Պրովեն
Պրովեն (ֆր.՝ Provins), հին քաղաք Ֆրանսիայի պատմական Իլ դը Ֆրանս երկրամասում, ներկայիս Սեն-է-Մարն դեպարտամենտի Շամպայն նահանգում։ Միջնադարյան եվրոպական առևտրային քաղաքի լավագույն օրինակ է։ Բնակչությունը կազմում է 11.667 մարդ (1999)։ 2001 թվականին ընդգրկվել է ՅՈՒՆԵՍԿՕ-ի համաշխարհային ժառանգության ցանկում։
Բնակավայր | |||
---|---|---|---|
Պրովեն | |||
ֆր.՝ Provins[1] | |||
| |||
Երկիր | Ֆրանսիա | ||
Մակերես | 14,72 կմ² | ||
ԲԾՄ | 91 մետր | ||
Բնակչություն | ▼11 958 մարդ (հունվարի 1, 2021)[2] | ||
Ժամային գոտի | UTC+1 և UTC+2 | ||
Փոստային դասիչ | 77160[3] | ||
Պաշտոնական կայք | mairie-provins.fr(ֆր.) | ||
| |||
Պատմություն խմբագրել
Բլրի վրա գտնվող հնամենի քաղաքը. որ մինչ օրս շրջապատված է միջնադարյան ամրոցով, 13-րդ դարում եղել է ամենամյա տոնավաճառի անցկացման վայր, որ հանրահայտ է եղել ոչ միայն Շամպայնում, այլև ամբողջ Ֆրանսիայում։ Այն ժամանակներում քաղաքի բնակչությունը 6-7 անգամ ավելին է եղել ներկայիս բնակչության թվից։ Այստեղ բուրդ են մշակել և աճեցրել ալ վարդեր, որ խաչակիրները բերել էին Սուրբ Երկրից[4]։ Էդմունդ Կուզիկը, լինելով քաղաքի սյուզերենը, ալ վարդը դարձնում է Լանկաստերների տոհմանշանի խորհրդանիշ։ 13-րդ դարի վերջին խզվում են Պրովենի կապերը Շամպայնի կոմսության հետ, քաղաքը զրկվում է իր առևտրական արտոնություններից և դրա հետ նաև տնտեսական նշանակությունից[5]։
Պատմական հուշարձաններ խմբագրել
Բացի քաղաքային ամրոցից` միջնադարից մեր օրեր են հասել Սուրբ Կիրյակի անավարտ վանքը` 17-րդ դարի գմբեթով, 12-րդ դարի «տասնապետական պահեստը», որում ցուցադրված են միջնադարյան արձաններ և հռոմեական ամրության տեղում կառուցված «Կեսարի աշտարակը» (12-րդ դար)։ Ներքին քաղաքը, որ 9-րդ դարում հիմնել են վիկինգներից փրկված եկեղեցականները, այնքան էլ հարուստ չէ պատմական հուշարձաններով։
Ծանոթագրություններ խմբագրել
- ↑ Code officiel géographique
- ↑ Populations légales 2021 — The National Institute of Statistics and Economic Studies, 2023.
- ↑ Base officielle des codes postaux — La Poste, 2018.
- ↑ "Provins in the dark". Retrieved 8 April 2013.
- ↑ Digest, The Reader's (1978). The world's last mysteries. Montréal: Reader's Digest. p. 303. ISBN 089577044X.
Արտաքին հղումներ խմբագրել
- Քաղաքի պաշտոնական կայք Արխիվացված 2017-08-01 Wayback Machine
- Պրովենի լուսանկարներ
- Պրովենը Ֆրանսիայի մշակույթի նախարարության կայքում
Վիքիպահեստն ունի նյութեր, որոնք վերաբերում են «Պրովեն» հոդվածին։ |