Հրաչ Գալստյան
- Վիքիպեդիայում կան հոդվածներ Գալստյան ազգանունով այլ մարդկանց մասին։
Հրաչ Գալստյան (1991, Գյումրի, Հայկական ԽՍՀ, ԽՍՀՄ - ապրիլ 2016, Թալիշ, Մարտակերտի շրջան, Արցախ), ապրիլյան քառօրյա պատերազմի հերոս, ավագ լեյտենանտ։
| Հրաչ Գալստյան | |
|---|---|
 | |
| 1991 - ապրիլ 2016 | |
| Ծննդավայր | Գյումրի, Հայկական ԽՍՀ, ԽՍՀՄ |
| Մահվան վայր | Թալիշ, Մարտակերտի շրջան, Արցախ |
| Ծառայության տարիներ | 2007-2016 |
| Կոչում | ավագ լեյտենանտ |
| Մարտեր/ պատերազմներ | Արցախա-ադրբեջանական սահմանային պատերազմ (2016) |
| Կրթություն | Վազգեն Սարգսյանի անվան ռազմական ակադեմիա (2007) |
| Պարգևներ | |
Կենսագրություն
խմբագրելՀրաչ Գալստյանը ծնվել է 1991 թվականի մարտի 20-ին, Գյումրի քաղաքում։ Սովորել է Գյումրու 42 դպրոցում։ Դպրոցն ավարտելուց հետո 2003 թվականին ընդունվել է Վազգեն Սարգսյանի անվան ռազմական ինստիտուտ։ 2007 թվականին ավարտելով ինստիտուտը ծառայության է անցել Արցախի Մարտակերտի շրջանի՝ Թալիշ գյուղում։ Երիտասարդ ավագ լեյտենանտի կինը նույնպես զինվորականի ընտանիքից էր, Ադրբեջանի սահմանին մոտ գտնվող՝ Մատաղիս գյուղից[1]։ 1988 թվականի երկրաշարժից հետո Գալստյանների ընտանիքը հայտնվել է ծանր, ողբերգական իրավիճակի մեջ։ Հրաչի հայրը՝ Վարդանը կորցրել է ընտանիքը։ Սակայն որոշ ժամանակ անց կարողացել է հաղթահարել դժվարությունները։ Հրաչն ունի մեկ եղբայր։ Եղբայրը նույնպես պայմանագրային զինծառայող է Թալիշում։ Հրաչի զոհվելուց մեկ ամիս անց՝ մայիսի 6-ին ծնվում է Հրաչ Գալստյանի առաջնեկ՝ Անահիտ Գալստյանը[2]։
Մարտական գործողություններ
խմբագրելՀրաչը մասնակցել է Թալիշի ուղղությամբ ընթացող մարտական գործողություններին։ Ապրիլի 2-ի լույս ապրիլի 3-ի գիշերը, թեժ մարտերի ընթացքում ժամեր շարունակ կռվելով հակառակորդի դեմ զոհվել է հերոսի մահով։ ԼՂՀ նախագահ Բակո Սահակյանի հրամանով Հրաչ Գալստյանը Թալիշի դիրքը ամուր պահելու համար հետմահու պարգևատրվել է Արիության մեդալով[3]։
Պարգևներ
խմբագրել- «Մարտական ծառայություն» մեդալ
- Արիության մեդալ
Հուղարկավորություն
խմբագրելՀոգեհանգիստը տեղի է ունեցել 2016 թվականի ապրիլի 4-ին ժամը 17:00-ին, իսկ հուղարկավորությունը՝ 2016 թվականի ապրիլի 5-ին, ժամը 13:00-ին Թալիշի եկեղեցում[4]։
Ծանոթագրություններ
խմբագրել- ↑ Հերոս Հրաչ Գալստյանը
- ↑ Թալիշում նահատակված գյումրեցի ավագ լեյտենանտ Հրաչ Գալստյանը սպասում էր առաջնեկին
- ↑ «ՀԷՑ-ը բնակարան է նվիրել Թալիշում զոհված Հրաչ Գալստյանի ընտանիքին». Արխիվացված է օրիգինալից 2017 թ․ օգոստոսի 26-ին. Վերցված է 2017 թ․ հուլիսի 2-ին.
- ↑ «Հերոս ծնված». Հրաչ Գալստյան, Tsayg.am