Անվան այլ կիրառումների համար տե՛ս՝ Մոնակո (այլ կիրառումներ)

Մոնակոն, փոքրիկ պետություն Հարավային Եվրոպայում՝ Ֆրանսիայի հարավ արևելքում՝ Միջերկրական ծովի ափին, և վաղուց ի վեր ձեռք է բերել աշխարհի լավագույն առողջավայրերից մեկը լինելու համբավը։ Իշխանությունը բաղկացած է միմյանց ձուլված Մոնակո, Մոնտե Կառլո և Կոնդամին օկրուգ-քաղաքներից։ Գտնվում է Ֆրանսիայի հովանավորության ներքո։

Մոնակոյի Իշխանություն
Principauté de Monaco
Մոնակոյի դրոշ
Դրոշ
Մոնակոյի զինանշանը
Զինանշան
Ազգային օրհներգ՝ Hymne Monégasque
Մոնակոյի դիրքը
Մոնակոյի դիրքը
ՄայրաքաղաքՄոնակո
Ամենամեծ քաղաք Մոնտե Կառլո
Պետական լեզուներ ֆրանսերեն
Կառավարում Իշխանություն
Անկախություն
Տարածք
 -  Ընդհանուր 1.95 կմ² 
 -  Ջրային (%) 0.0
Բնակչություն
 -  2006 նախահաշիվը 35,657 
 -  2000 մարդահամարը 32,020 
 -  Խտություն 18,285 /կմ² 
47,358 /մղոն²
Արժույթ Եվրո (EUR)
Ժամային գոտի (ՀԿԺ+1)
 -  Ամռանը (DST)  (ՀԿԺ+2)
Ազգային դոմեն .mc
Հեռախոսային կոդ +377

Մոնակոն հայտնի է նաև իր բազմաթիվ խաղատներով, որտեղ ժամանակ են անցկացնում և մեծ գումարներ ծախսում աշխարհի տարբեր երկրներից ժամանած մեծահարուստներն ու սուր զգացողությունների սիրահարները։ Մոնակոյի եկամուտների հիմնական աղբյուրներն են առևտուրը, միջազգային զբոսաշրջությունը, նամականիշերի և հուշանվերների վաճառքից ստացված միջոցները։ Զարգացած են արդյունաբերության էլեկտրոնային, քիմիական, ճշգրիտ մեքենաշինության, սննդի և այլ ճյուղեր։

1950-ական թվականների սկզբին երկրում օրենք է ընդունվել, որով պետության ամբողջ տարածքում արգելվել է հրազենի օգտագործումը, որովհետև հրազենից ցանկացած ուղղությամբ կրակելու դեպքում գնդակը կարող է դուրս գալ երկրի սահմաններից և միջազգային բարդությունների պատճառ դառնալ։

Աշխարհի ամենաերկարակյաց բնակչությունն ունի Մոնակոն. նրա բնակիչների կյանքի սպասվող տևողությունը կազմում է մոտ 90 տարի[1]։

Պատմություն խմբագրել

Մոնակոյի տարածքում մարդիկ առաջին անգամ իրենց բնակավայրերը կառուցել են մ.թ.ա. X դարում։ Նրանք փյունիկացիներ էին։ Ավելի ուշ, նրանց միացան հույները և մոնոները։

Ժամանակակից Մոնակոյի պատմությունը սկսվում է 1215 թվականին Ջենովայի հանրապետության տարածքում ամրոցների կառուցմամբ։

1297 թվականի հունվարի 8-ին Մոնակոյի քաղաքացիական պատերազմի ժամանակ այն գրավվեց Ֆրանչեսկո Գրիմալդիի և նրա կողմնակիցների կողմից։ Այդ ամսաթիվը համարվում է Գրիմալդիի կառավարության սկիզբը և անկախ Մոնակոյի գոյության օրը։ Այդ ժամանակվանից արդեն 700 տարի է կայսրությունը կառավարում են այդ ընտանիքի ներկայացուցիչները։

1641 թվականին Պերոննական պայմանագրի համաձայն այն անցավ Ֆրանսիայի հովանու ներքո։

1789 թվականին երկիրը միացել է Ֆրանսիային։

Աղբյուրներ խմբագրել

Ծանոթագրություններ խմբագրել

  1. «CIA World Factbook, Monaco». Cia.gov. Արխիվացված է օրիգինալից 2020 թ․ մայիսի 1-ին. Վերցված է 2012 թ․ մայիսի 28-ին.