Յանիս Պլուտարխոս
Յաննիս Պլուտարխոս (հուն․՝ Γιάννης Πλούταρχος, դեկտեմբերի 18, 1970[1], Օրխոմենոս), հույն երգիչ, կոմպոզիտոր։ Համարվում է իր ժամանակի լաիկո (հուն․՝ λαϊκά՝ ժողովրդական) երգիչներից ամենահայտնին և բնութագրվում է որպես իսկական լաիկո ձայն ունեցող երգիչ։ Թողարկել է 11 ստուդիական ալբոմ և մեկ հիթերի ալբոմ։
| Յանիս Պլուտարխոս | |
|---|---|
 | |
| Հիմնական տվյալներ | |
| Բնօրինակ անուն | հուն․՝ Γιάννης Πλούταρχος |
| Ի ծնե անուն | հուն․՝ Ιωάννης Κακοσαίος |
| Ծնվել է | դեկտեմբերի 18, 1970[1] (54 տարեկան) Օրխոմենոս |
| Երկիր |  Հունաստան |
| Ժանրեր | լաիկո |
| Մասնագիտություն | երգիչ և կոմպոզիտոր |
| Գործիքներ | վոկալ |
| Գործունեություն | 1998 - ներկա |
| Լեյբլ | Minos EMI |
| Կայք | yannis-ploutarchos.gr |
 Giannis Ploutarhos Վիքիպահեստում | |
Կենսագրություն
խմբագրելԾնվել է Բիոթիայի Մավրոգիա անվամբ փոքրիկ գյուղում[2]՝ աղքատ ընտանիքում, որտեղ դժվարությամբ էին ծայրը ծայրին հասցնում[2]։ Առաջին անգամ երգել սկսել է 6 տարեկան հասակում, իսկ լրջորեն երաժշտությամբ սկսել է զբաղվել պատանի ժամանակ։ Նրա վրա մեծապես ազդել են բյուզանդական և ժողովրդական երաժշտական ավանդույթները[2]։ 16 տարեկան հասակում Յանիսը տեղափոխվում է Աթենք՝ երգիչ դառնալու իր երազանքն իրականացնելու համար[3]։ Ընտանիքին ասում է, որ գնում է վարսահարդարում սովորելու[2]։
Սակայն, Աթենքում աշխատելով որպես վարսահարդար, չի դադարում զբաղվել երաժշտությամբ, ելույթ է ունենում տարբեր ակումբներում։ Նրա առաջին «համերգը» տեղի է ունենում Կորիդալոս ակումբում[2]։ Հիասթափվելով շոու բիզնեսում տիրող իրավիճակից՝ երկու անգամ լքում է բեմը և այլ միջոցներ գտնում՝ գոյատևելու համար[3]։ Սակայն երաժշտության հանդեպ սերը նրան կրկին վերադարձնում է շոու բիզնես, և նրա առաջին կատարումից ուղիղ 2 տարի հետո սկսում է ելույթ ունենալ Ռոդոլֆո ակումբում, այնուհետև ավելի լայն ճանաչում ունեցող ակումբներում՝ Ներաիդա, Ֆանտասիա և Թոնել, որտեղ նա սկսում է համագործակցել հայտնի ժողովրդական երգիչներ Յանիս Պուլոպուլոսի, Ռիտա Սակելարիուի, Թեմիս Ադամանտիդիսի, ինչպես նաև այլ երիտասարդ կատարողների՝ Ստելիոս Ռոկոսի և Յորղո Մազոնակիսի հետ[2]։ Այդ ժամանակ Պլուտարխոսը ծանոթանում է Դիմիտրիս Կարդաձիսի և Իլիաս Ֆիլիպուի հետ, ովքեր հավատում են նրա տաղանդին և ծանոթացնում Յանիսի առաջին պրոդյուսերի՝ Յորղո Մակրակիսի հետ, ով էլ ընտրում է նրա համար «Պլուտարխոս» բեմական անունը[2]։
Առաջին ալբոմը թողարկել է 1998 թ.։ 2 տարի անց դուրս է գալիս նոր ալբոմ, որը Յանիսին հայտնի է դարձնում։ 2005 թվականին Պլուտարխոսը համաշխարհային շրջագայությամբ հանդես է գալիս Տորոնտոյում, Ատլանտիկ Սիթիում, Բոստոնում, Նյու Յորքում, Չիկագոյում, Մելբուրնում, Սիդնեյում, Յոհանեսբուրգում և Նիկոսիայում։
2012 թվականի ապրիլի 27-մայիսի 11 Պլուտարխոսը 6 համերգ է ունեցել ԱՄՆ-ի և Կանադայի քաղաքներում։
Կնոջ անունը Մարիա է, ում հետ մեծացնում է իրենց 5 երեխաներին։
Սկավառակագրություն
խմբագրել| Տարի | Անվանում | Մրցանակ |
|---|---|---|
| 1998 | Μόνο εσύ | – |
| 2000 | Υπήρχαν όρκοι | պլատին |
| 2001 | Μικρές φωτογραφίες | 3 անգամ պլատին |
| 2002 | Δεν είναι ο έρωτας…παιδί της λογικής | 3 անգամ պլատին |
| 2003 | Πάει λίγος καιρός | 3 անգամ պլատին |
| 2005 | Όλα σε σένα τα βρήκα | 2 անգամ պլատին |
| 2006 | Κρυμμένα μυστικά | 2 անգամ պլատին |
| 2008 | Ο,τι γεννιέται στην ψυχή | 2 անգամ պլատին |
| 2010 | Προσωπικά δεδομένα | 6 անգամ պլատին |
| 2011 | Δύο φωνές μία ψυχή | 15 անգամ պլատին |
| 2011 | Η Δύναμη Του Έρωτα | 2 անգամ պլատին |
| 2013 | Κάτω απ’ τον ίδιο ήλιο | 3 անգամ պլատին |
Ծանոթագրություններ
խմբագրել- ↑ 1,0 1,1 Γιάννης Πλούταρχος - Ελληνική Δισκογραφία
- ↑ 2,0 2,1 2,2 2,3 2,4 2,5 2,6 «Γιάννης Πλούταρχος Βιογραφικό» (Greek). Music.net.cy. Արխիվացված է օրիգինալից 2011 թ․ հունվարի 4-ին. Վերցված է 2011 թ․ փետրվարի 8-ին.
{{cite web}}: CS1 սպաս․ չճանաչված լեզու (link) - ↑ 3,0 3,1 «ΠΛΟΥΤΑΡΧΟΣ ΓΙΑΝΝΗΣ – Bio» (Greek). Heaven Music. Վերցված է 2011 թ․ փետրվարի 7-ին.
{{cite web}}: CS1 սպաս․ չճանաչված լեզու (link)(չաշխատող հղում)
Արտաքին հղումներ
խմբագրել | Վիքիպահեստն ունի նյութեր, որոնք վերաբերում են «Յանիս Պլուտարխոս» հոդվածին։ |