Մամիկոն Աքուլյան
Մամիկոն Աշոտի Աքուլյան (մարտի 6, 1993, Վանաձոր, Հայաստան - նոյեմբերի 7, 2020, Վարնկաթաղ, Մարտակերտի շրջան, Արցախ), հայ զինվորական, Արցախի Հանրապետության Պաշտպանության բանակի զինծառայող, Քառօրյա և 44-օրյա պատերազմների մասնակից, զինված ուժերի մայոր (2020)[1][2]։ Հետմահու պարգևատրվել է Հայաստանի Հանրապետության «Մարտական խաչ» 1-ին աստիճանի շքանշանով և Արցախի Հանրապետության «Մարտական ծառայություն» մեդալով[1]։
Մամիկոն Աքուլյան | |
---|---|
մարտի 6, 1993 - նոյեմբերի 7, 2020 (27 տարեկան) | |
Ծննդավայր | Վանաձոր, Հայաստան |
Մահվան վայր | Վարնկաթաղ, Մարտակերտի շրջան, Արցախ |
Քաղաքացիություն | ![]() |
Կոչում | ՀՀ ԶՈՒ մայոր |
Պաշտոն | մոտոհրաձգային գումարտակի շտաբի պետ[1] |
Մարտեր/ պատերազմներ | Քառօրյա պատերազմ, 44-օրյա պատերազմ |
Կրթություն | Վազգեն Սարգսյանի անվան ռազմական ակադեմիա |
Պարգևներ |
Կենսագրություն
խմբագրելՄամիկոն Աքուլյանը ծնվել է 1993 թվականի մարտի 6-ին Լոռու մարզի Վանաձոր քաղաքում[1][2]։ Նախնական կրթությունը ստացել է Վանաձորի №18 հիմնական դպրոցում[1]։ 2010 թվականին ընդունվել է Վազգեն Սարգսյանի անվան ռազմական համալսարան[1][2]։ Ուսումն ավարտելուց անմիջապես հետո անցել է աշխատանքի Արցախի Հանրապետության Թալիշի զորամասում[1]։
Մարտական ուղի
խմբագրելՔառօրյա պատերազմ
խմբագրել2016 թվականի քառօրյա պատերազմի ժամանակ եղել է Թալիշի դիրքերում[1]։ Պատերազմի ավարտից հետո ծառայությունը շարունակել է Արցախի Մարտակերտի շրջանի Մատաղիս գյուղում գտնվող զորամասում[1]։
44-օրյա պատերազմ
խմբագրել44-օրյա պատերազմն սկվելուց մեկ շաբաթ առաջ եղել է արձակուրդում[1]։ Այդ ժամանակ իրեն շնորհվում է մայորի զինվորական կոչում[1]։ Իրեն հասանելիք յոթ օրվա արձակուրդից ընդամենը երկու օր առաջ շտապ կանչել են, որ պատրաստվեն ռազմական գործողությունների[1]։ Թալիշի մարտական գործողությունների ժամանակ իրեն ենթակա մոտոհրաձգային վաշտով Պաշտպանության նախարարության հատուկ նշանակության զորքերին աջակցել է շրջափակման մեջ չհայտնվելու գործում[1]։ 44-օրյա պատերազմի օրերին Մամիկոն Աքուլյանը նշանակվել է մոտոհրաձգային գումարտակի շտաբի պետ[1]։ Նոյեմբերի 7-ին անձնակազմի հետ առաջ է գնացել «գիծ փակելու», որպեսզի հակառակորդի առաջխաղացումը կասեցվի և այդ ժամանակ էլ զոհվել է հրետակոծության հետևանքով՝ Վարնկաթաղի բարձունքում[1]։
Հուղարկավորվել է Վանաձորի զինվորական պանթեոնում[1]։
Պարգևներ
խմբագրելՀետմահու պարգևատրվել է․