Վիքիպեդիա

Միռլինդ Դակու

Միռլինդ Դակու (անգլ.՝ Mirlind Daku,հունվարի 1, 1998(1998-01-01)[1], Գնիլանե, Կոսովո և Մեթոխիա, Սերբիայի Հանրապետություն, Հարավսլավիայի Դաշնային Հանրապետություն), կոսովարցի և ալբանացի ֆուտբոլիստ, ռուսական «Ռուբին» ակումբի և Ալբանիայի հավաքականի հարձակվող։ 2024 թվականի Եվրոպայի առաջնության մասնակից։

Միռլինդ Դակու
Քաղաքացիությունը  Կոսովո և  Ալբանիա
Ծննդյան ամսաթիվ հունվարի 1, 1998(1998-01-01)[1] (26 տարեկան)
Ծննդավայր Գնիլանե, Կոսովո և Մեթոխիա, Սերբիայի Հանրապետություն, Հարավսլավիայի Դաշնային Հանրապետություն
Դիրք հարձակվող

Կարիերա

խմբագրել

Ակումբային կարիերա

խմբագրել

Կարիերան սկսել է «Հայվալիա» ակումբում։ 2017 թվականին տեղափոխվել է «Լապի» և առաջին իսկ մրցաշրջանում Կոսովոյի առաջնությունում խփել է 17 գոլ՝ դառնալով մրցաշարի լավագույն ռմբարկու: Եվս երեք գնդակով հարձակվողը աչքի է ընկել երկրի գավաթում։ Իր արդյունավետությամբ գրավել է «Օսիեկայի» ուշադրությունը, իսկ 2018 թվականին համալրել է խորվաթական թիմի շարքերը։ Տրանսֆերի արժեքը կազմել է մոտ 60 հազար եվրո։  Հարձակվողը մեկնարկային մրցաշրջանն անցկացրել է ֆարմ-ակումբում, իսկ ավելի ուշ վարձավճարով հանդես է եկել «Կուկեսիում», որտեղ բարձր մրցակցության պատճառով անկանոն է խաղադաշտ դուրս եկել և 12 խաղում խփել ընդամենը 1 գոլ: Այնուհետև վարձավճարով մեկնել է Կոսովոյի «Բալկանի»։ Այստեղ 35 խաղում խփել է 31 գնդակ։ Վարձակալության ավարտից հետո վերադարձել է «Օսիեկ» և 2021/22 մրցաշրջանի առաջին կեսում մասնակցել է 15 հանդիպման՝ դառնալով 4 գոլի հեղինակ: 2022 թվականի փետրվարին հարձակվողը հերթական վարձակալության էր տրվել, այս անգամ՝ սլովենական «Մուրային»: Ամռանը պայմանագիրը երկարաձգվել է ևս մեկ մրցաշրջանով։ Սլովենական թիմում դարձել է հիմնական կազմի խաղացող և ընդհանուր առմամբ 23 անգամ աչքի է ընկել առաջնության, գավաթի և կոնֆերենցիաների լիգայի հանդիպումներում[2]։

2023 թվականի հուլիսին տեղափոխվել է ռուսական «Ռուբին»՝ կնքելով եռամյա պայմանագիր։ Տրանսֆերի արժեքը կազմել է 1,5 միլիոն եվրո[2]։ Հուլիսի 22-ին Ռուսաստանի առաջնության առաջին տուրում Մոսկվայի «Լոկոմոտիվի» դեմ խաղում (2:2) արդեն երրորդ րոպեին բացել է հաշիվը, իսկ երկրորդ խաղակեսում գոլային փոխանցում է կատարել Ջոել Ֆամեյեին, ճանաչվել է նրա լավագույն խաղացող[3]։ Առաջնության աշնանային հատվածում խփել է ևս 3 գոլ: Ձմեռային դադարից հետո հարձակվողի արդյունավետությունն աճել է, դարձել է 7 գոլի հեղինակ: «Զենիթի» դեմ արտագնա խաղում աչքի է ընկել խփած գնդակով և արդյունավետ փոխանցումով, իսկ «Ռուբինը» հաղթել է 2:0 հաշվով: 2024 թվականի մայիսի 6-ին ԲԿՄԱ-ի դեմ խաղում 92-րդ րոպեին հավասարեցրել է հաշիվը՝ դրանով իր թիմին բերելով ոչ-ոքի և ճանաչվել է հանդիպման լավագույն խաղացող[4]։ Հարձակվողի խաղերը բարձր են գնահատել փորձագետները, ընդ որում՝ նշվել է ինչպես ըմբշամարտ վարելու նրա կարողությունը, այնպես էլ լավ տեխնիկան և դրիբլինգը[5]։ Օլեգ Իվանովը նրան անվանել է Ռուսաստանի առաջնության գլխավոր բացումը[6]։ Ընդհանուր առմամբ, առաջին մրցաշրջանում «Ռուբինի» կազմում անցկացրել է 28 հանդիպում, խփել 10 գոլ և կատարել 4 գոլային փոխանցում[7]։

Կարիերա հավաքականում

խմբագրել

2017-2020 թվականներին Կոսովոյի երիտասարդական հավաքականի կազմում անցկացրել է 12 հանդիպում: 2020 թվականի նոյեմբերի 11-ին նորամուտն է նշել երկրի հիմնական հավաքականում՝ Ալբանիայի դեմ խաղի վերջնամասում փոխարինման դուրս գալով[8]։

2023 թվականի հունիսին, որն այդ ժամանակ Կոսովոյի հավաքականում հանդես էր գալիս միայն ընկերական խաղերում, Ալբանիայի քաղաքացիություն է ստացել, ինչը նրան իրավունք է տվել հավակնել երկրի հավաքականում տեղի[9]։

