Մոնժուիկի մոգական շատրվան

շատրվան
Մոնժուիկի մոգական շատրվան; կատ.՝ Font màgica de Montjuïc
Երկիր	Իսպանիա
Շինության տեսակ	շատրվան
Նախագծի հեղինակ	Կառլոս Բուիգաս

Մոնժուիկի մոգական շատրվան (կատ.՝ Font màgica de Montjuïc^[1] իսպ.՝ Fuente mágica de Montjuic), գտնվում է Բարսելոնայի (Իսպանիա) Մոնժուիկ բլրի վրա։

Մեծ շատրվանը կառուցվել է Բարսելոնայում 1919 թվականի Համաշխարհային ցուցահանդեսի առթիվ, ֆուտուրիստական ոճով, էլիպսաձև նախագծով։ Կառուցվել է ինժեներ Կառլոս Բուիգասի կողմից։

Մինչև 1992 թվականը կառույցը գործել է առանց վերանորոգման` ուրախացնելով Կատալոնիայի մայրաքաղաքի բնակիչներին ու հյուրերին։ Սակայն 1992 թվականի Օլիմպիական խաղերից առաջ որոշեցին շատրվանը դարձնել քաղաքի խորհրդանիշերից մեկը` ավելացնելով երաժշտական ձևավորում։

3000-ից ավելի աշխատողներ իրականացրել են լայնածավալ ծրագիրն ընդամենը մեկ տարվա ընթացքում։ Իսպանիայի հրապարակի երկու աշտարակներից դեպի շատրվան կան լուսավորված կասկադներ։ Ջրատարածքի մոտ բոլոր կողմերում հնչում է նրբագեղ երաժշտություն, որի ներքո ջրի 3620 շիթերը կարծես թե պարում են։ Մեկ տարվա ընթացքում Մոնժուիկ է այցելում ավելի քան 2,5 միլիոն մարդ։

Սկզբում մոտ 20 հոգի ներգրավված էր շոուի սպասարկման մեջ։ Նրանք կարգավորում էին ջրի հոսքը, երաժշտությունը և լույսերը։ Հետագայում այդ գործընթացները դարձան ինքնակարգավորվող։

Շատրվանն աշխատում է ըստ հետևյալ ժամանակացույցի.

Ապրիլի 30-ից մինչև սեպտեմբերի 30-ը` հինգշաբթիից մինչև կիրակի, 21:00 – 23:30 (երաժշտական շոու՝ 21։00, 21։30, 22։00, 22։30 և 23։00)։
Հոկտեմբերի 1-ից մինչև ապրիլի 30-ը` ուրբաթ և շաբաթ օրեր, 19։00 – 21։00 (շոու՝ 19։00, 19։30, 20։00, 20։30 և 21։00)։