Միխայիլ Սոկոլով
Միխայիլ Դմիտրիևիչ Սոկոլով (ռուս.՝ Михаил Дмитриевич Соколов, հունվարի 11 (24), 1904, Կրասնի Սուլին, Չերկասկի շրջան, Դոնի զորքի մարզ, Ռուսական կայսրություն - հունվար 1992, Դոնի Ռոստով, Ռուսաստան), ռուս խորհրդային գրող և ճարտարագետ։ Երկրորդ աստիճանի Ստալինյան մրցանակի դափնեկիր (1951)։ ԽՄԿԿ անդամ 1921 թվականից։
Միխայիլ Սոկոլով | |
---|---|
Ծնվել է | հունվարի 11 (24), 1904 |
Ծննդավայր | Կրասնի Սուլին, Չերկասկի շրջան, Դոնի զորքի մարզ, Ռուսական կայսրություն |
Վախճանվել է | հունվար 1992 |
Վախճանի վայր | Դոնի Ռոստով, Ռուսաստան |
Մասնագիտություն | գրող և արձակագիր |
Լեզու | ռուսերեն |
Քաղաքացիություն | ԽՍՀՄ |
Ժանրեր | վեպ և վիպակ |
Անդամակցություն | ԽՍՀՄ Գրողների միություն |
Կուսակցություն | ԽՄԿԿ |
Պարգևներ |
Կենսագրություն խմբագրել
Մ. Դ. Սոկոլովը ծնվել է 1904 թվականի հունվարի 11-ին Սուլին քաղաքում (այժմ՝ Ռոստովի մարզի Կրասնի Սուլին քաղաք), բանվորի ընտանիքում։ Մինչև 1920 թվականը սովորել է Կրասնի Սուլինի թիվ 1 դպրոցում (այժմ՝ թիվ 1 գիմնազիա)։ 1920-1921 թվականներին աշխատել է որպես ընդօրինակող, գործավար, գրասենյակային ծառայող։ 1922 թվականին ավարտել է Յ. Մ. Սվերդլովի անվան կոմբուհը։ 1922-1928 թվականներին վարել է ղեկավար կուսակցական, խորհրդային և տնտեսական պաշտոններ[1][2]։
1928-1931 թվականներին սովորել է Ռոստովի ճարտարագիտատնտեսագիտական ինստիտուտում։ 1931-1943 թվականներին ղեկավար պաշտոններ է վարել գործարաններում։ 1943-1945 թվականներին աշխատել է Ռոստիզդատի գլխավոր խմբագիր։ 1945-1946 թվականներին դարձյալ զբաղեցրել է ինժեներատնտեսական պաշտոններ։ 1957-1975 թվականներին՝ «Դոն» ամսագրի գլխավոր խմբագիր։ 1950 թվականից՝ ԽՍՀՄ գրողների միության Ռոստովի մասնաճյուղի պատասխանատու քարտուղար[1]։
1992 թվականի հունվարին գրող Միխայիլ Դմիտրիևիչ Սոկոլովը հեռացել է կյանքից[1][2]։
Պարգևներ խմբագրել
- Լենինի շքանշան (23.01.1984)
- Հոկտեմբերյան հեղափոխության շքանշան (23.01.1974)
- Աշխատանքային կարմիր դրոշի շքանշան (05.02.1964)
- «Պատվո նշան» շքանշան
- «Աշխատանքային արիության համար» մեդալ
- այլ մեդալներ
- երկրորդ աստիճանի Ստալինյան մրցանակ (1951)՝ «Կայծեր» վեպի համար (մասեր 1-2)
Հիշատակ խմբագրել
1996 թվականի մայիսին Վերբենսկի ավանում գտնվող թիվ 4 գրադարանային մասնաճյուղին, Կրասնի Սուլին քաղաքի վարչակազմի որոշմամբ, շնորհվել է Միխայիլ Դմիտրիևիչ Սոկոլովի անունը, թիվ 1 միջնակարգ դպրոցի (այժմ՝ թիվ 1 գիմնազիա) շենքի պատին, որտեղ սովորել է գրողը, 1997 թվականին նրա պատվին փակցվել է հուշատախտակ, որը տասնամյակներ անց կորսվել է, իսկ 2017 թվականի դեկտեմբերին վերականգնվել է և նույն թվականի դեկտեմբերի 22-ին փակցվել թիվ 1 գիմնազիայի շենքի ճակատին։
Ստեղծագործություն խմբագրել
Գրական գործունեությամբ զբաղվել է 1935 թվականից։ Այդ ժամանակահատվածում հրատարակել է «Տափաստան», «Գարուն» վիպակները, «Կուսկազմակերպիչ Վորոժբիտովը», «Ռուս կին», «Ինժեներ Կոզլով» ակնարկները[2]։
1949 թվականին «Խորհրդային գրող» և «Ռոստիզդատ» հրատարակչությունները հրատարակել են նրա «Կայծեր» վեպի 1-ին և 2-րդ գրքերը (3-4-րդ գրքերը լույս են տեսել 1967-1968 թվականներին)։ Վեպը պատմում է Ռուսաստանի հարավում հեղափոխական շարժման մասին։ Ավելի ուշ Մ. Դ. Սոկոլովը գրել է «Դաժան ամառ» վեպը 1914 թվականի իրադարձությունների մասին[2]։
Գրականություն խմբագրել
- Писатели Советского Дона: Био-библиогр. справочник. Вып. 1 и 2 / [Сост.: Д. И. Руманова, Д. К. Жак и др.]. — Ростов н/Д: Тип. изд-ва «Молот», 1948. — С. 80. — 112 с. — (Рост. гос. науч. б-ка им. К. Маркса). — 2500 экз.
- Руманова Д. И. Писатели Советского Дона: Био-библиогр. справочник / [Под ред. Л. П. Громова]. — Ростов н/Д, 1958. — С. 103—113. — 160 с. — (Рост. гос. науч. б-ка им. К. Маркса).
- Писатели Дона: Биобиблиогр. сб / [Сост. Г. Г. Тягленко]. — Ростов н/Д: Кн. изд-во, 1976. — 288 с. — 10 000 экз.
- Писатели Дона: Биобиблиогр. указ / [О. И. Кузина и др.]. — изд. 2-е, испр. и доп. — Ростов н/Д: Кн. изд-во, 1986. — 416 с. — 20 000 экз.