2023 թվականի աշնանը որոշում է կայացրել հանդես գալ ալբանացիների կազմում՝ ընդունելով գլխավոր մարզիչ Սիլվինյոյի Եվրո-2024-ի ընտրական հանդիպումների մարտահրավերը։ 2023 թվականի սեպտեմբերի 7-ին Չեխիայի դեմ խաղում նորամուտն է նշել ազգային հավաքականում, իսկ սեպտեմբերի 10-ին առաջին գոլն է խփել ազգային թիմի կազմում՝ կարևոր խաղում գրավելով Լեհաստանի հավաքականի դարպասը Եվրոպայի առաջնություն դուրս գալու համատեքստում[10]։ Ալբանիան վաստակել է Գերմանիայում հանդես գալու իրավունքը։ Դակուն հրավիրվել է մասնակցելու մրցաշարին: Իտալիայի դեմ առաջին խաղում մնացել է պահեստայինների նստարանին, իսկ Խորվաթիայի դեմ երկրորդ տուրի խաղում դուրս է եկել հանդիպման վերջնամասում՝ 1:2 հաշվի ժամանակ՝ հօգուտ մրցակիցների գրոհն ուժեղացնելու համար: Ալբանացիները կարողացել են հավասարեցնել հաշիվը ավելացված ժամանակում[11]։ Հանդիպման ավարտից հետո, գտնվելով Ալբանիայի երկրպագուների տրիբունայի մոտ, մեգաֆոնով վիրավորական վանկարկումներ է հնչեցրել մակեդոնացիների հասցեին[12]։ Ավելի ուշ ներողություն է խնդրել իր պահվածքի համար[13], այնուամենայնիվ, ՈՒԵՖԱ-ն որակազրկել է երկու խաղով[14]։

Հանդիպումներ հավաքականներում

խմբագրել

Ընդհանուր՝ 5 խաղ/0 գոլ, 3 հաղթանակ, 2 պարտություն:

Ընդհանուր՝ 6 խաղ/1 գոլ, 2 հաղթանակ, 4 ոչ-ոքի:

Ծանոթագրություններ

խմբագրել
  1. ↑ 1,0 1,1 Transfermarkt.com(բազմ․) — 2000.
  2. ↑ 2,0 2,1 «Daku transferohet në Rusi, shuma që fiton Llapi dhe Osijeku nga transferimi i tij» (ալբաներեն). Gazeta Olle. 2023-07-10. Արխիվացված է օրիգինալից 2023-07-22-ին. Վերցված է 2023-07-22-ին. {{cite web}}: Unknown parameter |deadlink= ignored (|url-status= suggested) (օգնություն)
  3. ↑ «Мирлинд Даку: «Локомотив свои голы забил, по сути, из ничего. Удача была на их стороне»» (ռուսերեն). Бизнесс Online. 2023-07-22. Արխիվացված է օրիգինալից 2023-07-22-ին. Վերցված է 2023-07-22-ին. {{cite web}}: Unknown parameter |deadlink= ignored (|url-status= suggested) (օգնություն)
  4. ↑ «Мирлинд Даку признан лучшим игроком матча ЦСКА - "Рубин"». Футбол на Куличках. 2024-05-06. Վերցված է 2024-06-28-ին.
  5. ↑ Георгий Илющенко (2024-05-04). «10 героев РПЛ, которых летом должны забрать топ-клубы». Чемпионат.com. Վերցված է 2024-06-28-ին.
  6. ↑ «Олег Иванов: «Даку — открытие сезона»». Спорт-Экспресс. 2024-06-07. Վերցված է 2024-06-28-ին.
  7. ↑ «Сезон Мир РПЛ для участников Евро: бомбардир Даку, капитан Дркушич, две позиции Митая». Российская Премьер-лига. 2024-06-15. Վերցված է 2024-06-28-ին.
  8. ↑ «Mirlind Daku realizon ëndrrën, debuton me Kosovën kundër Shqipërisë» [Mirlind Daku realizes the dream, debuts with Kosovo against Albania]. Zeri.info (ալբաներեն). Արխիվացված է օրիգինալից 2021-10-07-ին. Վերցված է 2023-07-22-ին.
  9. ↑ «FOTO/ Një alternativë më shumë për Sylvinhon, lojtari dardan merr pasaportën shqiptare» [Another alternative for Sylvinho, the dardanian player obtains the Albanian passport] (ալբաներեն). SuperSport Albania. 2023-06-25. Արխիվացված է օրիգինալից 2023-07-05-ին. Վերցված է 2023-06-25-ին. {{cite web}}: Unknown parameter |deadlink= ignored (|url-status= suggested) (օգնություն)
  10. ↑ Антон Самойлычев (2023-18-11). «Герой для Албании и злодей для Сербии. Поедет ли Даку на Евро?». Бизнес Онлайн. Վերցված է 2024-06-28-ին.
  11. ↑ «Тренер сборной Албании объяснил выход форварда «Рубина» Даку на замену в матче с Хорватией». Чемпионат.com. 2024-06-19. Վերցված է 2024-06-28-ին.
  12. ↑ Slater, Matt (2024-06-20). «UEFA launches investigation into Albania and Croatia fan chants after Serbia threat to quit Euro 2024». The New York Times.
  13. ↑ «Albania's Daku apologises for fascist chants». BBC Sport. 2024-06-21.
  14. ↑ «Daku given two-game ban after offensive chants». BBC Sport. 2024-06-23.
 Վիքիպահեստն ունի նյութեր, որոնք վերաբերում են «Միռլինդ Դակու» հոդվածին։
Ստացված է «https://hy.wikipedia.org/w/index.php?title=Միռլինդ_Դակու&oldid=10150243» էջից