Նիկոլայ Օստրովսկու անվան մշակույթի և հանգստի զբոսայգի
Նիկոլայ Օստրովսկու անվան մշակույթի և հանգստի զբոսայգի (ռուս.՝ Парк культуры и отдыха имени Николая Островского), Ռուսաստանի Դոնի Ռոստով քաղաքի ամենամեծ զբոսայգին։
 ռուս.՝ Парк культуры и отдыха имени Николая Островского | |
|---|---|
 | |
| Տեսակ | պուրակ |
| Երկիր |  Ռուսաստան[1] |
| Վարչատարածք | Դոնի Ռոստով |
| Տեղագրություն | Սելմաշ պողոտա, 1ա |
| Հիմնվել է | 1894 |
| Մակերես | 63,1 հեկտար |
  | |
Նկարագրություն խմբագրել
Հիմնադրվել է 1894 թվականին, տարածքը 63,1 հեկտար է։ Անվանվել է ի պատիվ խորհրդային շրջանի անվանի գրող Նիկոլայ Օստրովսկու։ Այգում գտնվում են այնպիսի մշակութային և ժամանցային վայրեր, ինչպիսիք են լողավազանը, ֆուտբոլի դաշտերը, լեռնագնացների և պատանի հրշեջների ակումբները, ծանրամարտի, ձեռքի գնդակի և ըմբշամարտի դահլիճները, թենիսի կորտերը, «Օլիմպ XXI դար» մարզադաշտը, իսկական մանկական երկաթուղին։
Նիկոլայ Օստրովսկու անվան մշակույթի և հանգստի զբոսայգին քաղաքային նշանակության զբոսայգի է` Դոնի Ռոստովի բնակչության մեծ հոսքով։ Բնակիչներին և քաղաքի հյուրերին զբոսայգում տրամադրվում են տարբեր ծառայություններ։ Հետաքրքիր և գրավիչ ծառայություններից են զբոսայգու ատրակցիոնները։ Ներկայումս զբոսայգում տեղադրված է 40-ից ավելի ատրակցիոն։ Ակտիվ և արտասովոր հանգստի սիրահարներին սպասում է «Ջունգլի» պարանների աշխարհը. դա արկածային ատրակցիոն է, որը բաղկացած է տարբեր աստիճանի բարդության վեց երթուղուց[2]։
2014 թվականին Նիկոլայ Օստրովսկու անվան զբոսայգում բացվել է «Ուրախ Դինո» դինոզավրերի աշխարհը։ Այսօր զբոսայգու տարածքում գործում է անվճար Wi-Fi[3]։ Մեծ ուշադրություն է հատկացվում սպորտի զարգացմանը. այգու տարածքում կան աթլետիկական ավան, Workout-ի խաղահրապարակ, հեծանվային ուղյակներ, հեծանիվների վարձույթի ծառայություն և այլն։ Զբոսայգում տարեկան անցկացվում են տարբեր ուղղվածության ավելի քան 200 միջոցառումներ, ինչպես նաև գործում են ակումբային կազմավորումներ։
2016 թվականի սեպտեմբերին զբոսայգու մուտքի մոտ բացվել է «Դոնի կապավորներին» հուշարձանը։
Պատմություն խմբագրել
1894 թվականին ներկայիս զբոսայգու տեղում տնկվել էին, այսպես կոչված, Բալաբանովյան պուրակները` 100 դեսյատին մակերեսով։ Եթե համեմատենք Նոր Նախիջևանի XIX դարի քարտեզում պուրակների վայրը Դոնի Ռոստովի XX դարի քարտեզի և Օստրովսկու զբոսայգու գտնվելու վայրի հետ, ապա այդ տարածքները համընկնում են[4]։
Զբոսայգին տարիների ընթացքում փոխել է իր անունը` Պրոլետարսկի, Շեբոլդաևի անվան, Մարիա Ուլյանովայի անվան, «Ռոստսելմաշ» զբոսայգի։
XX դարի 70-ական թվականներին զբոսայգին ստացել է ներկայիս անվանումը` Նիկոլայ Օստրովսկու անվան մշակույթի և հանգստի զբոսայգի։ Նրա գլխավոր առանձնահատկությունը կանաչ ծառատունկերն են` ծառերի և թփերի հազվադեպ տեսակներով։ Որոշ ծառեր ավելի քան հարյուր տարեկան են։
Ծանոթագրություններ խմբագրել
- ↑ GEOnet Names Server — 2018.
- ↑ Super User. «Парк Островского сегодня». park-ostrovskogo.ru. Արխիվացված է օրիգինալից 2017 թ․ փետրվարի 27-ին. Վերցված է 2017 թ․ փետրվարի 26-ին.
{{cite web}}:|last=has generic name (օգնություն) - ↑ Super User. «Free Wi-Fi». park-ostrovskogo.ru. Արխիվացված է օրիգինալից 2018 թ․ հունվարի 25-ին. Վերցված է 2017 թ․ փետրվարի 26-ին.
{{cite web}}:|last=has generic name (օգնություն) - ↑ «Официальный портал городской Думы и Администрации города». www.rostov-gorod.ru. Վերցված է 2017 թ․ փետրվարի 26-ին.(չաշխատող հղում)