Արմեն Ղունյան
Արմեն Էդուարդի Ղունյան, հունիսի 3, 1972, Մեծ Թաղեր, ԼՂԻՄ, Ադրբեջանական ԽՍՀ, ԽՍՀՄ - մայիսի 10, 1992, Սառնաղբյուր, Արցախ, բժիշկ-ազատամարտիկ։ «Նիկոլ Դուման» ջոկատի անդամ[1]։
| Արմեն Ղունյան | |
|---|---|
 | |
| հունիսի 3, 1972 - մայիսի 10, 1992 (19 տարեկան) | |
| Ծննդավայր | Մեծ Թաղեր, ԼՂԻՄ, Ադրբեջանական ԽՍՀ, ԽՍՀՄ |
| Մահվան վայր | Սառնաղբյուր, Արցախ |
| Քաղաքացիություն |  ԽՍՀՄ և  Արցախ |
| Մարտեր/ պատերազմներ | Արցախյան ազատամարտ |
| Կրթություն | Երևանի Մխիթար Հերացու անվան Պետական Բժշկական Համալսարան |
| Պարգևներ |  |
Կենսագրություն խմբագրել
Արմեն Ղունյան ծնվել է 1972 թվականի հունիսի 3-ին ԼՂԻՄ Հադրութի շրջանի Մեծ Թաղլար գյուղում։1978 թվականին ընդունվել է գյուղի միջնակարգ դպրոցը։ Միջնակարգ դպրոցն ավարտելուց հետո 1989 թվականին ընդունվել է Երևանի պետական բժշկական համալսարանի բուժական ֆակուլտետը։ Երկրորդ կուրսում տարկետում է վերցնում և հատուկ առաջադրանքով մեկնում քաղաք Մոսկվա։ Այնտեղ կազմակերպում է մարդասիրական օգնություն։ 1990 թվականից մասնակցել է ՀՀ Արարատի (Երասխի), Նոյեմբերյանի և ԼՂՀ Ասկերան (Սառնաղբյուր) շրջանների ինքնապաշտպանական մարտերին։
1991 թվականին, լինելով համալսարանի երկրորդ կուրսում, անդամագրվում է «Նիկոլ Դուման» ջոկատին։
1992 թվականի ապրիլի 1-ին ջոկատը,որի ոգին էր Արմենը, հատուկ առաջադրանքով մոտեցավ Ասկերանի շրջանի Աղբուլաղ գյուղին։ Գյուղը շրջափակման մեջ էր, և Արեմնն իր երկու ընկերների հետ մարտի է բռնվում. ուժերն անհավասար էին։ Արմենը տանկի արձակած արկից խոցվեց։ Աշոտն (Արմենի ընկերը) կրակն իր վրա է վերցնում։ Նա կարողանում է թաքցնել Արմենի մարմինը, բայց մահացու վիրավորվում է։ Թշնամին խոշտանգում է նրանց մարմինները։ Իսկ երրորդ ազատամարտիկի՝ Սլավիկի ճակատագիրն առայսօր մնում է անհայտ։ Յոթ օր անց մի խումբ ազատամարտիկներ դուրս բերեցին Արմենի և Աշոտի դիակները։
1992 թվականի մայիսի 10-ին՝ 19 տարեկան հասակում, Աղբուլաղ (Սառանաղբյուր) գյուղի պաշտպանության կատաղի կռվում Արմեն Ղունյանը հերոսաբար մահացել է[2]։
Պետական պարգևներ խմբագրել
Արմեն Ղունյանը Արցախյան պատերազմում կատարած իր գործունեության համար հետմահու պարգևատրվել է՝ Երկրորդ աստիճանի «Մարտական խաչ» շքանշանով
Ծանոթագրություններ խմբագրել
- ↑ «ՀՀ զինված ուժերի կազմավորման 20-ամյակին նվիրված գիտաժողով ԵՊԲՀ-ում». online-apteka.am. Վերցված է 2019 թ․ մարտի 30-ին.
- ↑ «Էջ:Ղարաբաղյան ազատագրական պատերազմ հանրագիտարան (Karabakh Liberation War encyclopedia).djvu/452 — Վիքիդարան». hy.wikisource.org. Վերցված է 2019 թ․ մարտի 30-ին.