Մարգարիտա Միրիմանովա
Մարգարիտա Հովհաննեսի Միրիմանովա (Միրիմանյան) (դեկտեմբերի 12, 1894, Վրաստան, Թիֆլիս – օգոստոսի 20, 1985, Փարիզ), հայ դաշնակահարուհի։
Մարգարիտա Միրիմանովա | |
---|---|
Հիմնական տվյալներ | |
Ծնվել է | դեկտեմբերի 12, 1894 Թիֆլիս, Վրաստան |
Մահացել է | 1985, Փարիզ, Ֆրանսիա |
Մասնագիտություն | դաշնակահարուհի |
Կենսագրություն խմբագրել
Մարգարիտա Միրիմանովան ծնվել է 1894 թվականին Վրաստանի մայրաքաղաք Թիֆլիսում։
Դաշնամուր նվագել սովորել է հինգ տարեկանում մորից[1]։
Սկզբնական երաժշտական կրթությունը ստացել է Թիֆլիսի երաժշտական ուսումնարանում (Վրաստանի դաշնամուրային դպրոցի հիմնադիր, ազգությամբ հույն Ալոիզ Միզանդարիի դասարան[1]), ապա 1910-1912 թվականներին սովորել է Սանկտ Պետերբուրգի կոնսերվատորիայում (Աննա Եսիպովայի դասարան[1]), կատարելագործվել Վիեննայում՝ աշակերտելով Լեոպոլդ Գոդովսկու մոտ։
1910-ական թվականներին համերգներով շրջագայել է Սանկտ Պետերբուրգում, Թիֆլիսում, Բաթումում, բարեգործական համերգով՝ Երևանում։
1921 թվականից ապրել է արտերկրում (Վիեննայում, Իտալիայում, Կահիրեիում[1], 1945 թվականից՝ Փարիզում)։ Մտերիմ է եղել անվանի երաժիշտներ Մորիս Ռավելի, Մարսել Դյուպրեի և ուրիշների հետ։ Հանդես է եկել մենահամերգներով և սիմֆոնիկ նվագախմբերի հետ՝ դիրիժորներ Բերնհարդ Փաումգարտների, Ֆրանց Շալկի և ուրիշների ղեկավարությամբ։
Նվագացանկում հիմնականում ներառված էին Ֆրեդերիկ Շոպենի, Ֆրանց Շուբերտի, Ալեքսանդր Սկրյաբինի, Կոմիտասի, Արամ Խաչատրյանի երկերից։
1969 թվականին Բեռլինում Կոմիտասի ծննդյան 100-ամյակին նվիրված տոնակատարությանը կատարել է նրա «Պարերը»։ «Կոլումբիա» ֆիրման Մարգարիտայի կատարմամբ թողարկել է ձայնասկավառակ։
1930 թվականին ստացել է Բոլոնիայի ֆիլհարմոնիկ ակադեմիայի դիպլոմ։
Մարգարիտան մահացել է 1985 թվականին Փարիզում։
Ծանոթագրություններ խմբագրել
- ↑ 1,0 1,1 1,2 1,3 «Шушаник Апоян. Маргарита Ивановна Мириманова (2008) by Aram Harutyunyan - Issuu». issuu.com (անգլերեն). Վերցված է 2023 թ․ հունվարի 22-ին.
Գրականություն խմբագրել
Այս հոդվածի կամ նրա բաժնի որոշակի հատված վերցված է «Հայ երաժշտության հանրագիտարանից», որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ |