Յուրի Հովհաննիսյան (քանդակագործ)

Անվան այլ կիրառումների համար տե՛ս՝ Յուրի Հովհաննիսյան (այլ կիրառումներ)

Յուրի Գրիգորի Հովհաննիսյան (մայիսի 12, 1948(1948-05-12), Շոշ, Ասկերանի շրջան, ԼՂԻՄ, Ադրբեջանական ԽՍՀ, ԽՍՀՄ), հայ քանդակագործ։

Յուրի Հովհաննիսյան
Ծնվել է	մայիսի 12, 1948(1948-05-12) (76 տարեկան)
Ծննդավայր	Շոշ, Ասկերանի շրջան, ԼՂԻՄ, Ադրբեջանական ԽՍՀ, ԽՍՀՄ
Կրթություն	Երևանի պետական գեղարվեստա-թատերական ինստիտուտ (1974)
Մասնագիտություն	քանդակագործ

Կենսագրություն

1974 թվականին ավարտել է Երևանի գեղարվեստա-թատերական ինստիտուտը։ 1996 թվականից Ստեփանակերտի «Հակոբ Գյուրջյան» ինստիտուտի ռեկտորն է։ Հովհաննիսյանի քանդակներից տեղադրված են Ստեփանակերտում, Չարենցավանում, Վարդենիսում, Երևանում, Շուշիում և այլուր։ Գործերից պահվում են ՀՀ մշակույթի նախարարության ֆոնդում, ՀՊՊԹ-ում։

2014 թվականին անհատական ցուցահանդես է ունեցել Շուշիում։

Ստեղծագործական ուղի

Կոմպոզիցիոն քանդակներն առանձնանում են պլաստիկ արտահայտչականությամբ և ընդհանրացումների հնչեղությամբ։

• «Ծավալաձև», 1973, կավ
• «Ջրահարս», 1978, տուֆ
• «Թավջութակահարուհին», 1985, բրոնզ
• «Ալեքսանդրի դիմաքանդակը», 1985, մարմար
• «Որդիները չվերադարձան» քանդակներ

Արտաքին հղումներ

• Յուրի Հովհաննիսյանի անհատական ցուցահանդեսի բացումը