Սամվել Սևադա
- Անվան այլ կիրառումների համար տե՛ս՝ Սամվել Գրիգորյան (այլ կիրառումներ)
Սամվել Սևադա (Սամվել Արտաշեսի Գրիգորյան, սեպտեմբերի 12, 1949, Գյումրի), հայ գեղանկարիչ, լուսանկարիչ, բանաստեղծ, ՀՀ արվեստի վաստակավոր գործիչ (2014)։
Սամվել Սևադա | |
---|---|
Ի ծնե | Սամվել Սևադա (Սամվել Արտաշեսի Գրիգորյան) |
Ծնվել է | 1949 սեպտեմբերի 12 |
Ծննդավայր | Գյումրի |
Ազգություն | հայ |
Քաղաքացիություն | Հայաստան |
Կրթություն | Երևանի պետական գեղարվեստա-թատերական ինստիտուտ |
Մասնագիտություն | լուսանկարիչ, նկարիչ և բանաստեղծ |
Պարգևներ | |
Անդամակցություն | Հայաստանի նկարիչների միություն |
Զավակներ | Արտ Սևադա |
Սամվել Սևադա Վիքիքաղվածքում | |
Samvel Sevada Վիքիպահեստում |
Կինոռեժիսոր, սցենարիստ Արտ Սևադայի հայրն է։
Կենսագրություն խմբագրել
1974 թվականին ավարտել է Երևանի գեղարվեստա-թատերական ինստիտուտը։ 1975 թվականին Աբովյան քաղաքում հիմնադրել և ղեկավարել է Գեղարվեստի դպրոցը։ 1980 թվականից Հայաստանի նկարիչների միության անդամ է, 2009 թվականից՝ ՀՀ նկարիչների միության վարչության անդամ, ՀՀ Լուսանկարիչների միության պատվավոր անդամ։ 1996 -1998 թթ.` Երևանի գլխավոր նկարիչ[1]։ 1989-2006 թթ. բնակվել է ԱՄՆ-ում, 1990 թվականին ԱՄՆ-ում բացել է հայկական առաջին նկարչական դպրոցը։ Սամվել Սևադան Երևանում ստեղծել է գեղանկարչության դպրոց` Sevada Art Studio, և իր արվեստանոցում նկարչություն է դասավանդում երեխաներին[2]։
Սամվել Սևադայի լուսանկարչական աշխատանքները բաժանվում են մի քանի ժանրի՝ դիմանկարների, քաղաքային տեսարանների, նատյուրմորտների և թեմատիկ կոմպոզիցիաների։ Դրանք տպագրվում են ԱՄՆ-ում, Կանադայում, Ռուսաստանում, Ուկրաինայում և շատ ուրիշ երկրների ամսագրերում ու թերթերում։ Նրա մասին նկարահանվել են բազմաթիվ ֆիլմեր, ռադիո և հեռուստատեսային հաղորդումներ, հոդվածներ են տպագրվել աշխարհի շատ երկրների թերթերում և ամսագրերում[3]։
Գրքեր խմբագրել
- «Մահվան պես դյութիչ»
- «Կույսի համաստեղություն»[4]
Ցուցահանդեսներ խմբագրել
32 անհատական ցուցահանդեսներ է ունեցել աշխարհի տարբեր երկրներում՝ ԱՄՆ, Կանադա, Լեհաստան, Էստոնիա, Մոսկվա, Թբիլիսի, Երևան և այլուր[5]։
Պարգևներ, կոչումներ և մրցանակներ խմբագրել
- ՀՀ արվեստի վաստակավոր գործիչ (2014)[6]։
- 1992, Հարավային Ամերիկայի կինոգործիչների միության «Ոսկե հրեշտակ» մրցանակ (կերպարվեստի բնագավառում ձեռք բերած ակնառու հաջողությունների համար)
- 1993, Կաթոլիկ եկեղեցու ԱՄՆ-ի Արևմտյան թեմի առաջնորդ կարդինալ Մահոնիի մրցանակ (մատաղ սերնդի գեղագիտական դաստիարակության համար)
- 2007, «Թեքեյան» մրցանակ («Նշանավոր հայերի դիմանկարներ» շարքի համար)
Մեջբերումներ Սամվել Սևադայից խմբագրել
«Լուսանկարչությունն էլ է արվեստ, կերպարվեստ և ոչ մի բանով չի զիջում նկարչությանը։ Կարևորը պատկեր, պատկերի հուզականություն ստանալն է, ինչ նշանակություն ունի վրձնով ես նկարել, թե մի ուրիշ բանով։ Կարևորը ճիշտ վիճակ ստանալն է, ու այս երկուսը մեկը մյուսին օգնում են։ Պոեզիան էլ գալիս է նրանց լրացնելու»։
Այս գիշեր կրկին վերադարձավ
երջանկությունը ինձնից հոգնած,
շշնջաց ականջիս
- ասաց. Մնում եմ, էլ երբեք չեմ հեռանա քեզանից...
