Մարտիրոս Ալթունյան

Մարտիրոս Ալթունյան; արմտ. հայ.՝ Մարտիրոս Ալթունեան
Ծնվել է	սեպտեմբերի 21, 1889
Ծննդավայր	Բուրսա, Հյուդավենդիգար, Օսմանյան կայսրություն
Մահացել է	դեկտեմբերի 20, 1958 (69 տարեկան)
Վախճանի վայր	Բեյրութ, Լիբանան
Ազգություն	հայ
Կրթություն	Էկոլ դը Բո Արթ (1918)
Ուշագրավ աշխատանքներ	Parliament of Lebanon?

Վիքիպեդիայում կան հոդվածներ Ալթունյան ազգանունով այլ մարդկանց մասին։

Ալթունյան Մարտիրոս Հակոբի (սեպտեմբերի 21, 1889(1889-09-21)^[1], Բուրսա, Հյուդավենդիգար, Օսմանյան կայսրություն^[2] - դեկտեմբերի 20, 1958(1958-12-20)^[2], Բեյրութ, Լիբանան^[2]), հայ ճարտարապետ։

Կենսագրություն

Ծնվել է Բուրսայում (Թուրքիա)։ Կրթությունն ստացել է Փարիզի Գեղարվեստի Ազգային բարձրագույն դպրոցում։ Զուգահեռաբար ուսանել է նկարչություն։

Աշխատանք

1919 թվականին տեղափոխվել է Բեյրութ, աշխատել որպես ճարտարապետ և նկարիչ։ Նախագծել և կառուցել է Անթիլիասի Ս․ Գրիգոր Լուսավորիչ տաճարը (1940), Երուսաղեմի Ս․ Հռիփսիմե մատուռը (1946), Բաղդադի Ս․ Գրիգոր Լուսավորիչ եկեղեցին (1957) և այլ եկեղեցիներ, հասարակական շենքեր, առանձնատներ։

Նա նկարել է Անթիլիասի սուրբ Գրիգոր Լուսավորիչ տաճարի «Տրդատի թագադրումը», Երուսաղեմի Սրբոց Հակոբեանց մայր տաճարի «Տրդատ թագավորի մկրտությունը», «Էջմիածնի տաճարի շինությունը» որմնապաստառները և այլն։ Ալթունյանի արվեստը հարազատ է հայկական ավանդույթներին։

Արդիականի ու արաբական ազգային ավանդականի շաղկապումով է նախագծել Աբու Բաքր մզկիթը Բեյրութում, պալատական համալիրը (մզկիթ, մատենադարան, հյուրապալատ և այլն) Ամմանում` Վատիկանի պատվերով, Սուրբ Պողոս կաթոլիկ, մայր տաճարը (1947-1950)` Բեյրութին մերձ հունաբնակ Հարիսա գյուղի մոտ։

Ալթունյանի գեղանկարչական գործերից են՝

Երուսաղեմի ժառանգավորաց վարժարանի դահլիճի մեծաչափ (12 մ²) կրոնապատմական թեմայով հինգ որմնանկարները
Թադեոս և Բարդուղիմեոս առաքյալների, Վարդան, Հակոբոս, Հեղինե սրբերի սրբապատկերները (1949-1950)
Նյու Յորքի համաշխարհային ցուցահանդեսի Լիբանանի տաղավարի նկարազարդումները, ծովանկարները
Անթիլիասի մայր տաճարի աղոթասրահի «Սուրբ Գրիգոր Լուսավորիչը մկրտում է Տրդատ արքային» կտավը, Ավագ խորանի «Մայր Աստվածածին» սրբանկարը (բնորդը Ալթունյանի կինն է)

Հեղինակ է նաև քանդակային գործերի (Լիբանանի ազգային զինանշան-մեդալ)։

Պարգևներ

Արժանացել է Լիբանանի նախագահի Պատվո արծաթե մեդալի։

Ցուցահանդեսներ

Ալթունյանի գործերը ցուցադրվել են Երևանում (1999)։

Ծանոթագրություններ

↑ ^1,0 ^1,1 https://zarkfoundation.com/en/library/mardiros-altounian/
↑ ^2,00 ^2,01 ^2,02 ^2,03 ^2,04 ^2,05 ^2,06 ^2,07 ^2,08 ^2,09 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 1, էջ 164)։

[_c607a47fe8c8eed7-1] 1,0 ^1,1 https://zarkfoundation.com/en/library/mardiros-altounian/

[_5e5775e65518eefb-2] 2,00 ^2,01 ^2,02 ^2,03 ^2,04 ^2,05 ^2,06 ^2,07 ^2,08 ^2,09 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.

[1]

[2]

Մարտիրոս Ալթունյան արմտ. հայ.՝ Մարտիրոս Ալթունեան

Ծնվել է	սեպտեմբերի 21, 1889(1889-09-21)^[1]
Ծննդավայր	Բուրսա, Հյուդավենդիգար, Օսմանյան կայսրություն^[2]
Մահացել է	դեկտեմբերի 20, 1958(1958-12-20)^[2] (69 տարեկան)
Վախճանի վայր	Բեյրութ, Լիբանան^[2]
Ազգություն	հայ
Կրթություն	Էկոլ դը Բո Արթ (1918)^[2]
Ուշագրավ աշխատանքներ	Parliament of Lebanon?