Միստր Ռոբերտս (ֆիլմ)
«Միստր Ռոբերտս»[9] (անգլ.՝ Mister Roberts), կինոռեժիսորներ Ջոն Ֆորդի և Մերվին Լերոյի ֆիլմը, որն էկրան է բարձրացել 1955 թվականին։ Ժապավենի հիմքում Թոմաս Խեգգենի (1946) համանուն վեպն է և այդ վեպի մոտիվներով 1948 թվականին Ջոշուա Լոգանի հետ ստեղծած համանուն պիեսը։
.jpg)
Սյուժե խմբագրել
Երկրորդ համաշխարհային պատերազմի վերջին ամիսներն են։ Ամերիկյան ռազմածովային ուժերի բեռնանավը կանգ է առել Խաղաղ օվկիանոսի ափերի մոտ։ Նավին ոչինչ չի սպառնում։ Ռազմական գործողությունները տեղի են ունենում այդտեղից հազարավոր կիլոմետրեր հեռու։ Նավաստիները տանջվում են շոգից, ձանձրույթից և կապիտան Մորտոնի բծախնդիր վերաբերմունքից և մեծամիտ պահվածքից։ Անձնակազմը բարոյապես ընկճված է։ Նավում գտնվողներից միակ գործունյա մարդը լեյտենանտ Ռոբերտսն է, որը պատասխանատվություն է կրում բեռների համար։ Նավաստիները հարգանքով են վերաբերում Ռոբերտսին, քանի որ միայն նա կարող է իրենց պաշտպանել նավապետի քմահաճություններից։ Սակայն Ռոբերտսը բոլորովին այլ կյանքի մասին է երազում։ Գիտակցելով, որ պատերազմը շուտով ավարտվելու է, Ռոբերտսը ցանկանում է ռազմադաշտում որևէ օգտակար գործ անել և դիմում է նավապետին՝ ռազմանավ տեղափոխվելու խնդրանքով։ Իսկ Մորտոնն իր ենթակային ամեն անգամ մերժում է։
Ֆիլմի ստեղծում խմբագրել
Ֆիլմի ստեղծման համար ռեժիսոր Ջոն Ֆորդի ընտրությունն արդարացված էր, քանի որ նրան հոգեհարազատ էր ռազմածովային թեման։ Պատերազմի ժամանակ նա ծառայել է ռազմածովային ուժերում և զորացրվել է որպես փոխադմիրալ։ Ֆորդը ցանկացել էր որպես դերակատար հրավիրել Ջեյմս Ֆոնդային, ով արդեն ութ տարի չէր նկարվել որևէ ֆիլմում։ Սակայն ռեժիսորի խստակյացության և ալկոհոլի նկատմամբ ունեցած հակման պատճառով Ֆորդը և Ֆոնդան ընդհարվել են։ Այս դիպվածի և հիվանդության պատճառով Ֆորդը չի կարողացել շարունակել ֆիլմի աշխատանքները, և նրան փոխարինել է Մերվին Լերոյը։ Նա նկարահանող խմբին խնդրել է ստեղծել այնպիսի ֆիլմ, ինչպիսին որ կստեղծեր Ֆորդը։ Պետք է հավելել, որ ֆիլմի որոշ էպիզոդներ նկարահանվել են ֆիլմի բեմական տարբերակի հեղինակ Ջոշուա Լոգանի կողմից։
Դերակատարներ խմբագրել
- Հենրի Ֆոնդա — լեյտենանտ Դագ Ռոբերտս
- Ջեյմս Կեգնի — կապիտան Մորտոն
- Վիլյամ Փաուելլ — Դոկ
- Ջեք Լեմոն[10] — էնսին Ֆրենկ Պուլվեր
- Բեթսի Փալմեր — լեյտենանտ Էնն Ժիրար
- Ուորդ Բոնդ — ավագ Դաուդի
- Ֆիլիպ Քերի — Մէննիոն
- Նիք Ադամս — Ռեբեր
- Գարի Քերի կրտսեր — Ստեֆանովսկի
- Թայգ Էնդրյուս — Ուայլի
- Ջեյմս Ֆլավին — ռազմական ոստիկան
Պարգևներ խմբագրել
- 1955 — ընդգրկվել է լավագույն ֆիլմերի տասնյակում՝ ըստ ԱՄՆ կինոքննադատների ազգային խորհրդի վարկանիշի
- 1956 — «Օսկար» կինոմրցանակ[11] երկրորդ պլանում տղամարդու լավագույն դերի համար (Ջեք Լեմոն), ինչպես նաև՝ լավագույն ֆիլմ (Լիլանդ Խեյվորդ) և լավագույն ձայնագրություն (Վիլյամ Մյուլլեր) անավանակարգերում։
- 1956 — առաջադրվել է BAFTA -ի մրցանակաբաշխության՝ «լավագույն արտասահմանյան դերակատար» (Ջեք Լեմոն) անվանակարգում
- 1956 — առաջադրվել է ԱՄՆ սցենարիստների միության մրցանակաբաշխության՝ գեղարվեստական ֆիլմի լավագույն ռեժիսուրա (Ջոն Ֆորդ, Մերվին Լերոյ) անվանակարգում
- 1956 — ԱՄՆ սցենարիստների միության մրցանակ՝ որպես ամերիկյան լավագույն կատակերգություն (Ֆրենկ Նյուջենթ, Ջոշուա Լոգան)
Ծանոթագրություններ խմբագրել
- ↑ 1,0 1,1 1,2 1,3 Internet Movie Database — 1990.
- ↑ 2,00 2,01 2,02 2,03 2,04 2,05 2,06 2,07 2,08 2,09 2,10 2,11 2,12 2,13 2,14 2,15 2,16 http://www.cinematografo.it/cinedatabase/film/mister-roberts/8441/
- ↑ 3,00 3,01 3,02 3,03 3,04 3,05 3,06 3,07 3,08 3,09 3,10 3,11 3,12 http://www.ofdb.de/film/10973,Keine-Zeit-f%C3%BCr-Heldentum
- ↑ 4,0 4,1 http://www.imdb.com/title/tt0048380/
- ↑ 5,0 5,1 5,2 5,3 http://www.allocine.fr/film/fichefilm_gen_cfilm=50850.html
- ↑ 6,00 6,01 6,02 6,03 6,04 6,05 6,06 6,07 6,08 6,09 6,10 6,11 6,12 6,13 http://www.imdb.com/title/tt0048380/fullcredits
- ↑ 7,0 7,1 ČSFD (չեխերեն) — 2001.
- ↑ The Numbers — 1997.
- ↑ https://variety.com/1954/film/reviews/mister-roberts-1200417871/
- ↑ «The 28th Academy Awards (1956) Nominees and Winners». oscars.org. Վերցված է 2011 թ․ օգոստոսի 21-ին.
- ↑ https://www.oscars.org/oscars/ceremonies/1956
Արտաքին հղումներ խմբագրել
- «Միստեր Ռոբերտս»(անգլ.) ֆիլմը Internet Movie Database կայքում
- «Միստեր Ռոբերտս»(անգլ.) ֆիլմը Allmovie կայքում:
 | Վիքիպահեստն ունի նյութեր, որոնք վերաբերում են «Միստր Ռոբերտս (ֆիլմ)» հոդվածին։ |