Պատանեկություն (ֆիլմ)

HS Disambig.svg Անվան այլ կիրառումների համար տե՛ս՝ Պատանեկություն (այլ կիրառումներ)

«Պատանեկություն» (անգլ.՝ Boyhood), ամերիկյան գեղարվեստական ֆիլմ, որի նկարահանումները սկսել են 2002 թվականին և ավարտվել 2013 թվականի հոկտեմբերին[12]։ Պրեմիերան կայացել է 2014 թվականի հունվարի 19-ին Սանդեսի կինոփառատոնի ժամանակ, իսկ 2014 թվականի փետրվարին Բեռլինի 64-րդ միջազգային կինոփառատոնի ժամանակ ներկայացվել է հիմնական ծրագրի մեջ, որտեղ արժանացել է «Արծաթե արջ» մրցանակին «լավագույն ռեժիսուրայի» համար։ «Պատանեկությունը» դարձել է Օսկարի 87-րդ մրցանակաբաշխության հիմնական հավակնորդներից մեկը՝ ստանալով 6 անվանակարգ[13]։

Picto infobox cinema.png
Պատանեկություն
անգլ.՝ Boyhood
Պատանեկություն (ֆիլմ).jpg
ԵրկիրFlag of the United States.svg ԱՄՆ
Ժանրդրամա[1][2][3][…] և հասունացման պատմություն
Թեմաանհաջող ընտանիք և հարբեցողություն
Թվականհունվարի 19, 2014[4]
Լեզուանգլերեն
ՌեժիսորՌիչարդ Լինկլեյթեր[5][6][7][…]
ՊրոդյուսերՍանդրա Ադեյր և Ռիչարդ Լինկլեյթեր
Սցենարի հեղինակՌիչարդ Լինկլեյթեր
ԴերակատարներԻթան Հոուք[5][8][9][…], Պատրիսիա Արկետ[5][8][9][…], Ellar Coltrane?[5][7][8][…], Nick Krause?[8][10][11], Lorelei Linklater?[11], Brad Hawkins? և Zoe Graham?[11]
ՕպերատորԼի Դանիել և Shane F. Kelly?
ՄոնտաժՍանդրա Ադեյր
Պատմվածքի վայրՏեխաս
Տևողություն163 րոպե
Պաշտոնական կայքէջ

ՍյուժեԽմբագրել

Ֆիլմը պատմում է Մեյսոնի կյանքի պատմությունը, նրա մանկությունն ու պատանեկությունը։ Մեյսոնի ընտանիքը եկել էր Տեխասից։ Նա տանջվում է ծնողների բաժանման պատճառով, որ տեղի է ունեցել հոր՝ ալկոհոլից կախվածության պատճառով, երկրորդ ամուսնությունը և ևս մեկ բաժանությունը։ Նա ապրում է միայնակ մոր և ավագ քրոջ՝ Սամանթայի հետ։ Մեյսոնը հետաքրքրվում է երաժշտությամբ, Հարրի Փոթերով, «Աստղային պատերազմներով»։ Ծանոթանում է խմիչքի և մարիխուանայի հետ, զգացումներ են առաջանում դեպի հակառակ սեռը։ Երբ գալիս է ժամանակը, ծանոթանում է Շինայի հետ, ով դառնում է իր ընկերուհին։ Ընդունվում է քոլեջ։ Ֆիլմն ավարտվում է Մեյսոնի արագ զբոսանքով և նրա նոր ծանոթի՝ Նիկոլի հետ Բիգ Բենդ այգում։ Նրանք քննարկում են կենցաղի ակնթարթայնությունը։

Պատմությունը նկարագրում է ամենասովորական կյանքի 12 տարիները (դպրոցի առաջին դասարանից մինչև քոլեջի առաջին օրը) և զարգանում է փոքր դրվագներով, որոնք ցույց են տալիս մեծանալն ու երեխայի, դեռահասի, պատանու հարաբերությունները ծնողների հետ։ Սյուժեն զարգանում է փոփոխվող ժամանակի, ամերիկյան պատմության, քաղաքականության, Իրաքի պատերազմից մինչև Բարաք Օբամայի կյանքի շրջանակներում։

