Մեսրոպ Աշճյան (հունվարի 3, 1941(1941-01-03), Բեյրութ, Լիբանան - դեկտեմբերի 2, 2003(2003-12-02), Նյու Յորք, Նյու Յորք, ԱՄՆ), եկեղեցահասարակական գործիչ, արքեպիսկոպոս։ ՀՀ ԳԱԱ պատվավոր դոկտոր (2001 թ.)։

Մեսրոպ Աշճյան
Դիմանկար
Ծնվել էհունվարի 3, 1941(1941-01-03)
ԾննդավայրԲեյրութ, Լիբանան
Մահացել էդեկտեմբերի 2, 2003(2003-12-02) (62 տարեկան)
Մահվան վայրՆյու Յորք, Նյու Յորք, ԱՄՆ
ՔաղաքացիությունFlag of Lebanon.svg Լիբանան
Ազգությունհայ
ԿրոնՔրիստոնեություն
Մասնագիտությունեկեղեցահասարակական գործիչ, արքեպիսկոպոս

ԿենսագրությունԽմբագրել

Մեսրոպ Աշճյանը ծնվել է Բեյրութում։ Ավարտել է Մեծի Տանն Կիլիկիո կաթողիկոսության Դպրեվանքը (1961 թ., Անթիլիաս1962 թվականին ուսանել է Շվեյցարիայում, 1970 թվականին՝ ԱՄՆՆյու Ջերսիի Բրինսթոնի աստվածաբանական համալսարանում։ 1963 թվականին ձեռնադրվել է վարդապետ, 1977 թվականին՝ եպիսկոպոս։ 1964-1970 թվականներին դասավանդել է Անթիլիասում ու Հալեպում, եղել Դպրեվանքի տեսուչ և Բեյրութի ազգային Մարտիկյան վարժարանի տնօրեն, 1977 թվականին՝ Կիլիկիոյ կաթողիկոսության Սպահանի (Նոր Ջուղա), 1978-1998 թվականներին՝ Հյուսիսային Ամերիկայի Արևելյան նահանգների և Կանադայի թեմերի առաջնորդ, 1978 թվականից լույս է ընծայել «Աութրիչ» (անգլերեն) ամսաթերթը։ 1993 թվականին Աշճյանի ջանքերով ստեղծվել է առաջնորդարանի հիմնադրամը։ 1992 թվականից՝ «Մեծն Ներսես» բարեգործական և «Արամ Մանուկյան» մշակութային ու հասարակական կազմակերպությունների նախագահ։ 1990 թվականին Լորենց Առուշանյանի հետ ստեղծել է «Վարարակն» հիմնադրամը և Արցախ առաքել սննդամթերք, վառելանյութ, դեղորայք, նյութական և դրամական օգնություն ցույց տվել շրջափակման մեջ գտնվող արցախցիներին, զոհված ազատամարտիկների ընտանիքներին։ 1996-2000 թվականներին Սուրբ Էջմիածնում վարել է Հայաստանում քրիստոնեությունը պետական կրոն հռչակման 1700-ամյակի գրասենյակի տնօրենի պաշտոնը։ 2001 թվականից՝ «Մուղնի» հրատարակչության հիմնադիր-տնօրեն։ 1984 թվականին ստացել է Կարինթիայի ասպետական ընկերության հոգևոր խորհրդատուի Գևուզի մեծ շղթան[1]։

ԵրկերԽմբագրել

Մեսրոպ Աշճյանը հեղինակ է հայերեն և անգլերեն լեզուներով աստվածաբանական, հայագիտական, բարոյագիտական գրական և հրապարակախոսական ուսումնասիրությունների։

  • Կեանքի եւ հաւատքի էջեր, Նիւ Եորք, 1993 թ.
  • Հանդիպումներ, Նիւ Եորք, 1993 թ.
  • Էջեր հայ եկեղեցւոյ պատմութենէն, 2 հրտ., Ե., 1994 թ.
  • Լուսաւորչի լոյս նշխարները, Էջմիածին, 2000 թ.
  • Պահն ու յաւերժութիւնը, Երեւան, 2002 թ.
  • Արագահաս Սուրբ Սարգիս, Երեւան, 2002 թ.
  • Armenian Church Patristic and other Essays, N. Y., 1994 թ.
  • The Catholicoi of Etchmiadzin, N. Y., 1995 թ.

ԾանոթագրություններԽմբագրել

  1. Ով ով է. Հայեր. Կենսագրական հանրագիտարան, հատոր առաջին, Երևան, 2005 
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։