Սարիբեկ Ներքին

Սարիբեկ Ներքին, գյուղ Արևմտյան Հայաստանում, Էրզրումի վիլայեթի Բայազետի գավառակում։ Գտնվում էր Գայալտու լճից 6 կմ հարավ-արևելք, Սարիբեկ գետակի ափին, Սուլուխ լեռան հարվ-արևմտյան փեշերին, Բայազետ քաղաքից 45 կմ հյուսիս-արևմուտք։ Մոտակայքում գտնվում էր Սարիբեկ Վերին գյուղը։

Գյուղ
Սարիբեկ Ներքին
Վարչական տարածք	Արևմտյան Հայաստան
Վիլայեթ	Էրզրումի վիլայեթԷրզրումի վիլայեթ
Գավառակ	Բայազետի գավառակ
Այլ անվանումներ	Սարըբեգ, Սարըբեգ Ներքին, Սարիբեգ Ներքին, Սարըբեկ Ներքին, Սարիբեկ, Սարիբեգ Ներքին, Սարիբեխ, Սարիբեկ, Սարիպեխ, Սարուբեղ
Պաշտոնական լեզու	Հայերեն, այլ
Ազգային կազմ	Հայեր (մինչև Մեծ եղեռնը), քրդեր
Կրոնական կազմ	Քրիստոնյա (մինչև Մեծ եղեռնը), այլ
Ժամային գոտի	UTC+3

Պատմություն

Ըստ Ղևոնդ Ալիշանի Սարիբեկ ներքին կամ Վերին գյուղերից մեկը կարող է լինի Թովմա Մեծոփեցու (XV դար) հիշատակած Սարթափ քաղաքը։

Բնակիչները բռնությամբ տեղահանվել են 1915 թվականին, Մեծ եղեռնի ժամանակ։ Մեծ մասը զոհվել է գաղթի ճանապարհին։ Սակավաթիվ փրկվածներն ապաստանել են տարբեր երկրներում։

Բնակչություն

XX դարի սկզբին ուներ մոտ 250 հայ և քիչ թվով քուրդ բնակիչ։

Տնտեսություն

Զբաղվում էին հացահատիկի ընտիր տեսակների մշակությամբ, այգեգործությամբ, անասնապահությամբ, արհեստներով, առևտրով։

Պատմամշակութային կառույցներ

Գյուղում կար Ս. Մինաս անունով եկեղեցի։

Կրթություն

Գյուղում գործում էր Աշոտյան վարժարանը։

Տես նաև

• Էրզրումի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն