Մարտիրոս Հախնազարյան
Մարտիրոս Հախնազարյան, (1859, Ներքին Ագուլիս, Օրդուբադի գավառ, Երևանի նահանգ, Կովկասի փոխարքայություն, Ռուսական կայսրություն - դեկտեմբերի 24, 1919, Ներքին Ագուլիս), հասարակական գործիչ, մանկավարժ[1]։
| Մարտիրոս Հախնազարյան | |
|---|---|
| Ծնվել է | 1859 |
| Ծննդավայր | Ներքին Ագուլիս, Օրդուբադի գավառ, Երևանի նահանգ, Կովկասի փոխարքայություն, Ռուսական կայսրություն |
| Մահացել է | դեկտեմբերի 24, 1919 |
| Մահվան վայր | Ներքին Ագուլիս |
| Քաղաքացիություն |  Ռուսական կայսրություն |
| Կրթություն | Գևորգյան Հոգևոր Ճեմարան (1885) |
| Մասնագիտություն | հասարակական գործիչ և մանկավարժ |
| Երեխաներ | Հովհաննես Հախնազարյան |
Կենսագրական սկզբնական տվյալներ խմբագրել
Մարտիրոս Հախնազարյանը ծնվել է Ռուսական կայսրության կազմում գտնվող Երևանի նահանգի Ագուլիս քաղաքում[1]։
Կրթություն խմբագրել
1885 թվականին Մարտիրոս Հախնազարյանն ավարտել է Մայր Աթոռ Սուրբ Էջմիածնի Գևորգյան հոգևոր ճեմարանը, որտեղ սովորել է Մանուկ Աբեղյանի հետ միասին։ Համալսարանական կրթությունը ստացել է Գերմանիայում[1]։
Գործունեություն խմբագրել
Հասարակական, աշխատանքային գործունեություն Է իրականացրել Ագուլիսում, Էջմիածնում։ Եղել է Ագուլիսի դպրոցի ուսուցիչ, հոգաբարձու, Քաղաքիկ և Տանակերտ զյուղերի դպրոցների ուսուցիչ ու տեսուչ, Գևորգյան հոգևոր ճեմարանի ուսուցիչ, ավագ վերակացու[1]։
1889-1890 թվականներին Հրաչյա Աճառյանին օգնել է Ագուլիսի բարբառի ուսումնասիրման և Ագուլիսի բարբառի բառարան կազմելու աշխատանքներին[1]։
Մահ խմբագրել
Մարտիրոս Հախնազարյանը զոհվել է 1919 թվականի դեկտեմբերի 24-ին՝ թուրքերի կողմից Ագուլիսի կոտորածի ժամանակ[1]։
Ընտանիք խմբագրել
Մ․ Հախնազարյանը Հովհաննես Հախնազարյանի հայրն է[1]։