Հարութ Փամբուկչյան

Հարութ Փամբուկչյան
	Փամբուկչյանը Հալեպում (Սիրիա, 2007)
Հիմնական տվյալներ
Ծնվել է	հուլիսի 1, 1950 (73 տարեկան); Երևան, Հայկական ԽՍՀ, ԽՍՀՄ
Երկիր	ԽՍՀՄ, Հայաստան, և ԱՄՆ
Ժանրեր	Փոփ, ժողովրդական, ժողովրդական, հեղափոխական
Մասնագիտություն	երաժիշտ և երգիչ
Գործիքներ	կիթառ, վոկալ, բուզուկի, սազ և Դհոլ
Գործունեություն	1970 թվականից
Պարգևներ
Կայք	haroutpamboukjian.com
Հայտնի գործիքներ
	Harout Pamboukjian Վիքիպահեստում

Հարութ Եսայիի Փամբուկչյան (հուլիսի 1, 1950(1950-07-01)^[1], Երևան, Հայկական ԽՍՀ, ԽՍՀՄ), հայտնի որպես Ձախ Հարութ, ամերիկահայ երգիչ, երաժիշտ։ Հայաստանի վաստակավոր արտիստ (2015)^[2]։

Կենսագրություն խմբագրել

Ծնվել է 1950 թվականին, Երևանում։ Եսայի Փամբուկչյանի և Ծաղիկ Շահակյանի զավակն է։ Հայրը ծնվել է 1901 թվականին Զեյթունում, մայրը՝ 1907 թվականին Տիգրանակերտում։ Եղեռնից հետո նրանք ապրել են Բեյրութում, իսկ այնտեղից 1946 թվականին մեկնել հայրենիք։ Երևանում՝ Նոր Արեշ թաղամասում, 1950 թվին ծնվել է Հարութը։ Հաճախել է տեղի թիվ 43 դպրոցը և ընդունվել Թերլեմեզյանի անվան Գեղարվեստի ուսումնարանը, որն ավարտել է 1968 թվին։ Ծառայել է բանակում երկու տարի Ուկրաինայի Կանատոպ քաղաքում^[3]։

Մայրը երգչուհի է եղել։ Վաղ պատանեկությունից հետաքրքրվել է երաժշտական գործիքներով ու սովորել է նվագել կիթառ, սազ, բուզուկի, դհոլ, ու դաշնամուր։ Իր ստեղծած «Էրեբունի» խմբով ելույթներ է ունեցել ամենատարբեր առիթներով ու կատարել ամենատարբեր տեսակի երաժշտություն, ներառյալ՝ ռոք, ռաբիզ, ու շանսոն։

1971 թվականին կորցրել է հորը, որից հետո 1975 թվականին մոր հետ մեկնել է Բեյրութ՝ Լիբանան իսկ այնտեղից մեկ տարի անց տեղափոխվել ԱՄՆ և հաստատվել է Լոս Անջելես, որտեղ շարունակել է երաժշտական գործունեությունը։

Մականուն խմբագրել

Մականվան «Ձախ» բառը գալիս է Հարութ Փամբուկչյանի ձախլիկ լինելուց^[4]։

Սկավառակագրություն խմբագրել

Ալբոմներ խմբագրել

^[5]

Ուր էիր Աստված (1976)
Բալադ Հայրենյաց (1977)
Առավոտից իրիկուն (1978)
Մինչև էգուց (1980)
In Memory Of Those Who Gave Their Lives (1980)
Գետի այն ափին (1981)
Երբ ալեկոծ ծովի վրա (1982)
Top'82 (1982)
Տարիներ անցան (1982)
Հեռացած ընկերներ (1983)
Volume 12 (1984)
Harout Box Set - The Best of 1974-1984 (1984)
Հայի աչքեր (1986)
Live Concert Vol. 1 (1987)
Հայ բալիկներ (1988)
Requiem (1988)
Գնաս Բարով (1989)
Երեկոյան Երևան (1991)
Բարի տարեդարձ (1993)
Ճամբաները բինգյոլի (1994)
National & Patriotic Songs Vol. 1 Live (1997)
National & Patriotic Songs Vol. 2 Live (1997)
National & Patriotic Songs Vol. 3 Live (1997)
Live Concert Vol. 2 (1997)
The Golden Album (1997)
Երգը նաև աղոթք է (2000)
Harout 2000 (2000)
Patriotic Songs (2000)
Patriotic Collection (2000)
Love Songs (2000)
Dance Party Mix (2000)
Թուխ Աչկեր (2003)
My Life (2013)
Կանցնեն օրեր ու տարիներ (2022)

Պարգևներ խմբագրել

Հայաստանի վարչապետի հուշամեդալ (2015) (Ծննդյան 65-ամյակի կապակցությամբ և հայ երաժշտական արվեստը ներկայացնելու գործում ներդրած նշանակալի ավանդի համար^[6]։