Միխայիլ Անտոնևիչ

Միխայիլ Մոիսեևիչ Անտոնևիչ (ռուս.՝ Михаил Моисеевич Антоневич, 5 (18) նոյեմբերի, 1912, Գոնչարովկա, Սեննոյի գավառ, Մոգիլյովի նահանգ, Ռուսական կայսրություն – 6 հուլիսի, 2003, Մոսկվա, Ռուսաստան), խորհրդային ֆուտբոլիստ (պաշտպան) և ֆուտբոլային մարզիչ։ ԽՍՀՄ սպորտի վաստակավոր վարպետ (1950), ՌԽՖՀՍ վաստակավոր մարզիչ։ Նկարահանվել է «Մարզական պատիվ» (ռուս.՝ «Спортивная честь») ֆիլմում։

Միխայիլ Անտոնևիչ ռուս.՝ Михаил Антоневич
Անձնական տվյալներ
Ազգությունը	ռուս
Քաղաքացիությունը	ԽՍՀՄ
Ծննդյան ամսաթիվ	նոյեմբերի 5 (18), 1912
Ծննդավայր	Մոգիլյովյան նահանգ, Ռուսական կայսրություն
Մահվան ամսաթիվ	հուլիսի 6, 2003(2003-07-06) (90 տարեկան)
Մահվան վայր	Մոսկվա, Ռուսաստան
Հասակ	172 սմ
Քաշ	73 կգ
Դիրք	պաշտպան
Պատանեկան կարիերա
Заря Коммуны
Մասնագիտական կարիերա*
Տարի	Ակումբ	Խաղ	(Գոլ)
1934 Միտիշչիի գործարան ? (?) 1935-1936 ГЦОЛИФК (Մոսկվա) ? (?) 1936 Սպարտակ (Մոսկվա) 0 (0) 1937-1939 Ստալինեց (Մոսկվա) 32 (2) 1940 Դինամո (Մոսկվա) 0 (0) 1941 Դինամո (Մինսկ) 3 (0) 1944-1946 Դինամո (Մինսկ) 39 (0) 1947-1951 Լոկոմոտիվ (Մոսկվա) 114 (1)
Մարզչական կարիերա
1952-1954 Լոկոմոտիվ (Մոսկվա) օգնական 1957-1959 Նեֆտյանիկ/Տերեկ 1960 Աշխատանքային ռեզերվներ (Լուգանսկ) 1960 Սպարտակ (Ստանիսլավ) 1961-1963 Տրակտոր (Վլադիմիր) 1964 Կուբան 1964 Սպարտակ (Օրջոնիկիձե) 1965 Տրակտոր (Վլադիմիր) 1966 Պրոգրես (Կամենսկ Շախտինսկի) 1967-1970 Խիմիկ (Նովոմոսկովսկ) 1971-1973 Խիմաևեց/Սուրա 1975-1976 Սպարտակ (Տամբով)
Պարգևացանկ և
* Մասնագիտական կարիերայում ընդգրկված են միայն առաջնության խաղերը և գոլերը:

Կարիերա

Խաղացողի

Միխայիլ Անտոնևիչը Մոսկվայի մարզի «Заря Коммуны» ակումբի սան է։ 1934 թվականին խաղացել է Միտիշչինի գործարանի թիմի կազմում։ 1936 թվականին մի որոշ ժամանակ գտնվել է Մոսկվայի «Սպարտակ» ակումբի կազմում, սակայն ոչ մի անգամ խաղադաշտ դուրս չի եկել։

Այնուհետև խաղացել է Մոսկվայի «Ստալինեց» ակումբում 1937 թվականից մինչև 1939 թվականը. ակումբի կազմում անցկացրել է 32 խաղ և խփել 2 գոլ։ 1940 թվականին համալրել է Մոսկվայի «Դինամո» ակումբի շարքերը, սակայն ոչ մի անգամ չի խաղացել նրա կազմում։

1941 թվականին Միխայիլ Անտոնևիչը տեղափոխվել է Մինսկի «Դինամո» ակումբ, որի կազմում անցկացրել է 3 խաղ, սակայն պատերազմի պատերազմի պատճառով ստիպված է եղել դադարեցնել իր ելույթները։ 1944 թվականից շարունակել է կարիերան և 1946 թվականը խաղացել Մինսկի ակումբի կազմում՝ այդ ընթացքում անցկացնելով 39 հանդիպում։

1945 թվականից մինչև 1946 թվականը մասնակցել է Մոսկվայի «Տորպեդո» և Ստալինգրադի «Տրակտոր» ակումբների կազմում որպես հրավիրված խաղացող մասնակցել է բուլղարական ակումբների դեմ ընկերական խաղերին։

Միխայիլ Անտոնևիչը 1947 թվականից մինչև 1951 թվականը խաղացել է Մոսկվայի «Լոկոմոտիվ» ակումբում, եղել է թիմի ավագը. մոսկովյան ակումբի կազմում Անտոնևիչն առաջնությունում անցկացրել է 114 խաղ, որոնց ընթացքում խփել է մեկ գոլ, իսկ ԽՍՀՄ գավաթի խաղարկությունում՝ 6 խաղ։

Ընդհանուր առմամբ ԽՍՀՄ առաջնություններում Միխայիլ Անտոնևիչն անցկացրել է 141 խաղ և խփել 2 գոլ։

Եղել է տակտիկապես գրագետ խաղացող, լավ է գործել անհատական պաշտպանությունում։

Մարզչական

Խաղացողի կարիերան ավարտելուց հետո՝ 1952 թվականից մինչև 1954 թվականը, աշխատել է «Լոկոմոտիվի» մարզչական շտաբում։

1957-1959 թվականներին գլխավորել է Գրոզնիի «Նեֆտյանիկ» (հետագայում «Տերեկ») ակումբը։ 1960 թվականի սկզբում նշանակվել է Լուգանսկի «Աշխատանքային ռեզերվներ» (ռուս.՝ «Трудовые резервы») ակումբի գլխավոր մարզիչ, սակայն նույն թվականի ամռանը տեղափոխվել է Ստանիսլավի «Սպարտակ»։

1961 թվականից մինչև 1963 թվականը գլխավորել է Վլադիմիրի «Տրակտոր» ակումբը։ 1964 թվականին գլխավորել է «Կուբան» ակումբը, սակայն նույն թվականի մայիսին գլխավորել է Օրջոնիկիձեի «Սպարտակ» ակումբը։ 1965 թվականին վերադարձել է «Տրակտոր» ակումբ։

1966 թվականին Միխայիլ Անտոնևիչը գլխավորել է «Պրոգրես» ակումբը (Կամենսկ Շախտինսկի), իսկ 1967-1970 թվականներին՝ Նովոմոսկովսկի «Խիմիկ» ակումբը։ 1971-1973 թվականներին գլխավորել է Պենզայի «Խիմաշևեց» (հետագայում՝ «Սուրա»), իսկ 1975-1976 թվականներին՝ Տամբովի «Սպարտակը»։

Արտաքին հղումներ

• Միխայիլ Անտոնևիչի էջը football.lg.ua կայքում