Ծնվել է 1948 թվականի հունվարի 30-ին Տայչժուն գավառի Ցաոտուն գյուղակում (հիմա այդ վայրը գտնվում է Նանտոու գավառի տարածքում)։ 1970 թվականին Թայվանի Ազգային համալսարանի հումանիտար գիտությունների պատմության բաժնում ստացել է բակալավրի աստիճան։ Ամուսնացած է, ունի երեք տղա և մեկ աղջիկ[1]։
Ու Դունյին 1990 թվականին նշանակվել է Գաոսյուն քաղաքի քաղաքապետ և այդ պաշտոնը զբաղեցնում է մինչ 1994 թվականը, և ապա վերընտրվել է ևս չորս տարի։ 2007 թվականից Ուն զբաղեցնում է Գոմինդան կուսակցության գլխավոր քարտուղարի պաշտոնը։
2009 թվականի սեպտեմբերի 8-ին, հաշվի առնելով այն ժամանակվա վարչապետ Լյու Չժաոսյուանի մոտալուտ պաշտոնանկությունը, նրան փոխարինեց Ու Դունյին։ Սեպտեմբերի 10-ին Լյուն և նրա ամբողջ կաբինետը հրաժարական տվեցին, և նույն օրը Ու Դունյին ստանձնեց հանրապետության վարչապետի պաշտոնը[2]։
2012 թվականի նախագահական ընտրություններում առաջադրվեց Չինաստանի Հանրապետության փոխնախագահի պաշտոնում, զուգորդվելով նախագահ Մա Ինցզյուի հետ, ընտրություններում հաղթելուց հետո 2012 թվականի մայիսի 20-ին նա ստանձնեց իր պաշտոնը։