Ջեյմս Ալբերտ Նոե

	Ջեյմս Ալբերտ Նոե
Կուսակցություն՝	Դեմոկրատական կուսակցություն
Մասնագիտություն՝	քաղաքական գործիչ և ագարակապան
Դավանանք	մեթոդիզմ
Ծննդյան օր	դեկտեմբերի 21, 1890
Ծննդավայր	Evans Landing, Ինդիանա
Վախճանի օր	հոկտեմբերի 18, 1976 (85 տարեկան)
Վախճանի վայր	Հյուստոն, Տեխաս, ԱՄՆ
Քաղաքացիություն	ԱՄՆ
James A. Noe

Ջեյմս Ալբերտ Նոե ավագ (անգլ.՝ James Albert Noe, Sr., դեկտեմբերի 21, 1890(1890-12-21), Evans Landing, Ինդիանա - հոկտեմբերի 18, 1976(1976-10-18), Հյուստոն, Տեխաս, ԱՄՆ), ամերիկացի գործարար, քաղաքական գործիչ, Լուիզիանայի 43-րդ նահանգապետ։

Կենսագրություն խմբագրել

Ջեյմս Ալբերտ Նոեն ծնվել է 1890 թվականի դեկտեմբերի 21-ին, Էվանս Լենդինգ քաղաքում, Հարիսոն շրջան, Ինդիանա՝ Ջոն և Բել Նոեների ընտանիքում։ Մանկության տարիներին ապրել է նաև Վեսթ Փոյնթում, Կենտուկի։ Կրթությունը ստացել է հայրենի նահանգի պետական դպրոցում^[1]։ 1971 թվականին նրան շնորհվել է Մոնրոյի Լուիզիանայի համալսարանի իրավունքի պատվավոր դոկտորի կոչում։

Առաջին համաշխարհային պատերազմի ժամանակ Նոեն որպես լեյտենանտ ծառայել է Ֆրանսիայում՝ ԱՄՆ բանակի 369-րդ հետևակային գնդում։ Ծառայությունն ավարտելուց հետո վերադարձել է Լուիզիանա և սկսել է զբաղվել բիզնեսով։ Ունեցել է մի քանի տնկադաշտ, ինչպես նաև` հաջողության է հասել նավթային բիզնեսում^[2]։

1932 թվականին Նոեն ընտրվել է Լուիզիանայի սենատ և այդ պաշտոնը զբաղեցրել է երկու տարի։ 1934-ից 1936 թվականներին եղել է Լուիզիանայի փոխնահանգապետ։ 1936 թվականի հունվարի 28-ին մահացել է նահանգապետ Օսկար Քելլի Ալլենը, և Նոեն զբաղեցրել է նրա տեղը^[1]։ Նահանգապետի պաշտոնում եղել է մոտավորապես երեք ամիս։

1936 թվականի մայիսի 12-ի հրաժարականից հետո Նոեն ընտրվել է Նահանգի սենատ^[1], որտեղ ծառայել է մինչև 1940 թվականը։ Նա 1940 և 1959 թվականներին անհաջող առաջադրվել է նահանգապետի պաշտոնին, ինչպես նաև` 1968 թվականին եղել է Դեմոկրատական կուսակցության ազգային համագումարի պատվիրակ և 1972 թվականին՝ պատվիրակի տեղակալ^[1]։

1922 թվականի մայիսի 7-ին Նոեն ամուսանցել է Աննա Գրեյ Սվինի հետ (1901-1972)։ Նրանք ունեցել են երեք երեխա՝ Գեյ Նոե, Ջեյմս Ալբերտ «Ջիմմի» Նոե կրտսեր և Լինդա Մակրեյ Նոե։ Ջեյմս Նոեն մահացել է 1976 թվականի հոկտեմբերի 18-ին Հյուստոնում և հուղարկավորվել է Մոնրոյում, կնոջ կողքին^[1]։

Ծանոթագրություններ խմբագրել

↑ ^1,0 ^1,1 ^1,2 ^1,3 ^1,4 «Louisiana Governor James Albert Noe» (անգլերեն). National Governors Association. Արխիվացված օրիգինալից 2013 թ․ հունվարի 8-ին. Վերցված է 2014 թ․ հուլիսի 23-ին.
↑ «James Albert Noe» (անգլերեն). Louisiana Secretary of State. Արխիվացված է օրիգինալից 2013 թ․ հունվարի 16-ին. Վերցված է 2012 թ․ դեկտեմբերի 3-ին.

Գրականություն խմբագրել

Robert Sobel, John Raimo. Biographical Directory of the Governors of the United States, 1789–1978. — Westport, Conn.: Meckler Books, 1978. — Т. 2.
Joseph G. Dawson III. The Louisiana Governors: From Iberville to Edwards. — Baton Rouge: Lousiana State University Press, 1990.

Արտաքին հղումներ խմբագրել

«Governor James Albert Noe» (անգլերեն). Arcane Radio Trivia. Արխիվացված օրիգինալից 2013 թ․ հունվարի 16-ին. Վերցված է 2012 թ․ դեկտեմբերի 3-ին.

Վիքիպահեստն ունի նյութեր, որոնք վերաբերում են «Ջեյմս Ալբերտ Նոե» հոդվածին։

[nga-1] 1,0 ^1,1 ^1,2 ^1,3 ^1,4 «Louisiana Governor James Albert Noe» (անգլերեն). National Governors Association. Արխիվացված օրիգինալից 2013 թ․ հունվարի 8-ին. Վերցված է 2014 թ․ հուլիսի 23-ին.

[sos-2] «James Albert Noe» (անգլերեն). Louisiana Secretary of State. Արխիվացված է օրիգինալից 2013 թ․ հունվարի 16-ին. Վերցված է 2012 թ․ դեկտեմբերի 3-ին.

[1]

[2]