Սամվել Ղազարյան

Վիքիպեդիայում կան հոդվածներ Ղազարյան ազգանունով այլ մարդկանց մասին։

Սամվել Արմենի Ղազարյան (1949, հուլիսի 20, Երևան), հայ քանդակագործ, նկարիչ-ձևավորող։

Սամվել Ղազարյան
Ծնվել է	հուլիսի 20, 1949(1949-07-20) (75 տարեկան)
Ծննդավայր	Երևան, Հայկական ԽՍՀ, ԽՍՀՄ
Կրթություն	Երևանի պետական գեղարվեստա-թատերական ինստիտուտ (1978)
Ստեղծագործություն(ներ)	Կոմիտասի կիսանդրի
Մասնագիտություն	քանդակագործ և նկարիչ
Աշխատավայր	Երևանի պետական գեղարվեստա-թատերական ինստիտուտ

Կենսագրություն

1978 թվականին ավարտել է Երևանի գեղարվեստա-թատերական ինստիտուտը, 1978-1990 թվականներին դասավանդել է նույն ինստիտուտում։

Գործերին բնորոշ են պլաստիկ ձևերի հստակությունը, հավասարակշռվածությունը, գաղափարների փիլիսոփայական իմաստավորումը։

Ստեղծագործություններ

Դերենիկ Դեմիրճյանի տուն-թանգարան, քանդակագործ՝ Սամվել Ղազարյան

Գործերից են՝

• «Կանոն» (1979)
• «Հավասարակշռություն» (1984 թվական, Տաշքենդ)
• «Ծովինար» (1985 թվական, Իջևան)
• «Հայոց պատմություն», «Փոքր Մհեր» (երկուսն էլ՝ 1989 թվական)
• «Դժոխքի դուռը» (1994)
• «Ավետում» (1998)
• Կոմիտասի կիսանդրին (2005 թվական, Քվեբեկ, Կանադա)

Հեղինակ է նաև Վոլֆգանգ Գյոթեի «էդմոնտ» (1998), Ֆեոդոր Դոստոևսկու «Դեռահասը» (2003) գործերի ձևավորումների, գրաֆիկական թերթերի։

Քանդակներից տեղադրված են Մոսկվայում, Քիշնևում, Բիշքեկում, Սամարղանդում, գործերից պահվում են Հայաստանի ազգային պատկերասրահում, ԺԱԹ-ում, Տրետյակովյան պատկերասրահում (Մոսկվա), Էրմիտաժում (Սանկտ Պետերբուրգ) և այլուր։

Մրցանակներ

Ալեքսանդր Սահինյանի դիմաքանդակը, քանդակագործ՝ Սամվել Ղազարյան

Արժանացել է քանդակի համաժողովի մրցանակի (1984 թվական, Տաշքենդ), բիենալեի արծաթե մեդալի (1986 թվական, Թբիլիսի), «Ռիգա-88» միջազգային կվադրենալեի մրցանակների և ոսկե մեդալների, 10-րդ (գավաթ, 1992 թվական), 11-րդ և 13-րդ (1994 թվական, 1998 թվական, ոսկե մեդալներ, Ռավեննա) միջազգային բիենալեների դափնեկիր է։

Ցուցահանդեսներ

Անհատական ցուցահանդեսներ է ունեցել Երևանում (1997, 2003, 2011, 2013 թվականներ)։

Աղբյուրներ

• Լույսի արահետներով, Սամվել Ղազարյան
• Արարման խորհուրդը, Սամվել Ղազարյան