Պադմա Բհուշան (հինդի` पद्म भूषण), Հնդկաստանի` արժանավորությամբ երրորդ պետական քաղաքացիական պարգևն է` Բհարատ Ռատնայից և Պադմա Վիբհուշանից հետո։ Հանձնվում է Հնդկաստանի կառավարության կողմից` ի նշան այս կամ այն ոլորտում քաղաքացիների կողմից բացառիկ ներդրումների համար։

Պադմա Բհուշան
Изображение орденской планки
ԵրկիրՀնդկաստան Հնդկաստան
Տեսակպարգև
ՊարգևատրողUnion Council of Ministers of India? և Հնդկաստանի քաղաքական համակարգ
Վիճակագրություն
Հիմնադրման ամսաթիվ1954
Պարգևատրման քանակը1229 (2014)
Հերթականություն
Ավագ պարգևՊադմա Վիբխուշան, Padma Vibhushan in literature & education?, Padma Vibhushan in science & engineering? և Padma Vibhushan in trade & industry?
Կրտսեր պարգևՊադմա Շրի և Sarvottam Jeevan Raksha Padak?
Կայքpadmaawards.gov.in
 Padma Bhushan Վիքիպահեստում

Պատմություն խմբագրել

Պադմա Բհուշան պարգևը սահմանվել է 1954 թվականի հունվարի 2-ին` Հնդկաստանի նախագահի կողմից։

Չնայած այն հանգամանքին, որ Պադմա Բհուշանը համարվում է Հնդկաստանի բարձրագույն պարգևներից մեկը, եղել են դեպքեր, երբ մարդիկ, տարբեր պատճառաբանություններով հրաժարվել են այն ընդունել։ Օրինակ, 2013 թվականին երգչուհի Ս. Ջանակին հրաժարվել է, պատճառաբանելով, որ այդ պատվին ինքն արժանացել է բավականին ուշ և Հարավային Հնդկաստանի շատ գործիչներ այդպես էլ չեն գնահատվել կառավարության կողմից[1]։ Հայտնի իրավաբան, Հնդկաստանի գերագույն դատարանի նախկին նախագահ Վերման, Պադմա Բհուշան պարգևին արժանացել է հետմահու` 2014 թվականին։ Նրա ընտանիքի անդամները հրաժարվել են ընդունել պարգևը, քանի որ նրանց կարծիքով Վերման այն մարդկանցից չէր, ովքեր տխրում են պարգևներ կամ մրցանակներ չստանալու համար և նա իր գործն արել է ոչ նրա համար, որ պարգևատրվի[2]։ Նման վերաբերմունք են ցուցաբերել նաև այլ նկարիչներ, երաժիշտներ և գրողներ։ Եղել են դեպքեր, երբ պարգևը տարիներ անց ետ են վերադարձրել։

2017 թվականի դրությամբ` Պադմա Բհուշան պարգևին արժանացել են 1231 մարդ, որոնցից 19-ը` հետմահու։

Տես նաև խմբագրել

Ծանոթագրություններ խմբագրել

  1. "Playback singer Janaki rejects Padma Bhushan award". The Times of India. Palakkad. 2013 թ․ հունվարի 26. Retrieved 2017 թ․ փետրվարի 18.
  2. "J. S. Verma's family refuses Padma Bhushan". Indian Express. New Delhi. 2014 թ․ հունվարի 31. Retrieved 2016 թ․ մարտի 15.