ԴերերումԽմբագրել

ԱրտադրությունԽմբագրել

Ֆիլմի նկարահանումները սկսել են 2002 թվականի ամռանը ֆիլմի ռեժիսոր և սցենարիստ Ռիարդ Լինլեյթերի տանը, Տեխաս նահանգում։ Գլխավոր դերակատարը յոթամյա (այդ ժամանակ) տղա Էլար Քոլթրեյնն է, որը, համաձայն կնքված պայմանագրի, չէր կարող փոխարինվել որևէ այլ երեխայով մինչև նկարահանումների ավարտը։ Էլարի հետ միասին մեծանում և նկարահանվում էր նաև նրա հասակակիցը՝ ֆիլմի ռեժիսորի դուստր Լորելեյ Լինկլեյթերը։ Ֆիլմը նկարահանվել է առանց հատուկ սցենարի. վերջինս փոփոխվում էր տարի առ տարի[14]։

ԸնդունելությունԽմբագրել

Ֆիլմը բարձր գնահատականներ է ստացել համաշխարհային կինոմամուլի կողմից։ Ավելի քան 200 կարծիքների հիման վրա Rotten Tomatoes կայքում ֆիլմի վարկանիշը կազմել է 99 %, իսկ ֆիլմը գլխավորել է 2014 թվականի լավագույն ֆիլմերի ցուցակը[15]։ «Պատանեկությունը» ճանաչվել է նաև 2014 թվականի լավագույն ֆիլմը բրիտանական Sight & Sound կինոամսագրի[16] և ամերիկյան Film Comment[17] ամսագրերի վարկածով։

Variety-ն Ռիչարդ Լինկլեյթերի ստեղծագործությունը նմանեցրել է «միկրոտիեզերքի», որը կյանքի է կոչվում ամերիկյան ընտանիքի շնորհիվ։ Ամսագիրը նաև գտնում է, որ Տոլստոյի «Մանկություն», «Պատանեկություն», «Երիտասարդություն» եռապատումը ևս մեծ ազդեցություն է ունեցել ֆիլմի ստեղծման վրա։ Սյուժեում, որտեղ բավականին բարդ է առանձնացնել որևէ հիմնական գիծ, կատարվում է «ամեն ինչ և ոչինչ»։ Պատմությունն ներառում է իրադարձությունների հաջորդականությունը, որոնք շուտով դառնալու են ամենավառ հիշողությունները։ Los Angeles Times-ը համեմատել է ֆիլմը «Թրումենի շոու»-ին իրականության մեջ[18][19]։

ԾանոթագրություններԽմբագրել

  1. http://www.nytimes.com/2014/07/11/movies/movie-review-linklaters-boyhood-is-a-model-of-cinematic-realism.html?partner=rss&emc=rss&_r=1
  2. http://www.nytimes.com/2014/07/11/movies/movie-review-linklaters-boyhood-is-a-model-of-cinematic-realism.html
  3. http://www.nytimes.com/2014/07/11/movies/movie-review-linklaters-boyhood-is-a-model-of-cinematic-realism.html?partner=rss&emc=rss&_r=0
  4. http://uproxx.com/movies/2015/02/trophy-talk-the-oscars-are-finally-here-who-will-win/Sundance.
  5. 5,0 5,1 5,2 5,3 http://www.adorocinema.com/filmes/filme-226260/
  6. http://www.sinemalar.com/film/145095/boyhood
  7. 7,0 7,1 http://www.filmaffinity.com/en/film175667.html
  8. 8,0 8,1 8,2 8,3 http://bbfc.co.uk/releases/boyhood-film
  9. 9,0 9,1 http://www.film-o-holic.com/arvostelut/boyhood
  10. http://www.imdb.com/title/tt1065073/fullcredits
  11. 11,0 11,1 11,2 ČSFD (чеш.) — 2001.
  12. Richard Linklater Talks Before Midnight, Boyhood, and a Possible TV Series parade.com կայքում, 24 հոկտեմբերի 2013
  13. «Oscars 2014 Nominations: Experts' Charts & Graphs» (անգլերեն)։ Gold Derby։ Վերցված է 2014 թ․ սեպտեմբերի 16–ին 
  14. Richard Linklater on ‘Boyhood,’ the ‘Before’ Trilogy and the Luxury of Time
  15. «Top Movies of 2014» (անգլերեն)։ Rotten Tomatoes։ Վերցված է 2014 թ․ դեկտեմբերի 15–ին 
  16. «The best films of 2014» (անգլերեն)։ Sight & Sound։ 2014-11-28։ Վերցված է 2014 թ․ նոյեմբերի 28–ին 
  17. «Best Films of 2014» (անգլերեն)։ Film Comment։ 2014-12-12։ Վերցված է 2014 թ․ դեկտեմբերի 12–ին 
  18. Ellar Coltrane, 19, began his starring role in Richard Linklater's 'Boyhood' at age 7, filming a little each year by Steven Zeitchik
  19. Review: ‘‘Boyhood’’ / Variety

Արտաքին հղումներԽմբագրել