Երդվեց ու ասաց. չեմ գնա,
երջանկությունը ինձանից հոգնած։
Գլուխը կրծքիս խոնարհեց,
շոյեց քնքշորեն աչքերս,
- Չեմ գնա, դու քնիր ասաց։
Լուսադեմին վեր թռա
խաբկանքից շնչահեղձ,
անձրևն էր ծեծում լուսամուտս,
երջանկությունը հեռացել էր վաղուց,
հողաթափերը դռանս մոռացած։
Դե~ ինչ, ես մանկուց ընդունել եմ
դաժան օրենքը երազախաբության...[7]
Պատկերասրահ խմբագրել
Գեղանկարչական աշխատանքներ խմբագրել
-
«Կապույտ աղջիկ»
-
«Դոն Կիխոտ»
-
«Էմալե պրոֆիլը Ձեր»
-
«Կույսի համաստեղություն»
-
«Ցուլի համաստեղություն»
-
«Կույսեր»
-
«Գրիգոր Նարեկացի»
Լուսանկարներ խմբագրել
-
«Սոնատինա»
-
«Արլեքին» (դերասան Միքայել Պողոսյան)
-
«Բարի լույս, բարի Արարատ»
-
«Հայ բեմի նահապետը»
-
«Հայոց լեռներում, չքնաղ լեռներում»
-
«Հինգ նուռ Լուիզայի համար»
-
«Հրաշագործի աշունը» (ռեժիսոր Ռուբեն Գևորգյանց)
-
«Ձմռան երեկո»
-
«Ձմռան մի գիշեր»
-
«Արարատը մշուշի մեջ»
-
«Տաճարը ձմռանը»
-
«Մի քիչ արև»
-
«Մասիս»
-
«Կորուսյալ քաղաքի առասպելը»
-
«Ուրախ կեսօր»
-
«Ի հիշատակ»
-
Սեդա Սևադա
-
«Ոսկե տղան»
-
«Լենինը Թբիլիսիում»
-
«Խաղաղություն ձեր հոգիներին»
-
«Առավոտյան տեսիլք»
-
«Ազատն ի վեր Մասիս»
-
«Այս գիշեր ես երկար նայեցի երկնքին»
-
«Անդրադարձումներ»
-
«Աշնան դրախտ»
-
«Աշունս երբ եկավ»
-
«Առավոտը Հայոց լերներում»
-
«Առավոտյան աղոթք»
-
«Արևոտ օր»
-
«Արցախյան լիալուսին»
-
«Գալիս եմ ես էլ թաղվելու հեռացող մշուշների մեջ»
-
«Երևան»
-
«Երևանյան աշուն»
-
«Զարմանալի Զանգեզուր»
-
«Թռիչք»
-
«Թիֆլիսյան սիեստա»
-
«Ռեքվիեմ»
-
«Լիալուսնի խորհուրդը»
-
«Լոռվա սարերում»
-
«Գարնանային»
-
«Լույսը բացվի բարին հետը»
-
«Լույսի պատարագ»
-
«Լուսաբացը Հայոց լեռներում»
-
«Վայոց ձոր»
-
«Կյանքը լվացքի պարանների հետևում»
-
«Հայաստան աշխարհ»
-
«Հարսնացուն մայրաքաղաքից»
-
«Ճանապարհ դեպի Ղարաբաղ»
-
«Մենավոր»
-
«Մի անգամ Ամերիկայում»
-
«Նայիր աչքերիս մեջ»
-
«Ո՞ւր են գնում արագիլներս»
-
«Տիրամոր պատկերի առջև» (դերասան Սոս Սարգսյան)
-
«Տխուր մի օր Գյումրիում»
-
«Ծաղկած բալենի»
-
«Պահիր ձեռքերս»
Ծանոթագրություններ խմբագրել
- ↑ Սամվել Սևադա. Ես չէի ցանկանա նորից Երևանի գլխավոր նկարիչ լինել
- ↑ Գեղանկարիչ Սամվել Սևադա. «Ես անգամ 80 տարեկան աշակերտ եմ ունեցել»
- ↑ Սամվել Սևադա. «Մոնոտոն լուսանկարիչը կարող է ձանձրալի լինել»
- ↑ Սամվել Սևադա. «Կույսի համաստեղություն»
- ↑ Սամվել Սևադա, ցուցահանդես ՄԱԿ Երևանի գրասենյակում
- ↑ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՏՎԱՎՈՐ ԿՈՉՈՒՄՆԵՐ ՇՆՈՐՀԵԼՈՒ ՄԱՍԻՆ
- ↑ Սամվել Սևադա
Արտաքին հղումներ խմբագրել
- Սամվել Սևադա.«Գյումրու պես գյոզալ քաղաքն այսօր խեղճացել է»
- Սամվել Սևադա (Տրուբադուր)
- Սամվել Սևադա, «Հրաժեշտ աշնանը»
- Սամվել Սևադա, լուսանկարներ Արխիվացված 2014-04-07 Wayback Machine
- Սամվել Սևադա, «Կյանքի ակնթարթ», հարցազրույց արվեստանոցում
- Սամվել Սևադա։ Բանաստեղծություններ, կարդում է ՀՀ վաստակավոր արտիստ Սիլվա Յուզբաշյանը Արխիվացված 2016-03-05 Wayback Machine
- Մեր ղեկավարներն անխիղճ են. Սամվել Սևադա