Սայրուս Հոլլ Մակկորմիկ
Սայրուս Հոլլ Մակկորմիկ, (15 փետրվար 1809 — 13 մայիս 1884) ամերիկացի գյուտարար,
McCormick Harvesting Machine Company ընկերության հիմնադիր, որն ավելի ուշ՝ 1902 թվականին դարձավ International Harvester-ի մասը[1].։
Գյուտեր և նվաճումներ խմբագրել
Մակկորմիկի հայրը 28 տարի շարունակ աշխատել է ձիու կալսիչի նախագծի վրա, որն այդպես էլ չկարողացավ ավարտին հասցնել։ 1830 թվականին գծագրերը փոխանցեց իր որդուն, Սայրուսին, որի 21 տարին լրացել էր[2]։ Մակկորմիկը հոր նախագիծը ավարտին հասցրեց մեկ ու կես տարում, կալսիչը աշխատելու ընթացքում ցուցադրեց 1831 թվականին, իսկ 1834 թվականին արտոնագրեց գյուտը։
1847 թվականին Սայրուս Մակկորմիկը տեղափոխվեց Չիկագո և իր երկու եղբայրների հետ հիմնադրեց գյուղատնտեսական սարքավորումների վաճառքի ոչ մեծ ընկերություն։ Մակկորմիկի ստեղծած կալսիչը շատ լավ էր վաճառվում շուկայավարական ոլորտում եղբայրների հնարամտության շնորհիվ։ Մակկորմիկ եղբայրները հիմնեցին ընկերության ներկայացուցչությունների ոչ մեծ ցանց, հատուկ պատրաստված մասնագետներով, որոնք կալսիչի աշխատանքը ցուցադրում էին դաշտում։
Իր գործունեության արդյունքում Սայրուս Մակկորմիկը 1918 թվականին ընդգրկվեց ԱՄՆ-ի 60 000 000 դոլար կարողությամբ ամենահարուստ մարդականց ցուցակում (657 միլիոն` հաշվի առնելով 2002 թվականի արժեզրկումը)։
Մրցանակներ խմբագրել
- Մակկորմիկի ստեղծած կալսիչը ստացավ բազմաթիվ մրցանակներ և հավելավճարներ։
- Մակկորմիկը ընտրվել է Ֆրանսիայի գիտությունների ակադեմիայի թղթակից անդամ։
- Լոնդոնում անցկացվող Համաշխարհային ցուցահանդեսում կալսիչը ստացավ Ոսկե մեդալ։
- 1975 թվականին Մակկորմիկը ներկայացվել է ձեռնարկատիրության նվաճումների ամերիկյան փառքի ծառուղիում։
- Մակկորմիկի անունով Հարավային Կարոլինայում անվանակոչվել են քաղաք և շրջան։
Արտաքին հղումներ խմբագրել
- McCormick Reaper
- Iles, George (1912), Leading American Inventors, New York: Henry Holt and Company, էջեր 276–314
Ծանոթագրություններ խմբագրել
- ↑ «Cyrus Hall McCormick». Wisconsin Historical Society. Արխիվացված օրիգինալից 2012 թ․ ապրիլի 20-ին. Վերցված է 2007 թ․ օգոստոսի 26-ին.
- ↑ Daniel, Gross; Forbes Magazine Staff Greatest Business Stories of All Time. — First. — New York: John Wiley & Sons, Inc., 1997. — С. 25. — ISBN 0-471-19653-3