Ռաֆայել Ստեփանյան
- Վիքիպեդիայում կան հոդվածներ Ստեփանյան ազգանունով այլ մարդկանց մասին։
Ռաֆայել Հովհաննեսի Ստեփանյան (դեկտեմբերի 2, 1926, Երևան, Հայկական ԽՍՀ, ԱԽՖՍՀ, ԽՍՀՄ - օգոստոսի 31, 1987, Երևան, Հայկական ԽՍՀ, ԽՍՀՄ), հայ երաժշտագետ, արվեստագիտության թեկնածու (1970)։
Ռաֆայել Ստեփանյան | |
---|---|
Հիմնական տվյալներ | |
Ծնվել է | դեկտեմբերի 2, 1926 Երևան, Հայկական ԽՍՀ, ԱԽՖՍՀ, ԽՍՀՄ |
Երկիր | Հայկական ԽՍՀ |
Մահացել է | օգոստոսի 31, 1987 (60 տարեկան) Երևան, Հայկական ԽՍՀ, ԽՍՀՄ |
Մասնագիտություն | երաժշտագետ |
Աշխատավայր | Երևանի միջնակարգ մասնագիտական երաժշտական դպրոց Չայկովսկու անվան, Առնո Բաբաջանյանի անվան պետական երաժշտամանկավարժական քոլեջ, Երևանի Կոմիտասի անվան պետական կոնսերվատորիա և ՀՀ ԳԱԱ արվեստի ինստիտուտ |
Կրթություն | Սանկտ Պետերբուրգի կոնսերվատորիա |
Կենսագրություն խմբագրել
Ռաֆայել Ստեփանյանը ծնվել է 1926 թվականի դեկտեմբերի 2-ին Երևանում։ 1957 թվականին ավարտել է Լենինգրադի կոնսերվատորիայի տեսության և կոմպոզիցիայի բաժինը։
1957-1960 թվականներին դասավանդել է Երևանի Պ. Ի. Չայկովսկու անվան երաժշտական դպրոցում, 1969-1972 թվականներին՝ Ա. Բաբաջանյանի անվան երաժշտամանկավարժական ուսումնարանում (տեսության բաժնի հիմնադիր-ղեկավար), 1972-1987 թվականներին՝ Երևանի պետական կոնսերվատորիաում (պրոֆեսոր)։ 1961 թվականին դարձել է ՀԽՍՀ ԳԱ արվեստի ինստիտուտի գիտաշխատող։
Հեղինակ է մի շարք գիտական հոդվածների («Հարմոնիայի ազգային ինքնատիպության մասին», «Ստեղծագործության ցնծություն», «Կվինտակորդներն ու կվարտակորդները Կոմիտասի ստեղծագործության մեջ», «Արամ Խաչատրյանի հարմոնիայի մի քանի առանձնահատկությունները» և այլն, բոլորը՝ ռուսերեն)։
Ռաֆայել Ստեփանյանը մահացել է 1987 թվականի օգոստոսի 31-ին Երևանում։
Մատենագիտություն խմբագրել
- Երվանդ Սահառունի, Ե., 1962:
- Էդուարդ Կզարթմյան։ (Կյանքը և գործունեությունը) / Ռ.Հ. Ստեփանյան; Խմբագիր՝ Է.Ա. Մակարյան; Հայաստանի երգչախմբ. ընկ. կողմից, Երևան, 1966[1]։
Ծանոթագրություններ խմբագրել
- ↑ Ստեփանյան, Ռաֆայել Հովհաննեսի (1966). Մակարյան Է. Ա (ed.). Էդուարդ Կզարթմյան։ Կյանքը և գործունեությունը. Հայստանի երգչախմբային ընկերություն. Երևան: Հայաստան. Արխիվացված է օրիգինալից 2023 թ․ փետրվարի 7-ին. Վերցված է 2023 թ․ փետրվարի 7-ին.
Այս հոդվածի կամ նրա բաժնի որոշակի հատված վերցված է «Հայ երաժշտության հանրագիտարանից», որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ |