Չինաստանի երկրաբանական թանգարան

Չինաստանի երկրաբանական թանգարան
Տեսակ	երկրաբանական թանգարան
Երկիր	Չինաստան
Տեղագրություն	Jinrongjie Subdistrict?
Պատկանում է	Ministry of Natural Resources of the People's Republic of China?
Հիմնադրվել է	հոկտեմբերի 1, 1959 և 1959
Կայք	gmc.org.cn

Չինաստանի երկրաբանական թանգարան (չինարեն՝ 中国地质博物馆), Ասիայի ամենամեծ և Չինաստանի հին երկրաբանական թանգարան։ Այն հիմնադրվել է 1916 թվականին, գտնվում է Պեկինի Սիչեն շրջանում։ Թանգարանի հրապարակի տարածքը կազմում է ավելի քան 11 000 մ², ունի հինգ մշտական և երկու ժամանակավոր սրահ^[2]։

Հավաքածու

Թանգարանի հարուստ հավաքածուն արտերկրում մեծ հեղինակություն է վայելում^[3]։ Ցուցադրանմուշների լավ համակարգված ցանկը ներառում է ավելի քան 200 հազար նմուշ, որոնք ընդգրկում են երկրաբանության տարբեր ոլորտներ։

Թանկարժեք քարերի սրահը բաժանված է երկու մասի. առաջինում ներկայացվում է չինական նեֆրիտը, երկրորդում` մնացածները։ Այստեղ է պահվում աշխարհի ամենամեծ թանկարժեք քարը` 3,5 տոննա քաշով լեռնային բյուրեղապակի։ Հնէաբանության սրահում պահվում են այնպիսի եզակի ցուցանմուշներ, ինչպիսիք են «Շանդունի վիշապի», նախնադարյան թռչունների և այլ դինոզավրերի բրածոներ, ինչպես նաև այլ կենդանիներ, այդ թվում՝ հնագույն մարդիկ։ Կան նաև «Երկրագունդ», «Հանքեր և ապարներ», «Տարածքային ռեսուրսներ» և այլ սրահներ^[2]։

Գիտական գործունեություն

Բացի ուսումնական նպատակից՝ թանգարանն ունի նաև գիտական գործառույթ։ Հաստատությունը յուրակերպ լաբորատոր և հրատարակչական կենտրոն է։ Լյաոնին նահանգում հնագույն թռչունների հայտնաբերման հետ կապված թանգարանային ուսումնասիրությունները ձեռք են բերել համաշխարհային ճանաչում^[4]։