Մկրտիչ Մարտիրոսյան
- Վիքիպեդիայում կան հոդվածներ Մարտիրոսյան ազգանունով այլ մարդկանց մասին։
Մկրտիչ Ղազարի Մարտիրոսյան (1917, Տաշտուն, Հայաստան - 2002), հայ մանկավարժ։ ԽՄԿԿ անդամ (1939): Հայրենական մեծ պատերազմի մասնակից։
| Մկրտիչ Մարտիրոսյան | |
|---|---|
| Ծնվել է | 1917 |
| Ծննդավայր | Տաշտուն, Հայաստան |
| Մահացել է | 2002 |
| Քաղաքացիություն |  Ռուսական կայսրություն,  ԽՍՀՄ և  Հայաստան |
| Կրթություն | Հայկական պետական մանկավարժական համալսարան |
| Մասնագիտություն | մանկավարժ |
| Կուսակցություն | ԽՄԿԿ |
| Պարգևներ և մրցանակներ |  և  |
Կենսագրություն խմբագրել
Մկրտիչ Մարտիրոսյանը ծնվել է 1917 թվականին, Մեղրու շրջանի Տաշտուն գյուղում[1]։ 1936 թվականին ավարտել է Մեղրու միջնակարգ դպրոցը, այնուհետև ավարտել է Նոր Բայազետի ուսուցիչների կատարելագործման ինստիտուտը, նշանակվել է ուսուցչական աշխատանքի Լիճք գյուղի միջնակարգ դպրոցում, միաժամանակ սովորել է Երևանի հեռական մանկավարժական ինստիտուտում[2]։
1938 թվականին Մկրտիչը զորակոչվել է կարմիր բանակ, պարտադիր զինվորական ծառայության Լենինգրադի զինվորական օկրուգում։ Այստեղ սովորել է գնդի կրտսեր հրամանատարների դպրոցում, ստացել սերժանտի կոչում, և նշանակվել ջոկի հրամանատար։ 1939 թվականին Մարտիրոսյանը ընդունվել է կուսակցության շարքերը[2]։
Մարտիրոսյանը մասնակցել է խորհրդա-ֆիննական պատերազմին, այնուհետև նրանց զորամասը տեղափոխվել է մեր երկրի արևմտյան սահմանը, մասնակցել է 1941 թվականի Մեծ Հայրենականին։ Հաշվի առնելով զինվորական ծառայության և մարտական փորձը, նրան ուղարկել են Լենինգրադի ռազմաճակատի կարճատև սպայական դպրոց։ Այն ավարտել ու ստացել է լեյտենանտի կոչում և նշանակվել դասակի հրամանատար։ Շարունակել է մասնակցել մարտական գործողություններին, նրան շնորհվել է գվարդիայի ավագ լեյտենանտի կոչում։ Մարտերում ցուցաբերած արիության համար պարգևատրվել է Կարմիր աստղի և Հայրենական պատերազմի երկրորդ աստիճանի շքանշաններով։ Մարտիրոսյանը մասնակցել է մերձբալթյան հանրապետությունների ազատագրմանը և Արևելյան Պրուսիայում նահանջող ֆաշիստական զորքերի ջախջախման մարտերին[2]։
Պատերազմի ավարտից հետո Մարտիրոսյանը զորացրվել է բանակից, վերադարձել հայրենի գյուղը և շարունակել է ուսուցչական աշխատանքը։ 1979 թվականից անցել է կենսաթոշակի[2]։
Մկրտիչ Մարտիրոսյանը մահացել է 2002 թվականին։ Թաղված է Երևանում՝ Չարբախի գերեզմանատանը[3]։
Պարգևներ խմբագրել
- Կարմիր աստղի շքանշան
- Հայրենական պատերազմի երկրորդ աստիճանի շքանշան
Ծանոթագրություններ խմբագրել
- ↑ «ՄԱՐՏԻՐՈՍՅԱՆ ՄԿՐՏԻՉ ՂԱԶԱՐԻ». ԶԱՆԳԵԶՈՒՐ (ռուսերեն). 2010 թ․ մայիսի 6. Վերցված է 2020 թ․ հոկտեմբերի 28-ին.
- ↑ 2,0 2,1 2,2 2,3 Հայաստանի ուսուցիչները Մեծ հայրենականում։ 3 գիրք։ Հարությունյան, Աշոտ Հովսեփի, Մելքումյան, Հայկազ Ստեփանի, Սուքիասյան, Աղվան Ղազարի։ Երևան, «Լույս», 1987:
- ↑ «The memorial of Martirosyan Mkrtich (Մկրտիչ Մարտիրոսյան Ղազարի) buried at Yerevan's Charbakh cemetery». hush.am (անգլերեն). Վերցված է 2020 թ․ հոկտեմբերի 28-ին.