Ղազարապատ

Ղազարապատ, գյուղ Արցախի Հանրապետության Քաշաթաղի շրջանի շրջկենտրոնից 36 կմ հյուսիս-արևմուտք՝ Շալուա գետի ստորին հոսանքի աջափնյա ձորալանջին։ Գտնվում է հանրապետության արևմտյան հատվածում, մայրաքաղաք Ստեփանակերտից` 86 կմ հեռավորության վրա։

Գյուղական համայնք
Ղազարապատ
Երկիր	Արցախ
Շրջան	Քաշաթաղ
Ազգային կազմ	հայեր
Ժամային գոտի	UTC+4

Արցախի Հանրապետության քարտեզը, որտեղ մուգ շագանակագույնով պատկերված են Ադրբեջանի զինված ուժերի վերահսկողության ներքո գտնվող տարածքները, իսկ մարմնագույնով՝ Արցախի վերահսկողության ներքո գտնվող տարածքները 2021 թվականի հունվարի 1-ի դրությամբ

Աշխարհագություն

Համայնքը բարձր լեռնային է, ունի 2696.2 հա տարածք, որից 404.1 հա գյուղատնտեսական նշանակության, 2194.9 հա անտառային հողեր։ Ղազարապատ համայնքի սահմանային գոտով հոսում է Շալվա գետը։

Բնակավայրի տարածքում առկա են խմելու ջրի բազմաթիվ բնական աղբյուր-առվակներ։

Պատմություն

Ազատագրվել է 1993 թվականի մարտին, բնակեցվել է 1995 թվականին՝ Ադրբեջանից բռնագաղթած հայ փախստականներով։

2020 թվականի Արցախյան երկրորդ պատերազմի հետևանքով գյուղը հայաթափվել և անցել է Ադրբեջանի հսկողության տակ։

Բնակչություն

2015 թվականին Ղազարապատ համայնքի բնակչության թվաքանակը կազմում է 63 մարդ, կա 14 տնտեսություն։

Բնակավայրի ազգաբնակչության փոփոխությունը.

Տարի	2008	2009	2010
Բնակիչ	57	46	64

Տնտեսություն

Բնակչությունը հիմնականում զբաղվում է գյուղատնտեսությամբ՝ անասնապահությամբ և հողագործությամբ։

Պատմամշակութային կառույցներ

Գյուղում էր Սուրբ Հակոբ եկեղեցին, որը ավերվել է 1950-ական թվականներին։

Հասարարակական կառույցներ

2015 թվականի դրությամբ համայնքում գործում էր գյուղապետարան, միջնակարգ դպրոց, որտեղ սովորում էին 18 աշակերտներ։

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Ղարաբաղյան ազատագրական պատերազմ (1988—1994) հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո ։