Յովան Ցվիյիչի հիշատակային թանգարան

Յովան Ցվիյիչի հիշատակային թանգարան (սերբ.՝ Меморијални музеј Јована Цвијића), թանգարան Սերբիայի մայրաքաղաք Բելգրադում։ Գտնվում է սերբ գիտնական և աշխարհագրագետ Յովան Ցվիյիչի (1865-1927) ընտանեկան տանը։ Այն գտնվում է Կոպիտարևա գրադինայում՝ Բելգրադի Ելենա Չետկովիչի փողոցի թիվ 5 հասցեում։

Յովան Ցվիյիչի հիշատակային թանգարան
Տեսակ	թանգարան և մշակութային կառույց
Երկիր	Սերբիա
Տեղագրություն	Բելգրադ
Վայր	Բելգրադ
Հասցե	Јелене Ћетковић бр. 511000
Հիմնադրվել է	1963

Պատմություն

Յովան Ցվիյիչ (1865-1927)

Տունը կառուցվել է 1905 թվականին և 1963 թվականից գտնվում է պետության պահպանության ներքո (հռչակված է մշակույթի հուշարձան)։ Եզակի է իր ներքին հարդարանքով, որի ձևավորումը վերագրվում է Դրագուտին Ինկիոստրի Մեդենյակին, որը համարվում է ազգային դեկորատիվ արվեստի հիմնադիրներից մեկը։ Ըստ նրա՝ Ցվիյիչը կիսում էր այն ժամանակվա մտավորականության՝ բալկանյան բանահյուսական տարրերի վրա հիմնված ազգային ոճ ստեղծելու անհրաժեշտությանն ուղղված ոգևորությունը։ Տունը բաղկացած է նախասրահից, հյուրասենյակից, նրա կնոջ՝ Լյուբիցայի սենյակից և աշխատասենյակից, իսկ բակում կա բարեկարգ պարտեզ։

Թանգարան

Այսօր տանը պահվում է Յովան Ցվիյիչի ժառանգությունը, որը բաղկացած է 1476 իրից, ներառյալ՝ ձեռագրեր, նամակներ, տետրեր, լուսանկարներ, քարտեզներ, քարտեզագրքեր, գրքեր, նկարներ, անձնական իրեր և այլն։

Թանգարանում ժամանակ առ ժամանակ կազմակերպվում են դասախոսություններ։ Դրագուտին Ինկիոստրին պատերն ու առաստաղները նկարազարդել է al seco տեխնիկայով, իսկ նախշերը ներշնչված են բուսական և կենդանական աշխարհի մոտիվներից և Դալմաթիայի, Մակեդոնիայի և Սերբիայի ավանդույթներից։ Նույն մոտիվները հանդիպում են տան կահույքի յուրաքանչյուր առարկայում։

Պատկերասրահ

• 
  Հուշատախտակ Յովան Ցվիյիչի տուն-թանգարանի պատին
• 
  Տան կահույքը
• 
  Յովան Ցվիյիչի ձեռագրերից
• 
  Յովան Ցվիյիչի պարգևները
• 
  Յովան Ցվիյիչի տան նախշազարդերից

 

Արտաքին հղումներ

• Презентација на страници Града Београда (језик: српски)
• Презентација на станици Музеја града Београда (језик: српски)
• Отвара се Музеј Јована Цвијића (Б92, 18. март 2017)