Յուրի Դավթյան

Վիքիպեդիայում կան հոդվածներ Դավթյան ազգանունով այլ մարդկանց մասին։

Յուրի Հայկի Դավթյան (հունիսի 10, 1929(1929-06-10), Ղարաքիլիսա, ԽՍՀՄ - փետրվարի 20, 2020(2020-02-20), Երևան, Հայաստան), դիրիժոր։ ՀԽՍՀ ժողովրդական արտիստ (1984)։

Յուրի Դավթյան
Հիմնական տվյալներ
Ծնվել է	հունիսի 10, 1929(1929-06-10) Ղարաքիլիսա, ԽՍՀՄ
Երկիր	Հայկական ԽՍՀ և  Հայաստան
Մահացել է	փետրվարի 20, 2020(2020-02-20) (90 տարեկան) Երևան, Հայաստան
Մասնագիտություն	դիրիժոր
Աշխատավայր	Ալեքսանդր Սպենդիարյանի անվան օպերայի և բալետի ազգային ակադեմիական թատրոն և Հակոբ Պարոնյանի անվան պետական երաժշտական կոմեդիայի թատրոն
Կրթություն	Երևանի միջնակարգ մասնագիտական երաժշտական դպրոց Չայկովսկու անվան և Երևանի Կոմիտասի անվան պետական կոնսերվատորիա
Պարգևներ	և

Կենսագրություն

1938 թվականին ընդունվել է Պյոտր Չայկովսկու անվան երաժշտական դպրոցի ջութակի դասարան։ 1947-1952 թվականներին սովորել է Երևանի Կոմիտասի անվան պետական կոնսերվատորիայի նվագախմբային դիրիժորության և թեորիայի բաժիններում՝ պրոֆեսորներ Սարաջևի և Տիգրանովի դասարաններում։ 1962-1963 թվականներին մաստեր-կլաս է անցել պրոֆեսոր Մարկևիչի մոտ։ Ուսումն ավարտելուց հետո աշխատել է ԽՍՀՄ պետական նվագախմբում՝ որպես ստաժոր։ 1953-1963 թվականներին եղել է Երևանի օպերայի և բալետի թատրոնի դիրիժոր։ 1966-1974 թվականներին և 1976 թվականին՝ Երևանի օպերայի և բալետի թատրոնի դիրիժոր։ 1973-1974 թվականներին՝ Երևանի օպերայի և բալետի թատրոնի գլխավոր դիրիժոր, 1964-1966 թվականներին՝ Սարատովի օպերային թատրոնի գլխավոր դիրիժոր, 1966-1968 և 1992-1994 թվականներին՝ ՀՀ հեռուստառադիոպետկոմի սիմֆոնիկ նվագախմբի գլխավոր դիրիժոր։ 1969 թվականից դասավանդել է Երևանի կոնսերվատորիայում, 1979 թվականից՝ պրոֆեսոր։ 1980-2000 թվականներին՝ Երևանի օպերայի և բալետի թատրոնի գլխավոր դիրիժոր։

Ղեկավարել է ԽՍՀՄ երկրների մի շարք նվագախմբեր՝ ԽՍՀՄ Պետական, Մոսկվայի Մեծ, Մարիինյան թատրոնների և այլ նվագախմբեր։ Երևանի Պարոնյանի անվան երաժշտական կոմեդիայի պետական թատրոնի գլխավոր դիրիժորն է։ Թողարկել է մի շարք ձայնասկավառակներ։ Համերգներով հանդես է եկել Ռումինիայում, Հունգարիայում, Ֆրանսիայում, ԱՄՆ-ում, Իսպանիայում։

Բեմադրություններ

• Գևորգ Եղիազարյանի «Սևան», բալետ, 1956
• Անդրեյ Բաբաևի «Արծվաբերդ», օպերա, 1957
• Ս. Բալասանյանի «Լեյլի և Մեջնուն», բալետ, 1973
• Արմեն Տիգրանյանի «Դավիթ Բեկ», օպերա, 1981
• Ալեքսանդր Սպենդիարյանի «Ալմաստ», օպերա, 1983.
• Տիգրան Չուխաճյանի «Արշակ Բ», օպերա, 1992
• Վերդիի «Տրավիատա», օպերա, 2000

Պարգևներ, մրցանակներ

• ՀԽՍՀ արվեստի վաստակավոր գործիչ, 1972,
• ՀԽՍՀ ժողովրդական արտիստ, 1984,
• «Հայրենիքին մատուցած ծառայությունների համար» 1-ին աստիճանի մեդալ, 2019,
• ՀՀ սփյուռքի նախարարության հուշամեդալ,
• Երաժշտական ընկերության «Կոմիտաս» հուշամեդալ,
• ՀՀ վարչապետի հուշամեդալ,
• Երևանի քաղաքապետարանի մեդալ,
• ՀԹԳՄ ոսկե մեդալ։

Արտաքին հղումներ

• Յուրի Դավթյան Արխիվացված 2022-07-23 Wayback Machine
• Յուրի Դավթյան, Պարգևատրում
• Սերժ Սարգսյանը շնորհավորական ուղերձ է հղել դիրիժոր Յուրի Դավթյանին
• Սերժ Սարգսյանը շնորհավորել է դիրիժոր Յուրի Դավթյանին՝ ծննդյան 85-ամյակի առթիվ

Վիքիդարանն ունի նյութեր, որոնք վերաբերում են «Յուրի Դավթյան» հոդվածին։