություն խմբագրել
Սերգեյ Գալստյանը ծնվել է Լենինականում։ 1942 թվականին զորակոչվել է բանակ և մասնակցել Հայրենական Մեծ պատերազմին։ 1949 թվականին ավարտել է Մոսկվայի պետական կոնսերվատորիան՝ Նիկոլայ Սպերանսկու դասարանը։ 1949-1974 թվականներին եղել է Երևանի օպերայի և բալետի թատրոնի մեներգիչ[1], եղել է Հայպետէստրադայի, պարի պետական անսամբլի, սիմֆոնիկ նվագախմբի, Հայաստանի Կապելլայի տնօրենը։ Եղել է Երևանի Կոմիտասի անվան կոնսերվատորիայի պրոռեկտորը։ Սերգեյ Գալստյանի անմիջական մասնակցությամբ ստեղծվել են Երևանի Մնջախաղի, Կամերային թատրոնները, «Ուրարտու», «Արմինե», «Էրեբունի» էստրադային համույթներ, աշուղական կոլեկտիվներ։ Հյուրախաղերով հանդես է եկել արտերկրում։ Երգել է նաև տարբեր ազգերի ժողովրդական երգեր։ 1974 թվականին թողել է բեմը[2][3]։
Դերերգեր խմբագրել
- Օնեգին՝ Չայկովսկու «Եվգենի Օնեգին»
- Ելիցկի՝ Չայկովսկու «Պիկովայա դամա»
- Ժերմոն՝ Վերդիի «Տրավիատա»
- Ջոն Սորել՝ Մենոտիի «Հյուպատոսը»
- Արշակ՝ Տիգրան Չուխաճյանի «Արշակ Բ»
- Սարո՝ Արմեն Տիգրանյանի «Անուշ»
Մրցանակներ և պարգևներ խմբագրել
- ՀԽՍՀ վաստակավոր արտիստ, 1960
- ՀԽՍՀ ժողովրդական արտիստ, 1967
Ծանոթագրություններ խմբագրել
- ↑ Սերգեյ Գալստյանի կենսագրությունը avproduction.am կայքում(չաշխատող հղում)
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005.
- ↑ ГАЛСТЯН Сергей Артёмович