Մամիկոն Կորխմազյան
Մամիկոն Վասիլի Կորխմազյան (1898, գյուղ Վաչիանի, Ախալքալաքի գավառում (այժմ՝ Վրաստանում) - 1970, Երևան), խորհրդային իշխանության հաստատման աջակից, ԽՄԿԿ անդամ (1917)։
| Մամիկոն Կորխմազյան | |
|---|---|
| Ծնվել է | 1898[1] |
| Ծննդավայր | Վաչիան, Ախալքալաքի շրջան, Սամցխե-Ջավախեթի մարզ, Վրաստան[1] |
| Մահացել է | 1970[1] |
| Մահվան վայր | Երևան, Հայկական ԽՍՀ, ԽՍՀՄ[1] |
| Քաղաքացիություն |  Ռուսական կայսրություն և  ԽՍՀՄ |
| Մասնագիտություն | հեղափոխական |
| Կուսակցություն | ԽՄԿԿ[1] |
1918 թվականին եղել է Բաքվի կոմունայի համակիր, որի տապալումից հետո գործուղվել է Հայաստան, որտեղ ընդհատակյա բջիջներ է կազմակերպել Արտաշատում, Մասիսում և այլուր։ 1919-1920 թվականներին եղել է Երևանի բոլշևիկյան ընդհատակյա կոմիտեի անդամ։ Մասնակցել է Մայիսյան խռովությանը։ 1920 թվականի դեկտեմբերին նշանակվել է Հայաստանի երկաթուղային ճանապարհների կոմիսար։ Հայաստանի ինքնիշխանության վերականգման համար մղված Փետրվարյան ապստամբության ժամանակ (1921) կազմակերպել է Երևան կայարանի երկաթուղային շարժակազմի և նախկին «Ազատամարտ» զրահագնացքի էվակուացիան Ղամարլուի ճակատ և կռվել կարմիր պարտիզանների շարքերում։
Մինչև կենսաթոշակի անցնելը Կորխմազյանը մի շարք պաշտոններ է վարել ՀԽՍՀ արհմիութենական, սովետական մարմիններում։
Հրապարակումներ մամուլում խմբագրել
Ծանոթագրություններ խմբագրել
- ↑ 1,0 1,1 1,2 1,3 1,4 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 5, էջ 658)։ 
|