Ռուբեն Սալտիկով
Ռուբեն Սալտիկով (1909 - 1976), հայ խորհրդային բժիշկ-իմունաբան։ Բժշկական գիտությունների դոկտոր (1966 թվական), պրոֆեսոր (1966 թվական), բժշկական ծառայության գնդապետ։
 | |
|---|---|
| Ծնվել է | 1909 |
| Մահացել է | 1976 |
| Ազգություն | հայ |
| Կրթություն | Դոնի Ռոստովի բժշկական ինստիտուտ |
| Մասնագիտություն | բժիշկ-իմունաբան |
| Կոչում | պրոֆեսոր |
| Գիտական աստիճան | բժշկական գիտությունների դոկտոր |
ՀԽՍՀ գիտության վաստակավոր գործիչ Սարգիս Սալտիկովի եղբայրը։
Կենսագրություն խմբագրել
1931 թվականին ավարտել է Հյուսիս-կովկասյան (այժմ՝ Դոնի Ռոստովի) բժշկական ինստիտուտը։ Մասնակցել է Հայրենական մեծ պատերազմին։ 1961 թվականից ղեկավարել է ԽՍՀՄ ԳԱ Լև Տարասևիչի անվան կենսաբանական պատրաստուկների հսկողության և ստանդարտացման պետական ինստիտուտի պատրաստուկների հսկողության և ստանդարտացման բաժինը։ Դիտական աշխատանքները հիմնականում վերաբերում են կիրառական իմունաբանության կարևորագույն պրոբլեմներին, զբաղվել է հատուկ վտանգավոր վարակիչ հիվանդությունների, անաերոբ անատոքսինների դեմ կենդանի վակցինայի մշակման, իմունիտետի մեխանիզմների, արդյունավետ իմունացման հիմնական օրինաչափությունների պարզաբանման հարցերով։ Եղել է ԽՍՀՄ առողջապահության մինիստրության վակցինաների և շիճուկների կոմիտեի անդամ[1]։
Պարգևներ խմբագրել
Պարգևատրվել է Կարմիր դրոշի և Կարմիր աստղի շքանշաններով։
Ծանոթագրություններ խմբագրել
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 10, էջ 129)։ 
|