Նապոլեոնի լորենի
Նապոլեոնի լորենի (գերմ.՝ Napoleonslinde), Ֆրանսիայի կայսր Նապոլեոն Բոնապարտի[1] կողմից Տիլզիտի (այժմ` Սովետսկ) Դրագոնյան բարձունքներում տնկված լեգենդար երկբույն լորենի։ Բնության հուշարձանը քաղաքի տեսարժան վայրերից մեկն է։ Սա «1807 թվականի Տիլզիտի խաղաղության պայմանագրից մինչև 1812 թվականի Տաուրագեի կոնվենցիա» տուրիստական երթուղու մեկնարկային կետն է։
| Նապոլեոնի լորենի գերմ.՝ Napoleonslinde | |
|---|---|
| Երկիր | Ռուսաստան |
| Հիմնադիր | Նապոլեոն Բոնապարտ |
| Հիմնադրման թվական | 1807, հուլիս |
Պատմություն խմբագրել
1807 թվականին Տիլզիտում կնքվել է Տիլզիտի հաշտության պայմանագիրը Ռուսաստանի, Պրուսիայի և Ֆրանսիայի միջև։ Լեգենդի համաձայն` խաղաղ պայմանագրի ստորագրման պատվին Նապոլեոն Բոնապարտը Տիլզիտում տնկել է երկբույն լորենի։ Այս ծառը պետք է խորհրդանշեր Ռուսաստանի և Ֆրանսիայի միջև բարեկամությունը[2]։
Ծառը տնկելու համար ընտրվել է քաղաքի ամենաբարձր կետերից մեկը` Դրագոնյան բարձունքը (գերմ.՝ Drangowskiberg)` ծովի մակերևույթից 42 մետր բարձրության վրա, քանի որ այս տարածքում կար կաթոլիկ վանք և խաղաղ բանակցությունների ժամանակ տեղակայված էին ֆրանսիական զորամասերը։
Մինչև 1945 թվականը գերմանացի պատմասերները շատ հարգալից էին վերաբերվում լորենու ծառին, որի կողքին գործում էր «Դրագովսկի» ռեստորանը։ Խորհրդային ժամանակաշրջանում լորենին պաշտպանված էր, այն համարվում էր յուրահատուկ և շատ կարևոր քաղաքային բնական օբյեկտ (Ֆրիդրիխ-Լյուդվիգ Յանի կաղնու և Յակոբսրուե այգու գաղութային կաղնու հետ միասին)։
Լորենին տապալվել է 2010 թվականի փոթորիկի ժամանակ, սակայն 2013 թվականին ծառը փոխպատվաստվել է պատմական վայրում։ Լորենու մոտ տեղադրվել է քար, որի վրա կա հուշատախտակ[3]։
Ծանոթագրություններ խմբագրել
- ↑ Липа Наполеона
- ↑ «Und wieder die Napoleonslinde auf dem Drangowskiberg in Seinteinen!». Արխիվացված է օրիգինալից 2016 թ․ մարտի 5-ին. Վերցված է 2018 թ․ մայիսի 26-ին.
- ↑ В Советске хотят поставить памятный знак срубленной 3 года назад «Липе Наполеона»