Չարլզ Ռուտենբերգ
Չարլզ Էմիլ Ռուտենբերգ (անգլ.՝ Charles Emil Ruthenberg, հուլիսի 9, 1882, Քլիվլենդ, Օհայո, ԱՄՆ - մարտի 2, 1927, Չիկագո, Իլինոյս, ԱՄՆ), ամերիկացի մարքսիստ քաղաքական գործիչ։
| Չարլզ Ռուտենբերգ | |
|---|---|
 | |
| Ծնվել է | հուլիսի 9, 1882 |
| Ծննդավայր | Քլիվլենդ, Օհայո, ԱՄՆ |
| Մահացել է | մարտի 2, 1927 (44 տարեկան) |
| Մահվան վայր | Չիկագո, Իլինոյս, ԱՄՆ |
| Գերեզման | Կրեմլի պատի պանթեոն[1] |
| Քաղաքացիություն | .svg){kind=small} ԱՄՆ |
| Կրոն | աթեիզմ |
| Մասնագիտություն | քաղաքական գործիչ և լրագրող |
| Կուսակցություն | ԱՄՆ-ի կոմունիստական կուսակցություն և Ամերիկայի սոցիալիստական կուսակցություն[2] |
 Charles Emil Ruthenberg Վիքիպահեստում | |
1909 թվականին մտել է Սոցիալիստական կուսակցության մեջ, եղել դրա ձախ թևի ղեկավարներից։ 1912 թվականին խմբագրել է «Քլիվլենդ սոշալիստ» («Cleveland Socialist») թերթը։ 1913—1919 թվականներին եղել է Սոցիալիստական կուսակցության Քլիվլենդի կազմակերպության քարտուղարը։ Առաջին համաշխարհային պատերազմի տարիներին (1914—1918 թթ.), Ռուտենբերգը հանդես է եկել պատերազմին ԱՄՆ-ի մասնակցության դեմ։ Ամերիկայի կոմունիստական կուսակցության (ԱԿԿ) կազմակերպիչն է։ Դրա հիմնադիր համագումարում (1919 թվականի սեպտեմբեր) ընտրվել է գլխավոր քարտուղար, 1920 թվականին՝ Կոմինտերնի գործկոմի անդամ։ 1921-1923 թվականներին եղել է Ամերիկայի միացյալ կոմունիստական կուսակցության, միաժամանակ՝ Ամերիկայի բանվորական կուսակցության (ԱԲԿ) ԿԿ-ների քարտուղար։ ԱԲԿ III համագումարում ընտրվել է Ամերիկայի միացյալ բանվորական (կոմունիստական) կուսակցության ԿԿ քարտուղար։ Բազմիցս ենթարկվել է դատական հետապնդումների և բանտային կալանքի։ Մահացել է բանտում։ Ռուսոյի կամքի համաձայն, նրա աճյունը տեղափոխվել է Սովետական Միություն։ Թաղված է Կարմիր հրապարակում՝ Կրեմլի պատի մոտ։
Ծանոթագրություններ խմբագրել
- ↑ https://fr.rbth.com/histoire/87541-etrangers-enterres-place-rouge
- ↑ Biographical Dictionary of the American Left — 1986.
 | Վիքիպահեստն ունի նյութեր, որոնք վերաբերում են «Չարլզ Ռուտենբերգ» հոդվածին։ |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 10, էջ 103)։ 
|