Հայկազ Մկրտչյան
Հայկազ Զավենի Մկրտչյան (հոկտեմբերի 31, 2000, Երևան, Հայաստան - նոյեմբերի 9, 2020), Հայաստանի զինված ուժերի զինծառայող, Հայ-ադրբեջանական 2020 թվականի հուլիսյան ռազմական բախման և Հայ-ադրբեջանական պատերազմի մասնակից։ Զոհվել է 2020 թվականին տեղի ունեցած Հայ-ադրբեջանական պատերազմի ժամանակ[1]։ Հայաստանի նախագահի հրամանագրով հետմահու պարգևատրվել է «Մարտական ծառայության» մեդալով[2]։
| Հայկազ Զավենի Մկրտչյան | |
|---|---|
 | |
| հոկտեմբերի 31, 2000 - նոյեմբերի 9, 2020 (20 տարեկան) | |
| Ծննդավայր | Հայաստան, Երևան |
| Մահվան վայր | Վիրավորվել է՝  Արցախ, Կարմիր Շուկայում |
| Քաղաքացիություն |  Հայաստան |
| Ծառայության տարիներ | 2019 - 2020 |
| Կոչում | .png){kind=small} ՀՀ ԶՈՒ կրտսեր սերժանտ |
| Մարտեր/ պատերազմներ | Հայ-ադրբեջանական 2020 թվականի հուլիսյան ռազմական բախում Հայ-ադրբեջանական պատերազմ |
| Պարգևներ | Արցախի «Մարտական ծառայություն» մեդալ |
Կենսագրության խմբագրել
Հայկազ Մկրտչյանը ծնվել է 2000 թվականի հոկտեմբերի 31-ին Երևանում։ Ունի երկու քույր, մայր՝ Աննա Մկրտչյանը, հայր՝ Զավեն Մկրտչյանը երկուսն էլ մասնագիտությամբ տնտեսագետներ են։ 2006 թվականից ուսանել է Ավանի շախմատի մանկապատանեկան մարզադպրոցում։ Զբաղվել է շախմատով մինչև 2018 թվականը։ Մասնակցել է Հայաստանի առաջնություններին, Ստեփան Ավագյանի անվան շախմատի հուշամրցաշարերին և Անդրանիկ Մարգարյանի անվան մրցաշարերին, որում գրանցել է հաջողություններ։ 2006 թվականից մինչև 2014 թվականը սովորել է Ավանի՝ Գալինա Ստարովոյտովայի անվան 177 դպրոցում։ 2014 թվականից մինչև 2018 թվականը սովորել է Գևորգ Էմինի անվան թիվ 182 ավագ դպրոցում։ Ավագ դպրոցին զուգահեռ սովորել է նաև Հայ-ռուսական համալսարանի նախապատրաստական կուրսում։ 2018 թվականին ընդունվել է Երևանի պետական համալսարանի Ինֆորմատիկայի և կիրառական մաթեմատիկայի ֆակուլտետը։ Նույն թվականից անդամակցել է Առաջին Հայկական Ճակատ-ին։ 2019 թվականի հունվարի 23-ին զորակոչվել է հայկական բանակ։ Եղել է կրտսեր սերժանտ, հաստիքը՝ հաշվարկի հրամանատար։ Հայ-ադրբեջանական հուլիսյան ռազմական բախման ժամանակ մասնակցել է Չինարի մարտերին։ Հոկտեմբերի 14-ից մասնակցել է Ջրականի, Տաղավարտի, Դրախտիկի և Ազոխի մարտերին։ Վիրավորվել է 2020 թվականի հոկտեմբերի 29-ին Կարմիր Շուկայում, մահացել նոյեմբերի 9-ին[3]։
Հուղարկավորված է Եռաբլուր պանթեոնում։
Կրծքանշաններ խմբագրել
- Հայաստանի զինված ուժերի լավագույն մարզիկ-զինվոր
- Երրորդ կարգի հրետանավոր
- Մարտական հերթապահության մեդալ
Ծանոթագրություններ խմբագրել
- ↑ ««Գտեք, թե ինչքան թուրքի անուն է գրվել քարին՝ իմ ձեռքով. Դուք չեք հասկանում՝ ես անմшհ եմ»․ Հերոսաբար մարտնչած Հայկազ Մկրտչյանը». Հայ Ինֆո. 2020 թ․ նոյեմբերի 18. Արխիվացված է օրիգինալից 2021 թ․ հունվարի 8-ին. Վերցված է 2020 թ․ դեկտեմբերի 31-ին.
- ↑ Տասը զինծառայող հետմահու պարգևատրվել է Մարտական ծառայության մեդալով
- ↑ «Իմ առաքելությունն ընկերներիս, հայրենիքս պաշտպանելն է, պետք է չթողնեմ՝ իրենց շրջափակման մեջ վերցնեն. Հայկան մենակ չթողեց ընկերներին (լուսանկարներ)». lurer.com. Վերցված է 2020 թ․ դեկտեմբերի 31-ին.