Նյուրնբերգի բուրգգրաֆություն

Նյուրնբերգի բուրգգրաֆություն (գերմ.՝ Burggrafschaft Nürnberg), միջնադարյան պետություն Սրբազան Հռոմեական կայսրության տարածքում։

Նյուրնբերգի բուրգգրաֆություն գերմ.՝ Burggrafschaft Nürnberg
Դրոշ Զինանշան
Մասն է	Սրբազան Հռոմեական կայսրություն
Կարգավիճակ	Գերմանիա
Մտնում է	Գերմանիա
Վարչկենտրոն	Նյուրնբերգ
Օրենսդրական մարմին	Պրինցիպատ
Արքայական տոհմ (1105-1191)	Ռաաբներ
Արքայական տոհմ (1192-1427)	Հոհենցոլերններ
Հիմնադրված է	1105 թ.
Առաջին հիշատակում	1050
Պատմական շրջան(ներ)	Միջնադար 1105–1440 Սրբազան Հռոմեական կայսրության վասալություն Բամբերգի եպիսկոպոսություն Նյուրնբերգի ազատ քաղաք Բրանդենբուրգ-Անսբախ Բրանդենբուրգ-Բայրոյթ
Նյուրնբերգի բուրգգրաֆություն Վիքիպահեստում

Պատմություն

Նյուրնբերգի բուրգգրաֆությունը սկիզբ է առնում 11-րդ դարում կառուցված ամրոցից, որը Հենրիխ III թագավորը հիմնել է Պեգնից գետի ափին՝ ժայռի վրա, որպեսզի նվազեցնի Բամբերգի եպիսկոպոսության ազդեցությունը մոտակա տարածքների վրա։

Մոտ 1105 թվականին այդ ամրոցը, որպես ավատ տրվել է Ռաաբի կոմսերին, որոնք ծագում էին Ավստրիայից։ Որոշ ժամանակ անց նրանց տիրույթները սկսեցին կոչվել Նյուրնբերգյան բուրգգրաֆություն։ 1190 թվականին՝ չթողնելով ժառանգ իրենից հետո, մահանում է բուրգգրաֆ Կոնրադ II Ռաաբը։ Նյուրնբերգը ժառանգում է նրա փեսա Ֆրիդրիխը Ցոլլերնների տոհմից (Հոհենցոլերններ)։ Մոտ 1191 թվականին Հենրիխ VI թագավորը շնորհում է նրան բուրգգրաֆի (բուրգերի կոմսի) տիտղոս և որպես ավատ նվիրում նրան Նյուրնբերգի տարածքը։

Հատկանշական է, որ Նյուրնբերգ քաղաքը զարգացել է անկախ իշխող ամրոցից։ Այդ անկախությունը ընդլայնվել է բուրգգրաֆ Կոնրադ I-ի օրոք, երբ Ֆրիդրիխ II կայսրը 1219 թվականին շնորհել է քաղաքին ազատությունների մեծ հրովարտակը, դրանով քաղաքին տալով կայսրական քաղաքի տիտղոս։

Հոհենցոլերնները Նյուրնբերգի տարածքը կառավարել են մինչև 1427 թվականը, երբ Ֆրիդրիխ VI-ը վաճառել է ամրոցի սեփականության իրավունքը Նյուրնբերգի քաղաքային իշխանությանը։ Նյուրնբերգը, որպես ազատ կայսերական քաղաք, գոյություն է ունեցել մինչև Սրբազան Հռոմեական կայսրության վերացումը՝ 1806 թվականին։

Բուրգգրաֆների ցանկը

Բուրգգրաֆ Հոհենցոլլերնների զինանշանը

Ռաաբ կոմսերի զինանշանը

1105-ից 1191-ը Նյուրնբերգի բուրգգրաֆությունը կառավարել են Ռաաբ տոհմի կոմսերը։

Կոնրադ II-ի մահից հետո, որը մահացել է առանց արական սեռի ներկայացուցչի, բուրգգրաֆությունը անցել է Ցոլլերն կոմսերին (հետագայում Հոհենցոլերններ) Ֆրիդրիխ I Ցոլերն-ի և Կոնրադ II-ի դստեր՝ Սոֆիա Ռաաբի ամուսնության շնորհիվ։

Բուրգգրաֆներ Ռաաբ տոհմից	Կառավարման սկիզբը	Կառավարման ավարտը	կյանքի տարիները	Ծանոթագրություններ
Գոթֆրիդ II Ռաաբ	1105	1137	մահ. մոտ 1137
Կոնրադ I Ռաաբ	1137	1143	մահ. մոտ 1143
Գոթֆրիդ III Ռաաբ	1143	1160	մահ. մոտ 1160
Կոնրադ II Ռաաբ	1160	1191	ծն. մոտ 1125/30; մահ. մոտ 1191	առանց արական սեռի ժառանգի
Բուրգգրաֆներ Հոհենցոլերնների տոհմից	Կառավարման սկիզբը	Կառավարման ավարտը	Կյանքի տարիները	Ծանոթագրություններ
Ֆրիդրիխ I	1192	1200	1139-1200
Ֆրիդրիխ II	1204	1218	1188-1255
Կոնրադ I	1218	1261	մոտ 1186 - մոտ 1261
Ֆրիդրիխ III	1261	1297	մոտ 1220 - 1297
Հովհաննես I	1297	1300	մոտ 1279 - 1300
Ֆրիդրիխ IV	1300	1332	1287-1332
Հովհաննես II	1332	1357	1309-1357
Ֆրիդրիխ V	1357	1397	1333-1398
Հովհաննես III	1397	1420	1369-1420	Ֆրիդրիխ V-ի որդին, մահացել է առանց արական սեռի ժառանգի
Ֆրիդրիխ VI	1397	1427	1371-1440	Ֆրիդրիխ V-ի որդին

Գրականություն

• Sigmund Benker, Andreas Kraus (Hrsg.)։ Geschichte Frankens bis zum Ausgang des 18. Jahrhunderts. Begründet von Max Spindler. 3. Auflage. Beck, München 1997. ISBN 3-406-39451-5
• Max Spindler, Gertrud Diepolder: Bayerischer Geschichtsatlas. Bayerischer Schulbuch-Verlag, München 1969
• Gerhard Taddey: Lexikon der deutschen Geschichte. 3. Auflage. Kröner, Stuttgart 1998. ISBN 3-520-81303-3
• Markus Twellenkamp: Die Burggrafen von Nürnberg und das deutsche Königtum (1273—1417). (= Nürnberger Werkstücke zur Stadt- und Landgeschichte; Band 54). Korn und Berg, Nürnberg 1994. ISBN 3-87432-129-0 (zugl. Dissertation, Universität Bonn 1993)

Տես նաև

• Նյուրնբերգ

Վիքիպահեստն ունի նյութեր, որոնք վերաբերում են «Նյուրնբերգի բուրգգրաֆություն» հոդվածին։