Նադիր Գասիմով
Նադիր Սադիգ օղլի Գասիմով (ադրբ.՝ Nadir Sadıq oğlu Qasımov, մայիսի 22, 1928, Բաքու, ԱԽՖՍՀ, ԽՍՀՄ - մարտի 10, 2000), Ադրբեջանի նկարչության դպրոցի նշանավոր ներկայացուցիչներից մեկը, ադրբեջանցի խորհրդային նկարիչ, Ադրբեջանի ԽՍՀ վաստակավոր նկարիչ, Ադրբեջանի Հանրապետության ժողովրդական նկարիչ[1]։
Նադիր Գասիմով (ադրբ.՝ Nadir Qasımov) | |
|---|---|
| Ծնվել է | մայիսի 22, 1928 |
| Ծննդավայր | Բաքու, ԱԽՖՍՀ, ԽՍՀՄ |
| Վախճանվել է | մարտի 10, 2000 (71 տարեկան) |
| Քաղաքացիություն |  ԽՍՀՄ և .svg){kind=small} Ադրբեջան |
| Կրթություն | Բաքվի Ազիմ Ազիմզադեի անվան գեղարվեստի դպրոց, Սանկտ Պետերբուրգի գեղարվեստի ակադեմիա |
| Մասնագիտություն | նկարիչ |
| Պարգևներ |   և  |
Կենսագրություն խմբագրել
Նադիր Գասիմովը ծնվել է 1928 թվականի մայիսի 22-ին Բաքվում։ 1941-1946 թվականներին սովորել է Բաքվի Ազիմ Ազիմզադեի անվան գեղարվեստի դպրոցում։ 1947-1953 թվականներին ուսումը շարունակել է Սանկտ Պետերբուրգի Ի.Է.Ռեպինի անվան գեղարվեստի ակադեմիայում։ Նրա դիմանկարային և բնանկարային աշխատանքները հաջողությամբ ցուցադրվել են 1953-1954 թվականների միջազգային և ազգային ցուցահանդեսներում։ Դրանց թվում են ԽՍՀՄ ժողովրդական արտիստներ Բյուլ-բյուլի և Մարզիա Դավուդովայի դիմանկարները[2]։
Հին և ժամանակակից Չինաստանին նվիրված շուրջ 50 բնանկարային և դիմանկարային աշխատանքներ նկարչի կողմից ցուցադրվել են 1961 թվականին Ադրբեջանի արվեստի ազգային թանգարանում կազմակերպված նրա առաջին անհատական ցուցահանդեսում[3]։
Նկարչի մոտ 100 աշխատանք գտնվում է Ռուսաստանի թանգարանային հավաքածուներում, ԱՊՀ երկրների թանգարաններում, ԱՄՆ-ի, Բելգիայի, Ֆրանսիայի, Գերմանիայի, Թուրքիայի, Իսպանիայի, Բուլղարիայի, Հարավսլավիայի, Չեխոսլովակիայի թանգարաններում և մասնավոր հավաքածուներում։
1958-1969 թվականներին Նադիր Գասիմովն ընտրվել է Ադրբեջանի նկարիչների միության տնօրենների խորհրդի անդամ, իսկ 1967-1969 թվականներին՝ երեք ժամկետով Բաքվի քաղաքային խորհրդի պատգամավոր։
1970-2000 թվականներին զբաղվել է ուսուցչական գործունեությամբ Արվեստի համալսարանում, եղել է գեղանկարչության ֆակուլտետի պրոֆեսոր։
Նադիր Գասիմովը մահացել է 2000 թվականի մարտի 10-ին[4]։
Ծանոթագրություններ խմբագրել
- ↑ Azərtac Dövlət Agentliyi
- ↑ Nadir Qasımov: 1928–2000/Azərbaycan Respublikası Mədəniyyət və Turizm Nazirliyi.- Bakı, 2008.- 52 s.
- ↑ Misirli, E. Xalq rəssamı Nadir Qasımovun yaradıcılığında portret janrı /Elnarə Misirli//Təzadlar.- 2014.- 18 oktyabr.- S.10.
- ↑ Նադիր Գասիմով