Նազարեթ Կիրակոսյան

Նազարեթ Կիրակոսյան
Ծնվել է	դեկտեմբերի 2, 1939
Ծննդավայր	Տուրցխ գյուղ, Ախալքալաքի շրջան, Վրաստան
Գրական անուն	Ջավախք Սևան
Մասնագիտություն	բանաստեղծ, արձակագիր, ՀԳՄ անդամ
Լեզու	հայերեն
Ազգություն	հայ
Կրթություն	Երևանի պետական համալսարանի բանասիրական ֆակուլտետի հայոց լեզվի և գրականության բաժին

Վիքիպեդիայում կան հոդվածներ Կիրակոսյան ազգանունով այլ մարդկանց մասին։

Նազարեթ Կիրակոսյան (դեկտեմբերի 2, 1939, Տուրցխ գյուղ, Ախալքալաքի շրջան, Վրաստան), բանաստեղծ, արձակագիր, ՀԳՄ անդամ, հայտնի է նաև «Ջավախք Սևան» գրական անունով^[1]։

Կենսագրություն

Նազարեթ Կիրակոսյանը ծնվել է 1939 թվականի դեկտեմբերի 2-ին՝ Վրաստանի Ախալքալաքի շրջանի Տուրցխ գյուղում։ Սովրել է Երևանի պետական համալսարանի բանասիրական ֆակուլտետի հայոց լեզվի և գրականության բաժնում։ Համալսարանն ավարտելուց հետո աշխատանքի է անցել հայրենի գյուղի միջնակարգ դպրոցում՝ որպես հայոց լեզվի և գրականության ուսուցիչ, իսկ հետո էլ դարձել է տնօրեն։ Հայտնի է նաև «Ջավախք Սևան» գրական անունով։

Նազարեթ Կիրակոսյանը շուրջ 20 գրքի հեղինակ է։

1976 թվականին հրատարակվել է Նազարեթ Կիրակոսյանի «Քծնախտի դեղ» առակները։

1981 թվականին հրատարակվել է «Կարոտի կանչեր», իսկ 1991 թվականին՝ «Մեծ Շիրազի հետ» գրքերը։

2003 և 2004 թվականներին լույս է տեսել Նազարեթի «Երկերի ժողովածու» գրքի Ա-ից Զ հատորները։

2012 թվականին՝ «Ընտիր երկեր» գիրքը և ուրիշ այլ գրքեր։

2001 թվականին արժանացել է Վրաստանի պատվո շքանշանի։

2009 թվականին Նազարեթ Կիրակոսյանն արժանացել է Հայաստանի գրողների միության (ՀԳՄ) «Գրական վաստակի համար» մեդալի և Հայաստանի ազգային գրադարանի «Հակոբ Մեղապարտ» շքանշանի։