Նիևե կերկ (Դելֆտ)

Նիևե կերկ; հոլ.՝ Nieuwe Kerk
Հիմնական տվյալներ
Տեսակ	եկեղեցի
Երկիր	Նիդերլանդներ
Տեղագրություն	Դելֆտ
Հասցե	Markt 80
Դավանանք	բողոքականություն
Հիմնական ամսաթվերը	1496
Կազմված է	Tomb of William the Silent?
Ժառանգության կարգավիճակ	Նիդեռլանդների մշակութային ժառանգության օբյեկտ
Նվիրված	Saint Ursula? և Մարիամ Աստվածածին
Անվանված	Saint Ursula?
Ճարտարապետական ոճ	Գոթական ճարտարապետություն
Հիմնադրված	1496
Առաջին հիշատակում	1351
Բարձրություն	108,75 մետր
	Nieuwe Kerk (Delft) Վիքիպահեստում
	oudeennieuwekerkdelft.nl

Նիևե կերկ (հոլ.՝ Nieuwe Kerk, «Նոր եկեղեցի»), եկեղեցի Նիդեռլանդներ Դելֆտ քաղաքում^[2]։ Տեղակայված է քաղաքի գլխավոր հրապարակում՝ քաղաքապետարանի դիմաց։

Պատմություն

Եկեղեցու առաջին փայտե շենքը կառուցվել է 1351 թվականին և նվիրված էր Մարիամ Աստվածածնին։ Քարե եկեղեցու կառուցումը սկսվել է 1396 թվականին, 1420 թվականին կառուցվել է եկեղեցին, իսկ զանգակատան շինարարությունը տևել է մինչև 1496 թվականը։ Եկեղեցու նոր հովանավորյալն է դարձել Սուրբ Ուրսուլան։

Եկեղեցու նախագիծը համապատասխանում է ավանդական քրիստոնեական խորհրդանշական կանոններին. խաչաձևը Քրիստոսի խորհրդանիշն է, երգչախմբի տաղավարիի 12 սյուները խորհրդանշում են 12 առաքյալներին, 4 քառակուսի սյուները` չորս ավետարանչականներին, իսկ կենտրոնական նավի 16 սյուները` 16 մարգարեներին։

1536 թվականի մայիսի 3-ին կայծակը հարվածել է եկեղեցական աշտարակին, ինչի արդյունքում ուժեղ հրդեհ է բռնկվել, որի հետևանքով երգեհոնը, զանգերը և վիտրաժներով պատուհանները ավերվել են, իսկ վերին նավի տանիքը՝ փլուզվել։ 1654 թվականի հոկտեմբերի 12-ին վառոդի պահեստում տեղի ունեցած պայթյունի հետևանքով եկեղեցին շատ վնասներ է կրել, սակայն հաջորդ տարվա գարնանն արդեն վերականգնվել է և գործել։ 1872 թվականին կայծակը ոչնչացրել է եկեղեցական աշտարակի սայրը։ Ներկայիս աշտարակն ունի 108,75 մետր բարձրություն և բարձրությամբ համարվում է երկրորդը՝ Ուտրեխտի մայր տաճարից հետո։ Վերականգնողական աշխատանքները կատարվել են 1920-ական, 1960-ական և 1980-ական թվականներին։ 1930-ականներին տեղադրվել են նոր վիտրաժներ։ Վիտրաժային պատուհանների մեծ մասը Վիլեմ Կոնեյնենբյուրգի աշխատանքն է։

Ժամանակակից երգեհոնն ունի 48 ձայն և շուրջ 3000 խողովակ։ Այն ստեղծվել է Ուտրեխտի «Յ․ Բեց և գործընկերներ» ընկերության վարպետների կողմից և տեղադրվել 1839 թվականին։ Զանգակատան զանգերը թվագրվում են 1660-ական թվականներին։ Դրանք ձուլվել են քաղաքապետարանի զանգերի մնացորդներից, որոնք խիստ տուժել էին 1618 թվականի հրդեհի արդյունքում։

Ներկայումս եկեղեցին գործածվում է և որպես հոգևոր շինություն (պատարագներն իրականացվում են կիրակի օրերին և քրիստոնեական տոների ժամանակ) և որպես թանգարան։ Այստեղ նաև անցկացվում են երգեհոնային երաժշտության համերգներ։