Ձեգամ
գետ Ադրբեջանում
Ձեգամ (ադրբ.՝ Zəyəmçay), Զացամյայ, Զազեմսու, Զակամ, Զեզամ, Զեկամ, Զեղամ, Զյագամ, Լոբնաս, Լոփնաս, Լուբանաս, Լուբնաս, Լուփնաս, Ձազամ, Զեղամ, Կուր գետի աջակողմյան վտակը։ Սկիզբ է առնում Գանձակի լեռնահամակարգի կենտրոնական հատվածից, Սևանա լճի հյուսիս-արևելյան կողմում գտնվող Կարաարխաջ լեռնագագաթի փեշերից։ Գրեթե միշտ հոսում է հյուսիս-արևելյան ուղղությամբ։ Վերին հոսանքի շրջանում արագահոս է և փրփրալից, իսկ ստորին հոսանքը դանդաղահոս է։ Ամռանը նրա ջրերը օգտագործվում են ոռոգման համար և հաճախ մայր գետին չեն հասնում։ Մ. Բարխուդարյանը նույնացնում Է Լոփնաս[1] կամ Լուբնաս գետի հետ, նրա ափին դնելով Խաղխաղ քաղաքը։ Լ. Մելիքսեթ-Բեկի կարծիքով Ձեգամ նախկին Բերգուջ (Սագիմ) գետն է («Վրաց աղբյուրները...») էջ 63, ծան 4)[2]։
| Ձեգամ | |
|---|---|
| Բնութագիր | |
| Երկարություն | 90 կմ |
| Ավազանի մակերես | 942 կմ² |
| Ջրի ծախս | 6,3 մ³/վ |
| Գետաբերանի տեղակայում | Կուր գետ |
| Կոորդինատներ | |
| Տեղակայում | |
| Հոսող հոսքեր | Բաբաչայ |
| Երկիր |  Ադրբեջան |
Ծանոթագրություններ խմբագրել
- ↑ Եղիշե, Վարդանի և հայոց պատերազմի մասին է. 71
- ↑ Հակոբյան Թ. Խ., Մելիք-Բախշյան Ստ. Տ., Բարսեղյան Հ. Խ., Հայաստանի և հարակից շրջանների տեղանունների բառարան, հ. 3 [-] (խմբ. Մանուկյան Լ. Գ.), Երևան, «Երևանի Համալսարանի Հրատարակչություն», 2001, էջ 475 — 992 էջ։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 6, էջ 694)։ 
|