Բացել գլխավոր ցանկը

Մադհյա Պրադեշ, նահանգ (1956 թվականից) Հնդկաստանի կենտրոնական մասում։ Տարածությունը 444 հազար կմ2 է, բնակչությունը 46,1 միլիոն (1975)։ Վարչական կենտրոնը՝ Բհոպալ։ Գրավում է Դեկանի սարահարթի հյուսիսային մասը, Նարմադա գետի հովիտը, Վինդհիյա լեռները, Մալվա լավային սարավանդի մեծ մասը։ Հյուսիսում մտնում է Ինդոս-Գանգեսյան հարթավայր։ Կլիման արևադարձային է, մուսսոնային։ Տարեկան տեղումները 700-1600 մմ են։ Տարածքի 1/3-ը գրավում են անտառները։ Տարածված են կարմրահողերը և սևահողերը (ռեգուրներ)։ Մադհյա Պրադեշը ագրարային նահանգ է, արագ զարգացող արդյունաբերությամբ։ Մշակում են բրինձ, կորեկ, ցորեն, բամբակ, յուղատու բույսեր։ Զարգացած է շերամապահությունը («տասսար» մետաքս)։ Խոշոր եղջերավոր անասունները օգտագործվում են հիմնականում որպես քաշող ուժ։ Մադհյա Պրադեշը Հնդկաստանում գրավում է առաջին տեղերից մեկը մանգանի և երկաթի հանքանյութի, բոքսիտների, ածխի և հրակայուն կավերի արդյունահանությամբ։ Երկրի ալմաստի արդյունահանության միակ շրջանն է։ Զարգացած է բամբակեղենի, շինանյութերի արտադրությունը, մետալուրգիան, մետաղամշակությունը և մեքենաշինությունը։ Կան խոշոր ՋԷԿ-եր, շաքարի գործարաններ, լրագրային թղթի ու արհեստական գործվածքների ֆաբրիկաներ, քիմիական գործարան։

Picto infobox map.png
Մադհյա Պրադեշ
Sanchi Stupa from Eastern gate, Madhya Pradesh.jpg
ԵրկիրՀնդկաստան Հնդկաստան
ԿարգավիճակՀնդկաստանի նահանգ
Մտնում էՀնդկաստան
ՎարչկենտրոնԲհոպալ
Ամենաբարձր կետDhupgarh?
Օրենսդրական մարմինMadhya Pradesh Legislative Assembly?
Բնակչություն72 597 565 մարդ (2011)[1]
Տարածք308 245±1 կմ²
Madhya Pradesh in India (claimed and disputed hatched).svg
Հիմնադրված էհունվարի 26, 1950 թ.
Սահմանակցում էՌաջասթան, Գուջարաթ, Մահարաշտրա, Չհատիսգարխ և Ուտար Պրադեշ
ISO 3166-2 կոդIN-MP
Կոորդինատներ: 23°15′ հս․ լ. 77°25′ ավ. ե. / 23.250° հս․. լ. 77.417° ավ. ե. / 23.250; 77.417
mp.gov.in


Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 7, էջ 127 CC-BY-SA-icon-80x15.png
  1. 1,0 1,1 http://censusindia.gov.in/2011-prov-results/data_files/mp/01Content.pdf