Ռոդենի թանգարան (Ֆիլադելֆիա)

Անվան այլ կիրառումների համար տե՛ս՝ Ռոդենի թանգարան (այլ կիրառումներ)

Ռոդենի թանգարան (անգլ.՝ Rodin Museum), գեղարվեստական թանգարան Ֆիլադելֆիայում (Փենսիլվանիա, ԱՄՆ), որտեղ պահվում է քանդակագործ Օգյուստ Ռոդենի աշխատանքների՝ մեծությամբ երկրորդ հավաքածուն Փարիզի թանգարանից հետո։

Ռոդենի թանգարան
Տեսակ	պատկերասրահ
Երկիր	ԱՄՆ
Տեղագրություն	Փենսիլվանիա և Ֆիլադելֆիա
Հիմնադրվել է	նոյեմբերի 29, 1929
Հիմնադիր	Jules Mastbaum?
Հավաքածուի չափս	133 արվեստի գործ
Կայք	rodinmuseum.org​(անգլ.)

Պատմություն

Հավաքածուն ամբողջացվել է 1923-1926 թվականներին թատրոնի և կինոյի մագնատ Ժյուլ Մաստբաումի կողմից (1872-1926)՝ այն որպես հատուկ նվեր տալով Ֆիլադելֆիա քաղաքին։ Ընդամենը երեք տարում Մաստբաումը հավաքեց Ռոդենի՝ Փարիզից դուրս գտնվող ամենամեծ հավաքածուն։ Հավաքածուն ներառում է բրոնզե, գիպսե քանդակներ, նամակներ, գրքեր։ 1926 թվականին Մաստբաումը թանգարանի շենքի նախագիծը պատվիրում է ճարտարապետներ Պոլյու Կրեին և Ժակ Գրեբերին։ Թանգարանը բացվել է 1929 թվականին՝ Մաստբաումի մահից հետո։ Այն կառավարում է Ֆիլադելֆիայի գեղարվեստական թանգարանը։

2012 թվականին թանգարանը վերաբացվել է երեքամյա վերանորոգումից հետո, որն արժեցել է 9 միլիոն դոլար։

Հավաքածու

Թանգարանի հավաքածուն ընդգրկում է քանդակագործի 133 աշխատանքներ։ Թանգարանի հենց մուտքի մոտ տեղադրված է Ռոդենի ամենահայտնի քանդակի՝ «Մտածողի» կրկնօրինակը։ Նախապես ծրագրվել էր, որ դա կլինի 550 սանտիմետրանոց «Դժոխքի դարպասների» 100 քանդակներից մեկը։ Ռոդենը Դեկորատիվ արվեստի թանգարանի համար նախատեսված այդ ծրագրի համար աշխատել էր 1880 թվականից մինչև իր մահը։

Թանգարանում ներկայացված են քանդակագործի հայտնի այլ աշխատանքների կրկնօրինակներ ևս՝ «Համբույր» (1886), «Հավերժ գարուն» (1884), «Բրոնզի դար» (1875-1876), «Կալեի քաղաքացիները»։

Պատկերասրահ

• 
  «Մտածողը»
• 
  «Կալեի քաղաքացիները»
• 
  «Դժոխքի դարպասներ»
• 
  «Հավերժական գարուն»
• 
  «Ջարդված քթով մարդը»
• 
  «Բալզակի հսկա գլուխը»
• 
  Բաքոսը տակառում

Արտաքին հղումներ

• Թանգարանի պաշտոնական կայք
• Ռոդենի թանգարանը թանգարանների ցուցակում

Վիքիպահեստն ունի նյութեր, որոնք վերաբերում են «Ռոդենի թանգարան (Ֆիլադելֆիա)» հոդվածին։